ខេត្តកណ្ដាល៖ ប្រភពពីមន្ត្រីភ្នាក់ងារគយក្នុងខេត្តកណ្ដាលមួយ ចំនួនបានបង្ហើបឲ្យដឹងថា លោក អន ស៊ីនួន មេសាខាគយខេត្តកណ្តាលពង្រាយដៃ ជើងរបស់ខ្លួនដាក់កុងត្រូលជជុះគាបលុយអាជីវករនិងឈ្មួញរកសុី ដឹកបន្លែផ្លែឈើពីស្រុកយួនចូលមកតាមផ្លូវជាតិខ្សែក្រវ៉ាត់ខេត្តកណ្តាលចូលមករាជធានីភ្នំពេញជាលេសត្រួតពិនិត្យពន្ធ!តាមពិតនោះដាក់កុងត្រូលជជុះយកលុយក្រុមអាជីវករនិងឈ្មួញដាក់ហោប៉ាវចែកគ្នាធ្វើមានបានយ៉ាងសុខស្រួលសោះ។ ជាក់ស្តែងក្រុមគយផ្លូវជាតិលេខ១ចំណុចភូមិជ្រោយដង ឃុំសំរោងធំនិងផ្លូវជាតិផ្សេងៗទៀតដែលជាប់ផ្លូវខ្សែរក្រវាត់ខេត្តកណ្តាលដាក់ក្រុងត្រូល ជជុះយកលុយដាក់ហោប៉ៅ គេមិនដែលឃើញក្រុមគយនៅចំណុចនោះត្រួតពិនិត្យឆែកឆេទំនិញម្តងណាឡើយ តែគេសង្កេតឃើញមានតៃកុងឡាន ព្រូឡានឈប់នៅខាងមុខចូលបង់លុយគ្មានក្រដាសស្នាមឬវិក្ក័យ បត្រអ្វីទាំងអស់។
ប្រភពដដែលបានបន្តអោយដឹងថា លោក អន ស៊ីនួន មិនចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធ និងទំនិញបង់ពន្ធមិនគ្រប់និងទំនិញខុសច្បាប់ឆ្លងកាត់ខេត្តកណ្ដាលនោះទេបណ្តោយក្រុមឈ្មួញទាំងនោះធ្វើអ្វីៗតាមអំពើចិត្ត ។ លោក អន ស៊ីនួន ចំណាយដើមទុនយ៉ាងច្រើនសន្ធឹកសន្ធាប់ក្នុងការទទួលបានតំណែងជាប្រធានសាខាគយខេត្តកណ្ដាល ទើបខំប្រឹងប្រព្រឹត្តអំពើពុករលួយស្រង់ដើមដោយគ្មានញញើតនិងអង្គភាពប្រឆាំងអំពើពុករលួយនោះទេ។
ប្រភពដែលស្និទ្ធនឹងលោក អន ស៊ីនួន បានឲ្យដឹងថា ក្រោយពេលទទួលបានតំណែងជាប្រធានសាខាគយខេត្តកណ្ដាល គឺលោក អន ស៊ីនួន កំពុងអនុវត្តន៍តាមបទពិសោធន៍របស់លោក វ៉ូ វណ្ណា អតីតប្រធានសាខាគយខេត្តកណ្ដាលដើម្បីប្រមូលលុយធ្វើមានបានយ៉ាងសុខស្រួល។
ប្រភពខ្លះបានឲ្យដឹងទៀតថា ក្រុមឈ្មួញដឹកជញ្ជូនទំនិញឆ្លងកាត់ផ្លូវជាតិលេខ១ ផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ៥ និងផ្លូវជាតិផ្សេងៗទៀតចូលមករាជធានីភ្នំពេញ គឺជាប្រភពចំណូលរបស់លោក អន ស៊ីនួន តែម្តង។ ជាក់ស្ដែងតាំងពីទទួលបានតំណែងជាប្រធានសាខាគយខេត្តកណ្ដាលមក គឺលោក អន ស៊ីនួន មិនដែលចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ ឬទំនិញខុសច្បាប់ បានម្ដងណាឡើយមានតែសម្រប