មណ្ឌលគីរី៖ តាមប្រភពពីប្រជាពលរដ្ឋបានបង្ហើបអោយដឹងថា លោក អធិការនគរបាលស្រុកកែវសីមា មិនចាត់វិធានការបង្ក្រាបល្បែងស៊ីសងខុសច្បាប់ដែលមានជល់មាន់ បៀអាប៉ោងយូគីនិងល្បែងច្រើនប្រភេទដែលបុគ្គលនោះហ៊ានបើកអោយពលរដ្ឋខ្មែរនិងមានក្រុមអ្នកញៀនល្បែងជាច្រើនទៀតបាននាំគ្នាចូលរួមលេងគគ្រឹកគគ្រេងពពាក់ពពូននៅក្នុងកាសុីណូយីហោ”ធីជីហ្គេនទីង” ច្រក ឡាប៉ាខេ ឃុំស្រែខ្ទុំ ស្រុកកែវសីមា ខេត្តមណ្ឌលគិរី បើកលេងដោយសេរីមិនរំខានដល់អាជ្ញាធរនិងសមត្ថកិច្ចក្នុងមូលដ្ឋាន ឃុំ ស្រុក ឡើយ។រាល់ថ្ងៃគេសង្កេតឃើញពលរដ្នខ្មែរមកពីទីជិតឆ្ងាយចេញចូលលេងល្បែងសុី សងយ៉ាងច្រើនសន្ធឹកសន្ធាប់ គួរអោយកត់ សម្គាល់ខ្លះលក់ទ្រព្យសម្បិត្តគ្មានសល់ពេលចាញ់ឈ្នះរាប់លានរាប់ ពាន់ដុល្លារក្នុងមួយថ្ងៃៗពេលចាញ់ល្បែងអស់ច្រើនប្រើអំពើហិង្សាដល់ក្រុមគ្រួសារទៀតផង។
ប្រជាពលរដ្ឋរស់នៅក្បែរទីតាំងកាសុីណូយី ហោ”ធីជីហ្គេនទីង “នោះមានការព្រួយបារម្ភភ័យខ្លាចពីអសន្តិសុខសង្គមនិងអំពើចោរកម្មចោរលួច.ចោរឆក់ចោរប្លន់.ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនដើមចមកើតចេញពីល្បែងសុីសងនេះឯង។
ដូច្នេះប្រជាពល រដ្ឋសូមអំពាវនាវដល់ថ្នាក់ ដឹក នាំក្រសួងមហាផ្ទៃជាពិសេស លោក នាយឧត្តមសេនីយ៍សន្តិបណ្ឌិត នេត សា រឿន អគ្គស្នងការនគរបាលជាតិនឹងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណៈកម្មការបង្រា្កប បទល្មើសល្បែងស៊ីសងទូទាំងប្រទេសមេត្តាដាក់មន្រ្តីក្រោមឱវាទខេត្តចុះពិនិត្យបង្រ្កាបទីតាំងខាងលើនេះផងទាន។
ហេតុនេះលោក ថង សាវ៉ុន អភិបាលខេត្តមណ្ឌលគីរីនិង លោក ឧត្តមសេនីយ៍ទោ ឡោ សុខា ស្នងការដ្ឋាននគរបាលខេត្តមណ្ឌគីរី គួរចាត់វិធានការបង្ក្រាបល្បែងស៊ីសងនៅ ក្នុងកាសុីណូយីហោ”ធីជីហ្គេន ទីង”នៅច្រក ឡាប៉ាខេ ឃុំស្រែខ្ទុំ ស្រុកកែវសីមា ខេត្តមណ្ឌលគិរី អោយមានប្រសិទ្ធភាព ព្រោះ ថាម្ចាស់កាសុីណូយីហោ “ធីជីហ្គេនទីង ” ច្រកឡាប៉ាខេ កំពុងផ្គើនបទបញ្ជាសម្ដេច តេជោ នាយករដ្ឋមន្ត្រី ហ៊ុន សែន និងរំលោភលើលិខិតអនុញ្ញាតិ ដែលហ៊ានបើកអោយពលរដ្ឋខ្មែរល្បែងសុីសងមិនញញើតច្បាប់នោះ។ ប្រជាពលរដ្ឋរស់នៅក្នុងមូល ដ្ឋានខាងលើបានបន្ថែមអោយដឹងទៀតថា ល្បែងស៊ីសង ជល់មាន់ បៀ អាប៉ោង និងយូគីបើកអោយពលរដ្ឋខ្មែរចេញ ចូលលេងដោយសេរីគគ្រឹក គគ្រេងយ៉ាងពេញបន្ទុក។
គួររំលឹកផងដែរថា កាលពីកន្លងទៅ នៅថ្ងៃទី ១៧ខែកញ្ញាឆ្នាំ២០២២នេះសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានចេញបទបញ្ជាយ៉ាងម៉ឺងម៉ាត់ដាច់ខាតអោយអភិបាលរាជធានីខេត្តទាំង២៥ ខេត្ត.ក្រុង. អោយបិទទីតាំងបនល្បែងសុីសងខុសច្បាប់គ្រប់ប្រភេទទូទាំងរាជធានីខេត្តមិនអនុញ្ញាតិមានល្បែងសុីសងឡើយ។ ប៉ុន្តែម្ចាស់សង្វៀនមាន់ជល់បៀអាប៉ោងយូគីមួយកន្លែងនេះនៅ តែហ៊ានបើកអោយពលរដ្ឋខ្មែរចូលលេង យ៉ាងគឃ្លើនផ្គើនទៅនឹងបទបញ្ជាសម្ដេច តេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជាទៀតផង។
ដែលបញ្ហានេះលោក ឡោ សុខា ស្នងការនគរបាលខេត្តមណ្ឌលគីរី លោក ថង សាវ៉ុន អភិបាល ខេត្តមណ្ឌលគីរីនិងលោក ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគីរី បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរតែចាត់វិធានការបង្រ្កាបសង្វៀនមាន់ជល់បៀអាប៉ោងយូគីនៅក្នុងកាសុីណូយីហោ”ធីជីហ្គេនទីង” ច្រក ឡាប៉ាខេ” ឃុំស្រែខ្ទុំ ស្រុកកែវសីមា ខេត្តមណ្ឌលគិរី អោយមានប្រសិទ្ធភាពស្របតាម គោលនយោបាយ ភូមិ ឃុំ មានសុវត្ថិភាព ៧ ចំណុច ដែលរាជរដ្ឋាភិបាលដាក់ចេញអោយក្រសួងមហាផ្ទៃ ផងទាន៕មានត