តាមប្រភពរាយការណ៍ពីច្រកទ្វារអន្តរជាតិអូរស្មាច់បានអោយដឹងថា ថ្មីៗនេះមេគយច្រកទ្វារព្រំដែនអន្តរជាតិអូរស្មាច់កំពុងល្បីល្បាញកាន់តែខ្លាំងខាងពុករលួយនេះបើតាមការបង្ហើបពីមន្រ្តីនៅច្រកទ្វារអន្តរជាតិអូរស្មាច់ ក្រុងសំរោង ខេត្តឧត្ដរមានជ័យ លោក វ៉ាន់ ក្ដេ ប្រធានការិយាល័យគយច្រកទ្វារអន្តរជាតិអូរស្មាច់ នៅ តែបើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ពីប្រទេសថៃ យ៉ាងពេញបន្ទុក។ ការដែលលោក វ៉ាន់ ក្ដេ មិនញញើតក្នុងការប្រព្រឹត្តរបៀបអំពើពុករលួយនេះគឺដោយសារអាងមានលោក ឈុន សុភមង្គល ប្រធានសាខាគយខេត្ត ឧត្ដរមានជ័យ ជាខ្នងបង្អែករឹងមាំ ហើយល្បីល្បាញខាងប្រមូល លុយតាមរបៀបពុករលួយទៀតផង។
ប្រភពបន្តទៀតថា ការដែលឈ្មួញអាចដឹកជញ្ជូនទំនិញចេញពីច្រកអូរស្មាច់ ទៅដល់គោលដៅក្នុងខេត្តសៀមរាប និងរាជធានីភ្នំពេញ គឺមានការសម្របសម្រួលពីលោក គួន សុភាព មេគយចល័តខេត្តឧត្ដរ មាន ជ័យ ផងដែរ។
បើតាមប្រភពពីមន្រ្តីនៅច្រកអន្តរជាតិជាំ ស្រុកអន្លង់វែង បានឲ្យដឹងថា លោក កែវ សារ៉ាត់ ប្រធានការិយាល័យគយច្រកទ្វារជាំ មិនញញើតក្នុងការបើកដៃឲ្យឈ្មួញនាំចូលទំនិញ គេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញ ទំហឹង។ ដោយហេតុថា លោក កែវ សារ៉ាត់ អាងមានលោក ឈុន សុភមង្គល ជាបង្អែករឹងមាំ ហើយក៏មានការរួមដៃពីសំណាក់លោក គួន សុភាព មេគយចល័តខេត្តឧត្ដរមានជ័យ ដែលមានជំនាញខាងប្រព្រឹត្តពុករលួយទើបលោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ ដំណើរការយ៉ាងសុខស្រួលទៅបានគឺមានកិច្ចសហការពី សំណាក់លោក យូ សុធារិទ្ធ នាយប៉ុស្តិ៍នគរបាលអន្តោប្រ វេសន៍ច្រកទ្វារអន្តរជាតិជាំ ផងដែរ។
ប្រភពបានបន្ថែមឲ្យដឹងទៀតថា ប្រសិនបើគ្មានការបើកដៃពីសំណាក់លោក ឈុន សុភមង្គល ប្រធានសាខាគយខេត្តឧត្ដរមានជ័យ នោះទេគឺលោក វ៉ាន់ ក្ដេ មេគយច្រកអូរស្មាច់ និងលោក កែវ សារ៉ាត់ មេគយច្រកជាំ មិនអាចធ្វើអ្វីៗតាមអំពើចិត្តរបស់ខ្លួនឡើយ។ ការដែលលោក ឈុន សុភមង្គល បណ្ដោយឲ្យមេៗគយនៅតាមច្រកព្រំដែនខេត្តឧត្ដរមាន ជ័យធ្វើអ្វីតាម អំពើចិត្តគឺដោយសារអាងមានខ្នងបង្អែកនៅក្នុងអគ្គនាយកដ្ឋានគយ និងរដ្ឋាករកម្ពុជា។ ដូច្នេះលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មិនគួរមើលរំលងលោក ឈុន សុភមង្គល ប្រធានសាខាគយខេត្តឧត្តរមានជ័យបណ្ដោយអោយ មេការិ យាល័យគយនៅតាមច្រកព្រំដែនក្នុងខេត្ត ឧត្ដរមាន ជ័យបើកដៃអោយឈ្មួញតូចធំនាំចូលទំនិញ គេចពន្ធទំនិញបង់ពន្ធមិនគ្រប់និងទំនិញខុសច្បាប់ពីប្រទេសថៃ យ៉ាងពេញទំហឹងហើយ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកឈុន សុភមង្គល ប្រធានសាខាគយនិងរដ្ឋាករខេត្តឧត្តរមានជ័យលោក វ៉ាន់ ក្តេ មេការិយាល័យគយច្រកទ្វារអន្តរជាតិអូរស្មាច់និងលោក កែវ សារ៉ាត់ ប្រធានការិយាល័យគយច្រកទ្វារអន្តរ ជាតិជាំព្រម ទាំងលោក គួន សុភាព មេគយចល័ត រាល់ម៉ោងធ្វើការ៕មានត