សម្រួលឲ្យឈ្មួញទាំងនោះដឹកទំនិញទៅដល់គោលដៅប្រកបដោយសុវត្ថិភាព។ ទន្ទឹមនឹងនេះនៅច្រកជ្រៃធំ ច្រកបាក់ដៃនិងច្រកផ្សេងៗទៀត ក្រុមឈ្មួញអាចនាំចូលទំនិញគេចពពន្ធទំនិញបង់ពន្ធមិនគ្រប់ឬទំនិញខុសច្បាប់យ៉ាងរលូនដូចកាលពីជំនាន់លោក វ៉ូ វណ្ណា នៅធ្វើជាប្រធានសាខាគយខេត្តកណ្ដាល ។
ប្រភពពីមន្ត្រីគយក្នុងខេត្តកណ្ដាលបានបន្ថែមឲ្យដឹងថាក្រុមឈ្មួញធំៗដែលដឹកជញ្ជូនទំនិញគេចពន្ធទំនិញបង់ពន្ធមិនគ្រប់ និងទំនិញខុសច្បាប់ឆ្លងកាត់ផ្លូវជាតិនានាក្នុងខេត្ត កណ្តាលចូលទៅរាជធានីភ្នំពេញ សុទ្ធតែមានទំនាក់ ទំនងស្និទ្ធជាមួយលោក អន ស៊ីនួន ដើម្បីសម្រួលដល់អាជីវកម្មរបស់ពួកគេ។ លើសនេះទៅទៀតលោក អន ស៊ី នួន បានពង្រាយដៃជើងរបស់ខ្លួនដាក់ត្រូលជជុះតាមដងផ្លូវនិងក្រុមមន្ត្រីគយចល័តក្នុងខេត្តកណ្ដាល គាបយកលុយពីក្រុមឈ្មួញនិងក្រុមអាជីករដឹក ជញ្ជូនទំនិញឆ្លងកាត់ផ្លូវជាតិជាច្រើនខ្សែក្នុងខេត្តកណ្ដាលស្រេចតែអំពើចិត្តបើទោះបីឈ្មួញទាំងនោះដឹកជញ្ជូនទំនិញបង់ពន្ធត្រឹមត្រូវនៅច្រកព្រំដែនរួចហើយក៏ដោយ។
ប្រភពពីសមត្ថកិច្ចពាក់ព័ន្ធក្នុងខេត្តកណ្ដាល បានឲ្យដឹងថាលោក អន ស៊ីនួន ឡើងកាន់តំណែងជាប្រធានសាខាគយខេត្តកណ្ដាលតាំងពីរសៀលថ្ងៃទី២៨ ខែមករាឆ្នាំ២០១៩ហើយរហូតមកដល់បច្ចុប្បន្ននេះលោក អន ស៊ីនួន មិនទាន់ចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធទំនិញបង់ពន្ធមិនគ្រប់ និងទំនិញខុសច្បាប់បានមួយករណីនៅឡើយទេ។
ដូច្នេះសូមលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មិនគួរបណ្តែតបណ្តោ យតទៅទៀតនោះទេ។ ហេតុនេះក្រុមអាជីករ ដឹកបន្លែផ្លែឈើមានការអំពាវនាវដល់លោក លោក ឱម យ៉ិនទៀង ប្រធានអង្គភាពប្រឆាំងអំពើពុករលួយដែលធ្លាប់ប្តេជ្ញាលុបបំបាត់អំពើពុករលួយតាមដងផ្លូវចាត់វិធានការទប់ស្កាត់អំពើពុករលួយរបស់ក្រុមមន្រ្តីគយជជុះនិងលោក អន ស៊ីនួន ប្រធានសាខាគយខេត្តកណ្ដាលដែលពង្រាយដៃជើងប្រព្រឹត្តអំពើពុករលួយតាមអំពើចិត្តនេះផង។
ពាក់ព័ន្ធព័ត៌មានខាងលើ (www.enn-tv.com)យើងខ្ញុំរងចាំនូវការពន្យល់បកស្រាយពីលោក អន ស៊ីនួន ប្រធានសាខាគយនិងរដ្ឋាករខេត្តកណ្តាល រាល់ម៉ោងធ្វើការ៕មានត
