ស្វាយរៀង ៖ ប្រភពពីប្រជាពលរដ្ឋរស់នៅ ភូមិក្រសាំងជ្រុំ ឃុំគ្រួស ស្រុកស្វាយជ្រុំ បានអោយដឹងថា ម្ចាស់បនល្បែងសុីសងជល់មាន់បៀអាប៉ោងយូគីនិងល្បែងជាច្រើនប្រភេទទៀតប្រហែលមានអំណាចខ្នងបង្អែករឹងមាំនៅពីក្រោយ ទេីបបុគ្គលម្នាក់នោះហ៊ានបើកអោយពលរដ្ឋខ្មែរចូលលេងល្បែងសុី សងមិនញញើតអ្វីទាំងអស់។
មហាជនក៏ដូចជាប្រជាពលរដ្ឋក្នុងមូលដ្ឋានបានរិះគន់ទៅលើអាជ្ញាធរនិងសមត្ថកិច្ចពាក់ពន្ធ័ច្រកព្រំដែនទ្វេភាគីក្រសាំងជ្រុំថា ជាអ្នកបើកភ្លើងខៀវទើបម្ចាស់កាស៊ីណូ មួយកន្លែងនេះហ៊ានបើកអោយពលរដ្ឋខ្មែរនិងជនអន្តោប្រវេសន៍ ឆ្លងដែនគ្មានលិខិតលិខិតឆ្លងដែនចូលមកលេងល្បែងសុីសងជល់ មាន់បៀអាប៉ោងយូគីយ៉ាងគគ្រឹកគគ្រេងដោយសេរី អនាធិបតេយ្យបំផុតរីឯអាជ្ញាធរនិងសមត្ថកិច្ចមូលដ្ឋាន នាំគ្នារក្សាភាពស្ងៀមស្ងាត់ មិនបង្រ្កាបទុកអោយបុគ្គលម្នាក់នេះគៀងគរក្រុម ញៀនល្បែងមកគ្រប់ ទិសទីចូលមកលេងល្បែងស្រែកហ៊ោកញ្រៀវត្រហុឹងអឺង កងចាញ់ឈ្នះរាប់លានរាប់មុឺនដុល្លារក្នុងមួយថ្ងៃៗហើយមិនរំខានដល់អាជ្ញាធរនិងសមត្ថ កិច្ចមូលដ្ឋានឡើយ។
ដូច្នេះលោក ពេជ្រ វិរះ ស្នងការដ្ឋាននគរ បាលខេត្តស្វាយរៀង ទើបកាន់តំណែងថ្មីមិនគួរមើលរំលងលោក អធិការដ្ឋាននគរបាលស្រុកស្វាយជ្រុំនិងលោក ស៊ិន វិសាល មេប៉ុស្តិ៍នគរបាលច្រកព្រំដែនទ្វេភាគីកក្រសាំងជ្រំុ ផង។ ព្រោះថាបច្ចុប្បន្ននេះ ល្បែងជល់ មាន់និងល្បែងជា ច្រើនប្រភេទទៀតនៅតែបន្តបើកលេងក្នុងដែនដីរបស់ខ្លួនដដែលមិនព្រមបង្រ្កាបនោះ ។ ពលរដ្ឋរស់នៅក្បែរទីតាំងល្បែងស៊ីសងខាងលើមានការព្រួយបារម្ភ ភ័យខ្លាចអំពីអសន្តិសុខសង្គមនិងអំពើចោរ កម្ម.ចោរលួច. ចោរឆក់. ចោរប្លន់. ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនដើមចមកើតចេញ ពីល្បែងសុីសងនេះឯង។
ប្រជាពលរដ្ឋភូមិក្រសាំងជ្រុំ ឃុំគ្រួស ស្រុកស្វាយជ្រុំ អំពាវនាវដល់ថ្នាក់ដឹកនាំក្រសួងមហាផ្ទៃលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេ ខាធិការក្រសួងមហាផ្ទៃនិងជាប្រធានគណៈ កម្មការទប់ស្កាត់និងបង្ក្រាបបទល្មើសល្បែងស៊ី សងទូទាំងប្រទេសមេត្តាដាក់មន្រ្តីក្រោមឱវាទខេត្តចុះពិនិត្យទីតាំងបនល្បែងសុីសងដែលបើកអោយពលរដ្ឋខ្មែរនិងជនអន្តោប្រ វេសន៍ឆ្លងដែនគ្មានលិខិតអនុញ្ញាតចូលមក លេងល្បែងសុីសងគគ្រឹកគគ្រេងនោះផងទាន! ។
ដែលបញ្ហានេះលោក ម៉ែន វិបុល អភិបាលខេត្តស្វាយរៀង និងលោក ពេជ្រ វិរះ ស្នងការដ្ឋាននគរបាលខេត្តស្វាយរៀងបើពិតមិនបានជាប់ពាក់ព័ន្ធនិងផលប្រយោជន៍នោះទេ? គួរតែ ចាត់វិធានការទប់ស្កាត់បង្ក្រាបល្បែងសុីសងខាងលើអោយមានប្រសិទ្ធភាពស្របតាមគោលនយោបាយភូមិឃុំមានសុវត្ថិភាព៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ៕មានត