មណ្ឌលគីរី៖តាមប្រភពពីប្រជាពលរដ្ឋបានបង្ហើបអោយដឹងថា លោកអធិការនគរបាលស្រុកកែវសីមា និងលោកអភិបាលស្រុកកែវសីមា មិនចាត់វិធានការបង្ក្រាបល្បែងស៊ីសងខុសច្បាប់ដែលមាន ជល់មាន់បៀអាប៉ោងយូគីនិងល្បែងច្រើនប្រភេទដែលបុគ្គលនោះហ៊ានបើកអោយពលរដ្ឋខ្មែរនិងមានក្រុមអ្នក ញៀនល្បែងជាច្រើនទៀតបាននាំគ្នាចូលរួមលេងគគ្រឹក គគ្រេងពពាក់ពពូននៅក្នុង កា សុីណូយីហោ”ធីជីហ្គេនទីង” នៅក្បែរច្រក ឡាប៉ាខេ ភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី បើកអោយពលរដ្ឋចូលលេងល្បែងសុីសងដោយសេរីមិនរំខានដល់អាជ្ញាធរនិងសមត្ថកិច្ចក្នុងមូលដ្ឋាន ឃុំ ស្រុក ឡើយ។រាល់ថ្ងៃគេសង្កេតឃើញពលរដ្នខ្មែរមកពីខេត្តជិតឆ្ងាយចេញចូលលេងល្បែង សុីសងយ៉ាងច្រើនសន្ធឹកសន្ធាប់ គួរអោយ កត់សម្គាល់ខ្លះលក់ទ្រព្យសម្បិត្តគ្មានសល់ចាញ់ឈ្នះរាប់លាន រាប់ពាន់ដុល្លារក្នុងមួយថ្ងៃៗពេលចាញ់ល្បែងអស់ច្រើនប្រើអំពើហិង្សាដល់ក្រុមគ្រួសារទៀតផង។
ប្រជាពលរដ្ឋរស់នៅក្បែរទីតាំងកាសុីណូយី ហោ”ធីជីហ្គេនទីង “នោះពលរដ្ឋមានការព្រួយបារម្ភភ័យ ខ្លាចពីអសន្តិសុខសង្គមនិងអំពើចោរកម្មចោរលួច.ចោរឆក់ចោរប្លន់.ចោរគាស់ផ្ទះនិងប្រើអំពើហិង្សាគ្រួសារគ្រឿង ញៀនដើមចមកើតចេញពីល្បែងសុីសងនេះ ឯង។ ដូច្នេះប្រជាពលរដ្ឋសូមអំពាវនាវដល់ថ្នាក់ដឹកនាំក្រសួងមហាផ្ទៃ លោក នាយឧត្តមសេនីយ៍សន្តិបណ្ឌិត នេត សារឿន អគ្គស្នងការនគរបាលជាតិនឹងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណៈកម្មការបង្រា្កបបទល្មើសល្បែងស៊ីសងទូទាំងប្រទេសមេត្តាដាក់មន្រ្តីក្រោមឱវាទខេត្តចុះពិនិត្យបង្រ្កាបទីតាំងខាង លើនេះផង។
ហេតុនេះលោក ថង សាវ៉ុន អភិបាលខេត្តមណ្ឌលគីរីនិង លោកឧត្តមសេនីយ៍ទោ ឡោ សុខា ស្នងការដ្ឋាននគរបាលខេត្តមណ្ឌគីរី គួរចាត់វិធានការបង្ក្រាបល្បែងស៊ីសងនៅ ក្នុងកាសុីណូយីហោ”ធីជីហ្គេន ទីង”នៅក្បែរច្រកឡាប៉ាខេ ភូមិឡាប៉ាខេ ឃុំស្រែខ្ទុម ស្រុក កែវសីមា ខេត្តមណ្ឌលគិរី ដែលហ៊ានបើកអោយពលរដ្ឋខ្មែរចូលលេងល្បែងសុីសងនោះ អោយមានប្រសិទ្ធភាព ផងព្រោះ ថា ម្ចាស់កាសុីណូយីហោ”ធីជីហ្គេនទីង”នៅក្បែរច្រកឡាប៉ាខេ កំពុងផ្គើនទៅនឹងបទបញ្ជាសម្ដេចតេជោ នាយករដ្ឋមន្ត្រី ហ៊ុន សែន និងរំលោភលើលិខិតអនុញ្ញាតិរបស់ក្រសួង ហើយ ដែលហ៊ានបើកអោយពលរដ្ឋខ្មែរចូលលេងល្បែងសុីសងមិនញញើតច្បាប់។ប្រជាពលរដ្ឋរស់នៅក្នុងមូលដ្ឋានខាងលើបានបន្ថែមថា ល្បែងស៊ីសងជល់មាន់បៀអាប៉ោងយូគីនិងជាច្រើនប្រភេទទៀតដែលកំពុងបើកអោយពលរដ្ឋខ្មែរចេញចូលលេងដោយសេរីយ៉ាងគគ្រឹកគគ្រេងអនាធិបតេយ្យបំផុត។
គួររំលឹកផងដែរថា កាលពីកន្លងទៅ នៅថ្ងៃទី ១៧ខែកញ្ញាឆ្នាំ២០២២ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានចេញបទបញ្ជាយ៉ាងម៉ឺងម៉ាត់ដាច់ខាតបំផុតអោយអភិបាលរាជធានីខេត្តទាំង២៥ ខេត្ត.ក្រុង. អោយបិទទីតាំងបនល្បែងសុីសងខុសច្បាប់គ្រប់ប្រភេទទូទាំងរាជធានីខេត្តមិនអនុញ្ញាតិមានល្បែងសុីសងឡើយ។ ប៉ុន្តែដោយឡែកអាជ្ញាធរនិងសមត្ថកិច្ចជំនាញពាក់ព័ន្ធខេត្តមណ្ឌលគីរី បណ្ដោយអោយម្ចាស់សង្វៀន មាន់ជល់បៀអាប៉ោងយូគីនិងល្បែងច្រើនប្រភេទទៀតបើកអោយពលរដ្ឋខ្មែរចូលលេងយ៉ាងគឃ្លើនផ្គើនទៅនឹងបទបញ្ជាសម្ដេចតេ ជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា ទៅវិញ។
ដែលបញ្ហានេះលោក ឡោ សុខា ស្នងការនគរបាលខេត្តមណ្ឌលគីរី លោក ថង សាវ៉ុន អភិបាលខេត្តមណ្ឌលគីរីនិងលោក ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគីរី បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរតែចាត់វិធានការបង្រ្កាបសង្វៀនមាន់ជល់បៀអាប៉ោងយូគីនៅក្នុងកាសុីណូយីហោ”ធីជីហ្គេនទីង”នៅក្បែរច្រកឡាប៉ាខេ” ភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី អោយមាន ប្រសិទ្ធភាព ស្របតាមគោល នយោបាយ ភូមិ ឃុំ មានសុវត្ថិភាព ៧ ចំណុចដែលរាជរដ្ឋាភិបាលដាក់ចេញអោយក្រសួងមហាផ្ទៃ ផងទាន៕មានត