ភ្នំពេញ ៖ គួររម្លឹកផងដែរថា កាលនៅថ្ងៃទី ១៧ ខែកញ្ញា ឆ្នាំ២០២២-សម្តេចតេជោ នាយករដ្ឋមន្ត្រី ហ៊ុន សែន បានចេញបទបញ្ជាឲ្យលោក អភិបាល ទាំង២៥ ខេត្ត ក្រុង ត្រូវតែចាត់វិធានការទប់ស្កាត់ និងបង្រ្កាបទីតាំងបនល្បែងសុីសងខុសច្បាប់ គ្រប់ប្រភេទ ទូទាំងប្រទេស ឲ្យខានតែបាន។សម្ដេចបានបញ្ជាក់យ៉ាងដាច់ណាត់ថា បើ អាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានអនុវត្ត ក្នុងការបង្រ្កាបទីតាំងបនល្បែងសុីសងខុសច្បាប់ គ្រប់ប្រភេទ នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចមូលដ្ឋាន ទាំងនោះប្រឈមនិងបាត់បង់ពីតំណែងទៀតផង។
តាមប្រភពរបាយការណ៍ពីពលរដ្ឋដែលចេញចូលលេង ល្បែងសុីសងបានបង្ហើបថា នៅក្នុងទីតាំងមួយនេះមានដូចជា៖ (ភ្នាល់ចាក់បាល់ បៀរការ៉ាត់)និងល្បែងជាច្រើនប្រភេទទៀត តាមប្រព័ន្ធអនឡាញ យីហោកាសា (CASA) ជាប់មន្ទីរពេទ្យគន្ធបុប្ផា នៅតាមបណ្តោយផ្លូវ៤៧ ស្ថិតក្នុង សង្កាត់វត្តភ្នំ ខណ្ឌដូនពេញ រាជធានីភ្នំពេញ បើកឲ្យក្រុមអ្នក ញៀនល្បែងចូលលេងគគ្រឹកគគ្រេងពេញបន្ទុកយ៉ាងអនាធិបតេយ្យខណៈអាជ្ញាធរនិងសមត្ថកិច្ចនៅក្នុងមូលដ្ឋាន រក្សាភាពស្ងៀមស្ងាត់! មិនហ៊ានធ្វើការបង្រ្កាបគេសង្ស័យថាខ្លាចបាត់បង់លាភសក្ការៈនិងផលប្រយោជន៍ទេដឹង?។
ទីតាំងបនល្បែងសុីសងខុសច្បាប់ជាច្រើនប្រភេទតាមប្រព័ន្ឋអនឡាញ យីហោកាសា (CASA)ជាប់មន្ទីរពេទ្យគន្ធបុប្ផា ស្ថិតក្នុងភូមិសាស្រ្តខាងលើកាលពីកន្លងទៅរដ្ឋបាលខណ្ឌដូនពេញបានចុះធ្វើកិច្ចសន្យាម្តងរួចមកហើយដែរពាក់ព័ន្ធល្បែងសុីសងខុសច្បាប់នេះ។ប៉ុន្តែបច្ចុប្បន្នឃើញថាបើកលេងបានយ៉ាងរលូនឬមួយ(វាយព្រៃបង្អើលពោះគោះទឹកបង្អើលត្រីអោយចូលស៊ងឬ?) ទើបមិនហ៊ានចាត់វិធានការទប់ស្កាត់និងបង្រ្កាបនោះ! មហាជនក៍ដូចប្រជាពលរដ្ឋដាក់ការសង្ស័យ ថា អាជ្ញាធរនិងសមត្ថកិច្ចមូលដ្ឋាន ជាអ្នក បើកភ្លើងខៀវឲ្យម្ចាស់ទីតាំងបើកលេងបានដោយរលូនបែបនេះ។
ប្រភពដដែលបន្តថា ម្ចាស់ទីតាំងបនល្បែង (ភ្នាល់ចាក់បាល់ បៀរការ៉ាត់)និងល្បែងជាច្រើនប្រភេទទៀត តាមប្រព័ន្ធអនឡាញ យីហោកាសា(CASA)មួយកន្លែងជាប់មន្ទីរពេទ្យគន្ធបុប្ផា នៅក្នុងទឹកដី ខណ្ឌដូនពេញ រាជធានីភ្នំពេញប្រហែលធំជាងអាជ្ញាធរនិងសមត្ថកិច្ចមូលដ្ឋាន ខណ្ឌដូនពេញហើយ ហើយមាន អំណាច បានហ៊ានបើកឲ្យក្រុម ញៀនល្បែងចូលលេងហ៊ោរកញ្ជ្រៀវ តាមអំពើចិត្ត មិនខ្លាច ញញើតអាជ្ញាធរនិងសមត្ថកិច្ចក្នុងមូលដ្ឋានធ្វើឲ្យប្រជាពលរដ្ឋរស់នៅក្បែរទីតាំងនោះមានការព្រួយបារម្ភ ភ័យខ្លាចអំពីបញ្ហាអសន្តិសុខសង្គមនិងអំពើចោរកម្ម .លួច. ឆក់. ប្លន់. គាស់ផ្ទះ. គ្រឿង ញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះឯង។
ហេតុនេះហើយទើបពលរដ្ឋរស់នៅទីក្រុងភ្នំពេញនាំគ្នាអំពាវនាវ ដល់លោក ឃួង ស្រេង អភិបា លរាជធានីភ្នំពេញនិងលោកឧត្តមសេនីយ៍ឯក ស ថេត ស្នងការនគរ បាលរាជធានីភ្នំពេញ មេត្តាចាត់វិធានការតាមផ្លូវច្បាប់ ចំពោះទីតាំងបទល្មើសល្បែង សុីសងខុសច្បាប់ច្រើនប្រភេទតាមប្រព័ន្ធ អនឡាញ យីហោកាសា(CASA)មួយកន្លែងជាប់មន្ទីរពេទ្យគន្ធបុប្ផា ស្ថិតក្នុងភូមិសាស្រ្តខាងលើនេះផង អោយស្របតាបគោលនយោបាយភូមិឃុំមានសុវត្ថភាព៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃផង៕មានត