ខេត្តឧត្តរមានជ័យ ៖ ឈ្មួញធំៗជាប្រភពចំណូលរបស់លោក ឈុន សុភមង្គល មេសាខាគយនិងរដ្ឋាករខេត្តឧត្ដរមាន ជ័យនេះបើតាមការបង្ហើបពីមន្រ្តីគយក្នុងខេត្តឧត្ដរមានជ័យ បានឲ្យដឹងថា ចាប់តាំងពីអំឡុង ខែ មករា ឆ្នាំ២០១៩ ដែលលោក ឈុន សុភមង្គល ទទួលបានតំណែងជាប្រធានសាខាគយខេត្តឧត្ដរមានជ័យ រហូតមកដល់បច្ចុប្បន្ននេះគឺលោក ឈុន សុភមង្គល ប្រើតួនាទី និងអំណាចប្រមូលលុយតាមរបៀបពុករលួយយ៉ាងពេញទំហឹង។ ឈ្មួញធំៗដែលរកស៊ីនាំចូលទំនិញតាមច្រកទ្វារអន្តរជាតិជាំ ស្រុកអន្លង់វែង និងតាមច្រកទ្វារអន្តរជាតិអូរស្មាច់ ក្រុងសំរោង សុទ្ធតែសុំការយោគយល់ពីលោក ឈុន សុភមង្គល ដើម្បី ឲ្យមុខរបររបស់ពួកគេដំណើរការយ៉ាងរលូន។ការដែលលោក ឈុន សុភមង្គល ហ៊ានធ្វើអ្វីៗតាមអំពើចិត្តគឺដោយសារអាងមានខ្នងបង្អែករឹងមាំ នៅក្នុងអគ្គនាយកដ្ឋាន គយ និងរដ្ឋាករកម្ពុជាផងដែរ។
ប្រភពពីមន្រ្តីពាក់ព័ន្ធនៅច្រកទ្វារអន្តរជាតិជាំ ស្រុកអន្លង់វែង បានឲ្យដឹងថា ឈ្មួញធំៗនាំ ចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញបន្ទុក ព្រោះមានការបើកដៃពីលោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ លោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ មិនហ៊ានប៉ះពាល់ឈ្មួញធំៗទាំងនោះទេ!ព្រោះពួកគេសុទ្ធតែមានទំនាក់ទំនងជិតស្និទ្ធជាមួយលោក ឈុន សុភមង្គល ប្រធានសាខាគយខេត្តឧត្ដរមានជ័យ។ ហេតុនេះហើយទើបលោក កែវ សារ៉ាត់ មានតែ ជួយសម្រួលឲ្យឈ្មួញធំៗទាំងនោះដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ទៅដល់គោលដៅ យ៉ាងរលូនដើម្បីជាថ្នូរនឹងផលប្រយោជន៍។
ប្រភពពីមន្រ្តីនៅច្រកទ្វារអន្តរជាតិអូរស្មាច់ ក្រុងសំរោង ខេត្តឧត្ដរមានជ័យ បានបន្តឲ្យ ដឹងថា ឈ្មួញធំៗនាំចូលទំនិញ គេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកអូរស្មាច់យ៉ាងពេញបន្ទុក ព្រោះមានការបើកដៃពីលោក វ៉ាន់ ក្ដេ មេគយច្រកអូរស្មាច់។ ប្រភពបានបន្ថែមឲ្យដឹងទៀតថា លោក ឈុន សុភមង្គល ប្រធានសាខាគយនិងរដ្ឋាករខេត្តឧត្ដរមានជ័យ បើកដៃឲ្យលោក វ៉ាន់ ក្ដេ ប្រធានការិយា ល័យគយច្រកអូរស្មាច់ ធ្វើអ្វីៗតាមអំពើចិត្តមិនខ្វល់ពីការរិះ គន់អ្វីទាំងអស់។ ហេតុនេះហើយទើបមានការអំពាវនាវឲ្យលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុនិងលោក គុណ ញឹម អគ្គនាយកដ្ឋានគយនិងរដ្ឋាករកម្ពុជា មេត្តាចាត់វិធានការទប់ស្កាត់អំពើពុករលួយរបស់លោក ឈុន សុភមង្គល និងមេៗគយតាមច្រកព្រំដែនក្នុងខេត្តឧត្ដរ មានជ័យ ខ្លះផង។ ជាពិសេសលោក ឱម យិនទៀង ប្រធានអង្គភាពប្រឆាំងអំពើពុករលួយធ្លាប់ប្ដេជ្ញាលុបបំបាត់អំពើពុករលួយតាមដងផ្លូវ ចាត់វិធានការទប់ស្កាត់អំពើពុករលួយរបស់លោក ឈុន សុភមង្គល ប្រធានសាខាគយនិងរដ្ឋាករខេត្តឧត្តរមានជ័យនិងបក្ខពួកដែលឃុបឃិតគ្នាបើកដៃអោយឈ្នួញនាំទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ដោសេរី ជាថ្នូរមិនបង្រ្កាប។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកឈុន សុភមង្គល ប្រធានសាខាគយនិងរដ្ឋាករខេត្តឧត្តរមានជ័យរាល់ម៉ោងធ្វើការ៕មានត