ខេត្តសៀមរាប ៖ រាជរដ្ឋាភិបាល កម្ពុជាបានដាក់ចេញគោលនយោបាយភូមិឃុំមានសុវត្ថិ ភាពទាំង៧ចំណុចអោយមន្រ្តីថ្នាក់មូលដ្ឋានអនុវត្តអោយមានប្រសិទ្ធភាព ប៉ុន្តែអាជ្ញាធរនិងសមត្ថកិច្ចមូលដ្ឋាន ក្រុង.ខេត្តសៀមរាប មិនអនុវត្ត មិនហ៊ានបង្រ្កាប លុបបំបាត់បទល្មើសល្បែងស៊ីសងខុស ច្បាប់គ្រប់ប្រភេទ ក្នុងដែនគ្រប់ គ្រងរបស់ខ្លួននោះទេ! ព្រោះអំណាចបុគ្គលឈ្មោះខ្លា រហ្សនាម (E12) ធំជាង។
សូមរំលឹកថា កាលនៅថ្ងៃទី17 ខែកញ្ញា ឆ្នាំ 2022 សម្តេចតេជោ នាយករដ្ឋមន្ត្រី ហ៊ុន សែន បានដាក់បទបញ្ជាដល់អភិបាលរាជធានី ទាំង25 ខេត្ត ក្រុង ត្រូវតែបង្រ្កាប!ទីតាំងបទ ល្មើសល្បែងសុីសងខុសច្បាប់ គ្រប់ប្រភេទ ទូទាំងប្រទេស អោយខានតែបានមិនមានការលើកលែង។សម្តេចតេជោ បានបញ្ជាក់យ៉ាងដាច់ណាត់ទៀតថា បើ អាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការទប់ស្កាត់ និងបង្រ្កាប!ទីតាំងបទល្មើសល្បែងសុីសងខុសច្បាប់ គ្រប់ប្រភេទ នៅក្នុងមូលដ្ឋាន របស់ខ្លួនទេ?អាជ្ញាធរនិងសមត្ថកិច្ចមូលដ្ឋានទាំងនោះ !និងមានបញ្ហាប្រឈមនិងបាត់បង់ពីតំណែងទៀតផង។ ប៉ុន្តែផ្ទុយទៅវិញ អាជ្ញាធរនិងសមត្ថកិច្ចមូលដ្ឋាន ក្រុង. ខេត្តសៀមរាបមិន យកត្រចៀកស្ដាប់នោះទេ? ហ៊ានផ្គើននិងបទបញ្ជាស្តីពីការទប់ ស្កាត់របស់ សម្តេចតេជោ ហ៊ុន សែន ទៀតផង។នេះសបញ្ជាក់ឃើញ ថានៅតែបន្តបើកភ្លើងខៀវឲ្យកើតមានបទល្មើសល្បែងសុីសងខុសច្បាប់ គ្រប់ប្រភេទ នៅក្នុងមូលដ្ឋាន រីកដូចផ្សិត រីឯអាជ្ញាធរនិងសមត្ថកិច្ចមូលដ្ឋាន មិនធ្វើការបង្រ្កាប នាំគ្នារក្សាភាពស្ងៀមស្ងាត់ ទៅវិញ។
ប្រភពបន្ថែមថា ទីតាំងបទល្មើសល្បែងជល់មាន់ភ្នាល់ តាមអនឡាញ និងល្បែងកន្ទុយ លេខឆ្នោតយួន.ឆ្នោតថៃខុសច្បាប់ ជាច្រើនកន្លែងក្នុង ក្រុង. ខេត្តសៀមរាប គេដឹងថា មេខ្លោងឈ្មោះ ខ្លា រហ្សនាម(E12)ជាម្ចាស់ បន ល្បែងខុសច្បាប់ នៅតែបើកលេងដដែលចុះហេតុអ្វីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន មិនមានឆន្ទ: ក្នុងការទប់ស្កាត់និងបង្ក្រាបនោះ! មហាជនដាក់ការសង្ស័យថា អាជ្ញាធរនិងសមត្ថកិច្ចមូលដ្ឋានត្រូវថ្នាំសណ្តំ ឬត្រូវកញ្ចប់ទើប បាននាំគ្នាបំភ្លេចគោល នយោបាយភូមិឃុំមានសុវត្ថិភាព ៧ ចំណុចរបស់រាជរដ្ឋាភិបាលដាក់ចេញដោយក្រសួង មហាផ្ទៃបែបនេះ។
ប្រភពបានបន្ថែមទៀតថា ឈ្មោះ ខ្លា រហ្សនាម(E 12)ជាម្ចាស់ទីតាំងបនល្បែងសុីសងខុសច្បាប់ គ្រប់ប្រភេទ ជាច្រើនកន្លែងនៅក្នុងភូមិសាស្ត្រខាង លើកំពុងបើកលេងយ៉ាងអនាធិបតេយ្យ ធ្វើឲ្យប្រជាពលរដ្ឋរស់នៅមានការព្រួយបារម្ភភ័យខ្លាចបញ្ហាអសន្តិសុខសង្គម អំពើចោរកម្ម លួច ឆក់ ប្លន់ គាស់ផ្ទះគ្រឿងញៀននិងប្រើអំពើហិង្សា ដើមចមកើតចេញពីល្បែងសុីសងនេះឯង។
ដូច្នេះលោក ទៀ សីហា អភិបាលខេត្តសៀម រាប លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តសៀមរាប និងលោក ឧត្តមសេនីយ៍ត្រី ប៉ោ វណ្ណនិត មេបញ្ជាការ កងរាជអាវុធហត្ថខេត្តសៀមរាប បើពិតមិនបានជាប់ពាក់ព័ន្ធនិងផលប្រយោជន៍នោះទេ? គួរតែចាត់វិធានការ ទប់ស្កាត់និងបង្ក្រាបទីតាំងបទ ល្មើសល្បែងសុីសងខុសច្បាប់ គ្រប់ប្រភេទ ជាច្រើនកន្លែងក្នុងមូលដ្ឋានខាង លើដែលមានម្ចាស់ឈ្មោះខ្លា រហ្សនាម (E 12)អោយមានប្រសិទ្ធភាពស្របតាមគោលនយោបាយភូមិឃុំមានសុវត្ថិភាព៧ចំណុចដែលរាជរដ្ឋាភិបាលដាក់ចេញដោយក្រសួងមហាផ្ទៃផង៕មានត
