ខេត្តព្រៃវែង៖ ថ្មីៗនេះក្រុមអាជីវករដែលរកស៊ីដឹកជញ្ជូនទំនិញនិងបន្លែផ្លែឈើពីប្រទេស វៀតណាមតាមផ្លូវជាតិលេខ១បានអំពាវនាវដល់ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយនិងថ្នាក់ដឹកនាំ ក្រសួងស្ថាប័នពាក់ព័ន្ធដាក់ការស៊ើបអង្កេតស្រាវ ជ្រាវជុំវិញភាពមិនប្រក្រតីពុករលួយរបស់ លោក ខៀវ សារឿន ប្រធានគយចល័តតំបន់ ២ផ្លូវជាតិលេខ១ ដែលមានទី់ស្នាក់ការស្ថិតនៅភូមិទួលល្ពាក់ ឃុំរំចេក ស្រុកព្រះ ស្ដេច ខេត្តព្រៃវែងនិងបក្ខពួកឃុបឃិតជាមួយឈ្មួញធំៗជាថ្នូរអនុញ្ញាតឲ្យនាំចូលទំនិញ គេចពន្ធទំនិញបង់ពន្ធមិនគ្រប់និងទំនិញខុសច្បាប់បង្កប់តាមរថយន្តក្រុងដឹកអ្នក ដំណើរនិងរថយន្តដឹកទំនិញធំៗមួយ ចំនួនទៀតដឹកចេញពីប្រទេសវៀតណាមចូលមកប្រទេសខ្មែរ ជាពិសេសដឹកទៅកាន់រាជធានីភ្នំពេញ។
ប្រភពបង្ហើបឲ្យដឹងថា លោក ខៀវ សារឿន ត្រូវបានអាជីវករនិងអ្នករកស៊ីដឹកទំនិញនិងពលរដ្ឋរស់នៅ ខេត្តព្រៃវែង រិះគន់ថាកំពុងត្រូវប៉ាន់ប្រមូលលុយដាក់ខែពីរថយន្តក្រុងលួចបង្កប់ទំនិញគេចពន្ធ ទំនិញបង់ពន្ធមិនគ្រប់ដោយក្នុងរថយន្ត១គ្រឿងៗ ត្រូវបង់ លុយរាប់ពាន់ដុល្លារអាមេរិកក្នុង១ខែ ៗជាថ្នូរបើកភ្លើងខៀវ មិនឲ្យមន្ត្រីគយរបស់ខ្លួនត្រួតពិនិត្យនិងមិនផាកពិន័យបង់ពន្ធចូលរដ្ឋជាដើម។ល។
ប្រភពខ្លះបានបន្តឲ្យដឹងទៀតថា សូម្បីអាជីវករលក់ម៉ូតូអត់ពន្ធនៅតាមទីតាំងមួយចំនួននៅទីប្រជុំជនផ្សារអ្នកលឿង ស្រុកពាមរ៍ ក៏តម្រូវឲ្យពួកគេបង់លុយដាក់ខែ ជូនមន្ត្រីគយចល័តតំបន់២ ដឹកនាំដោយ លោក ខៀវ សារឿន ដោយក្នុង១ខែ ៗ ត្រូវបង់លុយចាប់ពី ៤០០ដុល្លារ ទៅ៦០០ដុល្លារសម្រាប់ហាង ឬទីតាំងលក់ម៉ូតូអត់ពន្ធ១ កន្លែង។
ប្រភពពីពលរដ្ឋស្រុកព្រះស្ដេច បានឲ្យដឹងថា ទីស្នាក់ការគយចល័តតំបន់២ផ្លូវជាតិលេខ១ ត្រង់ចំណុច ភូមិទួលល្ពាក់ ឃុំរំចេក ស្រុកព្រះស្ដេច ខេត្តព្រៃ វែង ដឹកនាំដោយលោក ខៀវ សារឿន ដើរតាមកន្លងអតីតលោក ផែន ភឿន ។
ប្រភពពីក្រុមឈ្មួញដឹកទំនិញពីប្រទេសវៀត ណាមបានបន្តអោយដឹងថា លោក ខៀវ សារឿន ប្រធានគយចល័តតំបន់២ផ្លូវជាតិលេខ១ កំពុងធ្វើឲ្យឈ្មួញឬពាណិជ្ជករទាំងអ្នករកស៊ីស្របច្បាប់និងល្មើសច្បាប់មិនពេញចិត្តជាខ្លាំង ព្រោះរាល់ថ្ងៃនេះមន្ត្រីគយចល័តតំបន់២ផ្លូវជាតិលេខ ១ បានដាក់កុងត្រូលជជុះតាមផ្លូវជាតិនេះយកលេស(ត្រួតពិនិត្យពន្ធ) តាមការពិតយកលុយចូល ហោប៉ៅ ចែកគ្នាធ្វើមានធ្វើបានសោះនិងប្រើរថយន្តសម្រាប់បើកដេញតាមចាប់រថយន្តដឹកបន្លែផ្លែ ឈើនិងរថយន្តដឹកទំនិញផ្សេងៗទៀត ដោយគាបឈ្មួញនិងអាជីវកររកស៊ីនាំចូលទំនិញដឹកតាមផ្លូវជាតិលេខ១ពីប្រទេសវៀត ណាម គាបឲ្យបង់លុយច្រើនៗទៅឲ្យក្រុមខ្លួនជាប្រចាំថ្ងៃ និងដាក់ប្រចាំខែ តាមការកំណត់ ប៉ុន្តែមិនមានចេញលិខិតស្នាមឬវិក្កយបត្រជូនពួកគាត់ឡើយ។
