ភ្នំពេញ ៖ តាមប្រភពសេចក្តីរាយការណ៍ពីប្រជាពលរដ្ឋបានអោយថា មានបើកល្បែង សុីសង(បៀរអុងឌូ)ដ៏ធំដុះស្លែ មួយកន្លែងគេនាំគ្នាបើកលេងចាក់លុយច្រើនៗណាស់ក្នុង ១ទឹកចាប់ពី១០០.០០០រៀល(ដប់មុឺនរៀល) ឡើងទៅទីតាំងស្ថិតនៅក្នុងបុរីអ័រគីដេវីឡា នៅផ្ទះលេខ៨៣ ផ្លូវលេខ៣ ហៅ(ផ្លូវរំចង់) ស្ថិតនៅភូមិអ័រគីដេ សង្កាត់អូរបែកក្អម ខណ្ឌ សែនសុខ រាជធានីភ្នំពេញ រីឯអាជ្ញាធរនិងសមត្ថកិច្ចក្នុងមូលដ្ឋានបានរក្សាស្ងៀមស្ងាត់ មិនអើពើបង្រ្កាបនោះទេ! ហ៊ានផ្គើននិងបទបញ្ជាសម្តេចតេជោ ហ៊ុន សែន ទៀតផង។
ប្រភពអ្នកចេញចូលលេងបានឲ្យដឹងថា មានម្ចាស់ឈ្មោះ(ម៉ាប់)ជាមេបនល្បែង(បៀរអុង ឌូ)ដ៏ធំ ប្រចាំនៅក្នុងបុរីអ័រគីដេវីឡា ស្ថិតនៅក្នុងមូលដ្ឋានខាងលើបើកអោយក្រុមញៀនល្បែង ប្រុស.ស្រី បាននាំគ្នាចូលលេងល្បែងយ៉ាងអនាធិបតេយ្យ ចំណែកអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន មិនមានវិធានការទប់ស្កាត់ និងបង្រ្កាបឡើយ។មហាជនដាក់ការសង្ស័យថាជាឆ្នាំងបាយរបស់ អាជ្ញាធរនិងសមត្ថកិច្ចមូលដ្ឋានផងក៏មិនដឹង? ទើបឈ្មោះ(ម៉ាប់)ម្ចាស់បនល្បែងហ៊ានបើកអោយក្រុមអ្នកញៀនល្បែងចូលលេងយ៉ាងគឃ្លើនបែបនេះ។
ប្រជាពលរដ្ឋរស់នៅក្បែរទីតាំងល្បែងខុសច្បាប់មានការព្រួយ បារម្ភភ័យខ្លាចបញ្ហាសុវត្ថិភាពគ្រួសារ អំពើចោរកម្ម និងបទ ល្មើសផ្សេង ៗដូចជា៖ ចោរលួច. ចោរឆក់. ចោរប្លន់ .ចោរគាស់ផ្ទះ.គ្រឿងញៀននិងប្រើអំពើហិង្សាគ្រួសារដើមចមកើតចេញពីល្បែង សុីសងនេះ ឯង។
គួររំលឹកផងដែរថា សម្តេចតេជោ ហ៊ុន សែន ធ្លាប់បានបញ្ជាក់យ៉ាងដាច់ណាត់ទៀត ផង បើអាជ្ញាធរនិងសមត្ថកិច្ចមូលដ្ឋានស្រុក ក្រុង ខេត្ត ណាមិនហ៊ានអនុវត្តក្នុងការបង្រ្កាប ទី តាំងបនល្បែងសុីសងខុស ច្បាប់គ្រប់ប្រភេទនៅក្នុងមូលដ្ឋាន របស់ខ្លួនទេ? អាជ្ញាធរនិងសមត្ថកិច្ចក្នុងមូលដ្ឋាន ទាំង នោះនិងមានបញ្ហាប្រឈមនិងបាត់បង់ពីតំណែងទៀត ផង។ដោយឡែកអាជ្ញាធរនិងសមត្ថកិច្ចជំនាញពាក់ព័ន្ធមូលដ្ឋានសង្កាត់.ខណ្ឌ បណ្ដោយអោយម្ចាស់បនល្បែងសុីសងឈ្មោះ (ម៉ាប់)បើកលេងគគ្រឹកគគ្រេងអនាធិបតេយ្យក្នុងមូលដ្ឋានខ្លួនមិនព្រមបង្រ្កាប ផ្គើនបទបញ្ជាសម្តេចតេជោ នាយករដ្ឋមន្ត្រី ហ៊ុន សែន ទៀតផង។
ប្រជាពលរដ្ឋរស់នៅខាងលើសូមអំពាវនាវដល់លោក ឃួង ស្រេង អភិបាលរាជធានីភ្នំពេញនិងលោក ស ថេត ស្នងការនគរបាលរាជធានីភ្នំពេញមេត្តាដាក់មន្រ្តីក្រោមឱវ៉ាទចុះពិនិត្យទប់ស្កាត់និងបង្រ្កាបអោយមានប្រសិទ្ធិ ភាពស្របតាមគោលនយោបាយភូមិឃុំមានសុវត្ថិភាព ៧ចំណុចដែលរាជរដ្ឋាភិបាលបានដាក់ ចេញដោយក្រសួងមហាផ្ទៃផង៕មានត