ខេត្តស្វាយរៀង៖ ក្រុមឈ្មួញសម្រុករត់ពន្ធទំនិញចេញទៅស្រុកយួន តាមច្រករបៀងក្រសាំងជ្រំុ ខេត្តស្វាយរៀង យ៉ាងពេញបន្ទុកដោយរលូនដោយ មានខ្នងបង្អែករឹងមាំចាំការពារនេះបើតាមប្រភពពីពលរដ្ឋរស់នៅ ក្នុងភូមិក្រសាំងជ្រំុ ឃុំគ្រួស ស្រុកស្វាយជ្រំុ ខេត្តស្វាយរៀង បានឲ្យដឹងថា សកម្មភាពក្រុមឈ្មួញរត់ពន្ធទំនិញចេញទៅស្រុកយួនមានដូចជាបារី ~ ស្ករស ចេញទៅស្រុកយួន តាមច្រករបៀងក្រសាំងជ្រំនៅតែបន្តកើតឡើងយ៉ាងពេញបន្ទុក។
ប្រភពបានបន្តឲ្យដឹងថា នាយប៉ុស្តិ៍នគរបាលច្រកក្រសាំងជ្រំុ កំពុងត្រូវប៉ាន់សប្បាយប្រមូលលុយពីឈ្មួញរត់ពន្ធទំនិញទៅស្រុក យួន ក៏ដូចជាប្រមូលលុយពីឈ្មួញនាំចូលទំនិញពីស្រុកយួនតាមច្រកនេះផងដែរ ។ តាមការបង្ហើបពីសមត្ថកិច្ចពាក់ព័ន្ធបានឲ្យដឹងថា លោក ហេង សំបូរ ប្រធានសាខាគយខេត្តស្វាយរៀង បានរក្សាភាពស្ងៀមស្ងាត់ ពេលដែលឈ្មួញរត់ពន្ធចេញទៅស្រុកយួន តាមច្រករបៀងក្រសាំងជ្រំុ យ៉ាងគំហុក។
ប្រភពមន្ត្រីអត់លិឌ្ឍបានខ្សឹបប្រាប់ថា មានទំនិញច្រើនប្រភេទដែលឈ្មួញនាំចូលពីស្រុកយួនជាពិសេសទំនិញចាប់ហួយគ្រឿងកំប៉ុង ដោយគ្មានការត្រួតពិនិត្យ តាមបទ ដ្ឋានបច្ចេកទេសអោយបានត្រឹមត្រូវនោះទេ។ ទន្ទឹមនឹងនេះ ឈ្មួញនាំចូលផ្លែឈើច្រើនប្រភេទពីស្រុកយួន ដូចជាសាវម៉ាវ ខ្នុរ ស្រកានាគ ទុរេន ក្នុងមួយថ្ងៃៗជាច្រើនរថយន្តព្រោះសមត្ថកិច្ចនៅច្រករបៀងក្រសាំងជ្រំ គិតតែពីរឿងប្រមូលលុយដាក់ហោ ប៉ៅធ្វើមានបានយ៉ាងសុខស្រួលប៉ុណ្ណោះ ។
ដូច្នេះហើយទើបមានការអំពាវនាវឲ្យលោក ម៉ែន វិបុល អភិបាលខេត្តស្វាយរៀង និងលោក ពេជ្រ វីរៈ ស្នងការនគរ បាលខេត្តស្វាយរៀង ពិនិត្យឡើងវិញខ្លះផង!ចំពោះភាពមិនប្រក្រតីពុករលួយដែលកើត ឡើងនៅច្រករបៀងក្រសាំងជ្រំុ ស្រុកស្វាយជ្រំុ ខេត្តស្វាយរៀង ។ប្រភពពីប្រជាពលរដ្ឋបានបន្ថែមឲ្យដឹងទៀតថា ឈ្មួញដែលរត់ពន្ធបារី និងស្កសរទៅស្រុកយួន តាមច្រករបៀងក្រសាំងជ្រំុ ត្រូវបានគេស្គាល់ ជាភរិយារបស់លោកមេបញ្ជាការកងរាជអាវុធហត្ថស្រុកស្វាយជ្រំុ ដែលមានការឃុបឃិតជាប្រព័ន្ធ។ សូម្បីលោក ហេង សំបូរ ប្រធានសាខាគយខេត្ត ស្វាយរៀង បានរក្សាភាពស្ងៀម ស្ងាត់ពេលដែលឈ្មួញរត់ពន្ធបារី~ ស្កសរ និងទំនិញផ្សេងៗទៀតទៅស្រុកយួន យ៉ាងរាល ដាលធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនក្នុងមួយខែៗ។ ហេតុនេះលោក ម៉ែន វិបុល អភិបាលខេត្តស្វាយរៀង និងលោក ពេជ្រ វីរះស្នងការនគរ បាលខេត្តស្វាយរៀង មិនគួរបណ្ដែតបណ្ដោយតទៅទៀតទេ ព្រោះបច្ចុប្បន្នសមត្ថកិច្ចនៅច្រករបៀងក្រសាំងជ្រំុ គិតតែប្រមូលលុយពីឈ្មួញរត់ពន្ធទំនិញទៅស្រុកយួន និងប្រមូលលុយពីឈ្មួញនាំចូលទំនិញគេចពន្ធពីស្រុកយួន ដោយមិនខ្វល់ពីការរិះគន់អ្វីទាំងអស់។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីមន្រ្តីពាក់ព័ន្ធប្រចាំការច្រករបៀងក្រសាំងជ្រុំ ស្រុកស្វាយជ្រុំ ខេត្តស្វាយរៀងរាល់ម៉ោងធ្វើការ៕មានត