ប្រភពពីក្រុមឈ្មួញដដែលបានបន្ថែមទៀត ថា លោក ខៀវ សារឿន ប្រធានគយចល័តតំបន់ ២ ផ្លូវជាតិលេខ១ស្រុកព្រះ ស្ដេច ខេត្តព្រៃវែង ចំណាយដើមទុនសន្ធឹកសន្ធាប់ទើបបានតំណែងមួយនេះហើយបានបញ្ជាឲ្យមន្ត្រីជំនាញក្រោមឱវាទខ្លួន ចុះគាបលុយពីរបររក ស៊ីដឹកទំនិញបន្លែផ្លែឈើ ដឹកតាមរុឺម៉កម៉ូតូ និងទំនិញផ្សេងៗនាំចូលតាមច្រកទ្វារមួយចំនួននៅ ខេត្តស្វាយរៀង និងខេត្តព្រៃវែងស្រងដើម គឺការផាកពិន័យពីពួកគេ ដោយមន្ត្រីគយចល័តតំបន់២ទាំងនោះ មិនបានចេញវិក្កយបត្រអោយនោះទេ។
ប្រភពពីអាជីវករតូចតាចបានបង្ហើបឲ្យដឹងថា សម្រាប់រ៉ឺម៉កដឹកទំនិញសំពីង សំពោង ចេញ ពីប្រទេសវៀតណាមឆ្លងកាត់ខាងមុខទីស្នាក់ ការគយចល័តតំបន់២ផ្លូវជាតិលេខ១ ក៏ត្រូវក្រុមលោក ខៀវ សារឿន តម្រូវឲ្យបង់លុយឲ្យមន្ត្រីខ្លួនចំនួន១៥០,០០០រៀល ក្នុងរ៉ឺម៉ក១គ្រឿងរីឯរ៉ឺម៉កម៉ូតូដឹកបន្លែវិញគឺត្រូវលោកមេ គយចល័តតំបន់២តម្រូវឲ្យបង់លុយជូនចាប់ ពី ៤ ទៅ ៥ម៉ឺនរៀល ក្នុងការដឹក១ជើងៗ និងសម្រាប់រថយន្តសាំយ៉ុងដឹកបន្លែផ្លែឈើវិញ គឺត្រូវបង់ចាប់ពី ៨ទៅ១៥ ម៉ឺនរៀលក្នុង១គ្រឿងៗ។
ចំណែកលោក មួង ដារ៉ា ប្រធានសាខាគយនិងរដ្ឋាករខេត្តព្រៃវែងប្រព្រឹត្តអំពើពុករលួយមិនចាញ់គ្នាប៉ុន្មានដែរទេ? ដែលមានទីតាំងស្ថិតក្នុងភូមិព្រៃខ្លា ឃុំកំពង់សឹង្ហ ស្រុកព្រះ ស្ដេច ខេត្តព្រៃវែង ក៍ត្រូវមហាជនរិះគន់យ៉ាងចាស់ដៃណាស់ផងដែរដោយសារលោកប្រើ មន្រ្តីគយឬសន្តិសុខយាមខាងមុខចាំយក លុយពីឡានដឹកទំនិញឆ្លងកាត់ខាងមុខស្នាក់ការចូលបង់លុយដោយគ្មានចេញវិក័យបត្រនោះទេ។ ដូច្នេះហើយលោក អូន ព័ន្ធមុន្នីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញ មិនគួរមើលរំលងលោក មួង ដារ៉ា មេសាខាគយនិងរដ្ឋាករខេត្តព្រៃវែងដែលបណ្តោយឲ្យឈ្មួញដឹកទំនិញគេចពន្ធ ទំនិញបង់ ពន្ធមិនគ្រប់និងទំនិញខុសច្បាប់បង្កប់តាមរថយន្តតូច.ធំ. រថយន្តក្រុងនិងទំនិញផ្សេងៗជាច្រើនប្រភេទទៀតតាមអំពើចិត្ត គេមិនដែលឃើញលោកមេគយត្រួតពិនិត្យឆែកឆេរលើមុខទំនិញណាឡើយ។ហើយគេសង្កេតឃើញតែលោកគយឬអ្នកយាមអង្គុយចាំយកលុយពីព្រូឡាននិងតៃកុងឡានចុះដើរឆ្លងថ្នល់ចូលទៅបង់លុយអោយត្រឹមតែតូបយាមតែប៉ុណ្ណោះដោយគ្មានវិក្កយបត្រអ្វីទាំងអស់។
ករណីខាងលើនេះប្រជាពលរដ្ឋ ស្រុកព្រះ ស្ដេច ខេត្តព្រៃវែងសូមអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើ ពុករលួយ ដែលធ្លាប់បានប្តេជ្ញាលុបបំបាត់អំពើពុករលួយតាមដងផ្លូវចាត់វិធានការទប់ស្កាត់អំពើពុករលួយរបស់ក្រុមមន្រ្តី គយចល័តតំបន់២ ផ្លូវជាតិលេខ១ខ្លះៗផង ។ និងដាក់ការសេុីបអង្កេតអោយសុីជម្រៅទៅលើលោក មួង ដារ៉ា មេសាខាគយខេត្តព្រៃវែងនិងលោក ខៀវ សារឿន ប្រធានគយចល័តតំបន់២ផងទាន។
ពពាក់ព័ន្ធព័ត៌មានខាងលើគេហទំព័រ (www. enn- tv. com)យើងខ្ញុំរងចាំនូវពន្យល់បកស្រាយពីលោក មួង ដារ៉ា មេសាខាគយនិងរដ្ឋាករខេត្តព្រៃវែងនិងលោក ខៀវ សារឿន ប្រធានគយចល័តតំបន់ ២ផ្លូវជាតិលេខ១ រាល់ម៉ោងធ្វើការ៕មានត