ភ្នំពេញ ៖ នគរបាលខណ្ឌសែនសុខ បានបង្ក្រាបទីតាំងបញ្ជល់មាន់លួចលាក់ មួយកន្លែង ស្ថិតក្នុងភូមិ-សង្កាត់ខ្មួញ ខណ្ឌសែនសុខ កាលពីម៉ោង១១ព្រឹក ថ្ងៃ ទី៣១ ខែមករា ឆ្នាំ២០១៥ ។ ករណីបង្ក្រាបទីតាំងជល់មាន់នេះដឹកនាំដោយ លោក ម៉ក់ ហុង អធិការនគរបាលខណ្ឌសែនសុខ ។
លោក ម៉ក់ ហុង បានឱ្យដឹងថា មុន ពេលបង្ក្រាបទីតាំងជល់មាន់បន្ទាប់ពី លោកបានទទួលសេចក្ដីរាយការណ៍ពី ប្រជាពលរដ្ឋ ទើបកម្លាំងរបស់លោកចុះ ប្រតិបត្ដិការបង្ក្រាបទាន់ពេលវេលា ។ ជាមួយគ្នានេះ នគរបាលក៏បានឃាត់ខ្លួន មនុស្ស១៥នាក់ ម៉ូតូជាច្រើនគ្រឿង និង មាន់ជល់៤ក្បាលទៀត ។
សូមបញ្ជាក់ថា ការងារបង្ក្រាបនេះ មានអ្នកខ្លះដឹងខ្លួនទាន់ក៏គេចខ្លួនចូលព្រៃ បាត់ ព្រោះតំបន់ខាងជើងភូមិនេះសំបូរ ទៅដោយស្មៅ និងព្រៃគុម្ពោត។ ចំណែក អ្នកឯទៀតដែលរត់មិនរួចចំនួន១៥នាក់ រួមទាំងវត្ថុតាងផងនោះ ត្រូវបាននគរ បាលឃាត់ខ្លួនបញ្ជូនទៅអធិការដ្ឋាននគរ បាលខណ្ឌសែនសុខ ដើម្បីចាត់ការតាម នីតិវិធី ៕