បើទោះបីជាមានការបង្ហាញបញ្ជីរឈ្មោះ និងលេខទូរស័ព្ទ របស់មន្ត្រីជំនាញ និងសមត្ថកិច្ចពាក់ ព័ន្ធជិត៥០នាក់ ដែលយកលុយពីឡាន ដឹកឈើ និងទំនិញផ្សេងៗ តាមផ្លូវជាតិ លេខ៥ជារៀងរាល់ថ្ងៃ ត្រូវបានគេរក ឃើញពីឡាន ដឹកឈើខុសច្បាប់ កាល ពីថ្ងៃទី២៦ខែមករាឆ្នាំ២០១៥ ពេល សមត្ថកិច្ចបង្ក្រាបបាន ។នៅក្នុងបញ្ជី នោះមានឈ្មោះមន្ត្រីជំនាញ និងសមត្ថ កិច្ចដែលពាក់ព័ន្ធ ចាប់ពីស្រុកវាលវែង ខេត្តពោធិសាត់ រហូតដល់រាជធានី ភ្នំពេញ សរុបទាំងអស់ជិត៥០នាក់ (៥០កន្លែង) ។
ប្រជាពលរដ្ឋ និងអ្នក រកស៊ីដឹកទំនិញជាច្រើន បានលើកឡើង ថាៈ កន្លងទៅនេះគេសង្កេតឃើញមាន រថយន្តដឹកឈើទាំងតូចទាំងធំ ចង់រូង ផ្លូវជាតិលេខ៥ទៅហើយ ប៉ុន្តែគេកម្រ នឹងឃើញសមត្ថកិច្ច ដែលនៅបណ្តាក់ គ្នា ដូចខ្យងចាប់បានរថយន្តដឹកល្មើស ច្បាប់ទាំងនោះណាស់ លុះត្រាណាតែ រថយន្តដឹកឈើនោះមិនបង់លុយ ប្ញុក៏ ក្រឡាប់ក្អួតចេកឈើ ទើបនាំគ្នាស្ទាក់ ចាប់និងទៅដណ្តើមគ្នាយកវត្ថុតាង ។
សូមរំលឹកថាៈកាលពីវេលាម៉ោង ១០ ព្រឹកថ្ងៃទី២៦ ខែមករា ឆ្នាំ២០១៥ កម្លាំងប៉ូលីស ប្រឆាំងបទល្មើសសេដ្ឋ កិច្ចខេត្តកំពង់ឆ្នាំង មួយក្រុមបានស្ទាក់ ចាប់ឃាត់រថយន្ត ដឹកគ្រឿងសង្ហារឹម ( ផលិតផលពាក់កណ្តាលសម្រេច ) មួយគ្រឿងម៉ាកសាំយ៉ុង ពាក់ស្លាក លេខភ្នំពេញ 2D-2820 នៅត្រង់ចំណុច ស្ពានជ្រៃបាក់ ក្នុងស្រុករលាប្អៀរ ខេត្ត កំពង់ឆ្នាំង ។ នៅលើរថយន្តនោះ ពិនិត្យ ឃើញឈើម្រះព្រៅភ្នំ២បន្ទះធំ ដែល កែច្នៃរួចជាតុ ។ តុធ្នង់មូល២បន្ទះ ពក ម្រះព្រៅ១ច្នៃជាតុ ទ្វារធ្នង់៦សន្លឹក គ្រែ១ ដែលគេកែច្នៃរួច ។ ប៉ុន្តែ សមត្ថកិច្ចមិនបានបញ្ជាក់ឱ្យដឹងថា ៖ មានក្រដាស់ ដែលជាបញ្ជីឈ្មោះមន្ត្រី ពាក់ព័ន្ធ នឹងបទល្មើសព្រៃឈើទាំង នោះឡើយ ។ ប៉ុន្តែនៅព្រឹកថ្ងៃទី៣០ ខែមករាឆ្នាំ២០១៥ ស្រាប់តែមានគេ ទម្លាយបញ្ជីឈ្មោះមន្ត្រីជំនាញ និង សមត្ថកិច្ចដែលពាក់ព័ន្ធ នឹងការយក លុយពីឡានដឹកឈើ តាមផ្លូវជាតិលេខ ៥ ពីខេត្តពោធិសាត់ ឆ្ពោះទៅកាន់ រាជធានីភ្នំពេញឱ្យដឹងតែម្តង ។លោក ប៉ុល វុទ្ធី ស្នងការរងនគរបាលខេត្ត កំពង់ឆ្នាំងបានបញ្ជាក់ឱ្យដឹងថាៈ បញ្ជី ឈ្មោះមន្ត្រីជំនាញ និងសមត្ថកិច្ចពាក់ ព័ន្ធនឹងការយកលុយ ពីឡានដឹកឈើ នោះ ពិតជាមានមែន គឺសមត្ថកិច្ច ឆែកឆេររកឃើញ នៅក្នុងរថយន្តដឹក គ្រឿងសង្ហារឹមនោះ ។
ដោយមាន ប្រភព ច្បាស់លាស់សង្ឃឹមថា អង្គភាព ប្រឆាំងអំពើពុករលួយ ច្បាស់ជាមាន ការចាប់អារម្មណ៍ជាមិខាន ៕