លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត ” មានជ័យ”ស្រុកស្នួលប្រែក្លាយទៅជាជញ្ជីងថ្លឹងលុយ ក្រោមការគ្រប់គ្រងរបស់លោក សាំង ប៊ុនថេន ប្រធានមន្ទីរសាធារណការនិងដឹកជញ្ជូនខេត្តក្រចេះ.!

ខេត្តក្រចេះ ៖ តាមប្រភពពីម្ចាស់រថយន្តដឹកទំនិញឆ្លងកាត់ស្ថានីយ៍ជញ្ជីងថ្លឹងរថយន្ត “មានជ័យ” ស្រុកស្នួលខេត្ត ក្រចេះបានអោយដឹងថា លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ស្រុកស្នួលខេត្តក្រចេះ ប្រែក្លាយទៅជាជញ្ជីងថ្លឹង លុយតាមអំពើចិត្តដោយមានការបើកដៃពីសំណាក់លោក សាំង ប៊ុនថេន ប្រធានមន្ទីរ សាធារណការនិងដឹកជញ្ជូនខេត្តក្រចេះ ។

រីឯលោកទេសរដ្ឋមន្រ្តី ស៊ុន ចាន់ថុល និងលោក សេង ឈួន មេជញ្ជីងថ្លឹងរថយន្តទូ ទាំងប្រទេសរក្សាភាពស្ងៀមស្ងាត់ ទុកអោយលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត”មានជ័យ”ស្រុកស្នួលធ្វើអ្វីៗតាមអំពើចិត្តហើយជាប្រភពចំណូលដ៍ធំរបស់លោក នូ សុវណ្ណា ផងនោះទើបមិនខ្វល់ការរិះគន់ពីមហាជន។ ដូច្នេះលោក ស៊ុន ចាន់ថុល រដ្ឋមន្ត្រីក្រសួងសាធារណការនិង ដឹកជញ្ជូនមិនគួរបណ្តោយអោយលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ​”ស្រុកស្នួលខេត្ត ក្រចេះធ្វើអ្វីៗតាមអំពើចិត្តតទៅទៀតនោះទេ។

ប្រភពមន្ត្រីនៃមន្ទីរសាធារណការខេត្តក្រចេះបានខ្សឹបខ្សៀវថា ការដែលលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ ” ស្រុកស្នួល ហ៊ានធ្វើអ្វីៗបានគឺមានការបើក ដៃពីសំណាក់លោក សាំង ប៊ុនថេនប្រធានមន្ទីរសាធារណការនឹងដឹកជញ្ជូនខេត្តក្រចេះជាអ្នកបើកភ្លើងខៀវ ។បញ្ហានេះលោក ស៊ុន ចាន់ថុល រដ្ឋមន្ត្រីក្រសួងសាធា​រណការនិង ដឹកជញ្ជូន ពិនិត្យមើលក្រុមមន្ត្រីស្ថានីយ៍ ជញ្ជីងថ្លឹងរថយន្តស្រុកស្នួលនេះផងទាន!ព្រោះលោក នូ សុវណ្ណា ប្រធានស្ថានីយ៍ ជញ្ជីងថ្លឹងរថយន្ត”មានជ័យ” ស្រុកស្នួល និងលោក សាំង ប៊ុនថេន ប្រធានមន្ទីរសា   ធារណការខេត្តក្រចេះ មិនខ្វល់ការរិះគន់នោះទេ។
ប្រភពឈ្មួញនិងអាជីវករដឹកជញ្ជូនកសិផលនិងដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្ត”មានជ័យ”ស្រុកស្នួលខេត្តក្រចេះ បានបន្តអោយដឹងថា ទោះបីពួកគាត់ផ្ទុក លើសទម្ងន់មិនលើសទម្ងន់ត្រូវបង់លុយតាមការ កំណត់របស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ស្រុកស្នួលមិនអាចតវ៉ាបានឡើយ។

ប្រភពដដែលបន្ថែមអោយដឹងទៀតថាលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ស្រុកស្នួល ខេត្តក្រចេះឃុបឃិតអោយឈ្មួញធំៗផ្ទុកលើសទម្ងន់បើកបរឆ្លងកាត់មុខស្ថានីយ៍ដោយមិនបាច់ចូលថ្លឹង អោយតែឈ្មួញទាំងនោះបង់លុយតាមការកំណត់របស់លោក នូ សុវណ្ណា ជាការស្រេច ។
ពាក់ព័ន្ធព័ត៌មានខាងលើគេហទំព័រ (www. enn- tv.com)យើងខ្ញុំរងចាំនូវការពន្យល់ បកស្រាយពីលោក សាំង ប៊ុនថេន ប្រធានមន្ទីរសាធារណការនិងដឹកជញ្ជូនខេត្តក្រចេះនិងលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត”មាន ជ័យ”ស្រុកស្នួល ខេត្តក្រចេះ រាល់ម៉ោងធ្វើការ៕មានត