ព្រៃវែង៖ប្រភពពីមន្ត្រីនៅច្រកទ្វារព្រំដែនអន្តរជាតិម៉ឺនជ័យ ស្រុកកំចាយមារ ខេត្តព្រៃវែង បានបង្ហើបអោយដឹងថា ឈ្មួញទាំងធំទាំងតូចសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ពីស្រុកយួនចូលមកស្រុកខ្មែរយ៉ាងគំហុក។ ការដែលឈ្មួញសម្រុកនាំចូលទំនិញយ៉ាងគម្ហុកពីស្រុកយួននេះគឺដោយមានការបើកដៃពីសំណាក់មេការិយាល័យគយច្រកទ្វារអន្តរជាតិម៉ឺនជ័យ ក្រោមការគ្រប់គ្រងរបស់លោក មួង ដារ៉ា មេសាខាគយខេត្តព្រៃវែង ដែលល្បីល្បា ញខាងប្រព្រឹត្តពុករលួយ។ ចំណែកលោក មួង ដារ៉ា ប្រធានសាខាគយខេត្តព្រៃវែង បានរក្សាភាពស្ងៀមស្ងាត់ ទុកអោយប្រធានការិយាល័យគយច្រកទ្វារអន្តរជាតិម៉ឺនជ័យធ្វើអ្វីៗតាមអំពើចិត្ត ។ ក្រុមឈ្មួញនិងអាជីវកររកស៊ីនាំចូលទំនិញពីស្រុកយួន តាមច្រកទ្វារអន្តរ ជាតិម៉ឺនជ័យ បានបន្តឲ្យដឹងថា ទោះបីពួកគេនាំចូលទំនិញបានបង់ពន្ធគយរួចរាល់យ៉ាងណាក្តីក៍ជៀសមិនផុត លើតុក្រោមតុរបស់សមត្ថកិច្ចពាក់ព័ន្ធនៅប្រចាំច្រក និងសមត្ថកិច្ចនៅតាមដងផ្លូវហើយនៅសល់សម្រៃតិចតួចប៉ុណ្ណោះទេ ។
ដោយហេតុថា លោកប្រធានការិយាល័យ គយច្រកទ្វារអន្តរជាតិម៉ឺនជ័យ គាបយក លុយលើតុក្រោមតុច្រើនៗ មិនញញើតអង្គភាពប្រឆាំងអំពើពុករលួយនោះទេ ហើយតែងប្រើឈ្មោះលោក មួង ដារ៉ា ប្រធានសាខាគយខេត្តព្រៃវែង ដើម្បីការពារទង្វើររបស់ខ្លួនទៀតផង ។ ជាងនេះទៅទៀតនោះ ពេលដែលពួកគេដឹកជញ្ជូនទំនិញឆ្លងកាត់មុខស្នាក់ការសាខាគយនិងរដ្ឋាករខេត្តព្រៃ វែង ដែលមានទីតាំងនៅផ្លូវជាតិលេខ១ ភូមិព្រៃខ្លា ឃុំកំពង់សឹង្ហ ស្រុកព្រះស្ដេច ខេត្តព្រៃ វែង ក៍តម្រូវអោយពួកគេចូលបង់លុយតាមការកំណត់អោយមន្រ្តីគយឬសន្តិសុខយាមនៅខាងមុខដោយគ្មានក្រដាសស្នាមឬ វិកយ័ បត្រអ្វីទាំងអស់មិនអាចរំលងបានឡើយ។ហើយបើគ្មានការបើកដៃពី សំណាក់លោក មួង ដារ៉ា ប្រធានសាខាគយខេត្តព្រៃវែងទេ គឺលោកប្រធានការិយាល័យគយច្រកទ្វារអន្តរជាតិម៉ឺនជ័យ មិនហ៊ានប្រព្រឹត្តអំពើពុករលួយពេញទំហឹងដូចសព្វថ្ងៃនោះទេ ។
ប្រភពបានបន្ថែមអោយដឹងទៀតថា ចាប់តាំងពីលោក មួង ដារ៉ា ទទួលតំណែងជាប្រធានសាខាគយខេត្តព្រៃវែងឡើងជំនួសលោក កាំង លាង រួចមកបើកដៃអោយឈ្មួញធំៗនាំទំនិញគេចពន្ធទំនិញបង់ពន្ធមិនគ្រប់ទំនិញខុសច្បាប់ពីស្រុកយួនដឹកជញ្ជូនតាមរថយន្តធំៗជាពិសេសរថយន្តក្រុងជាច្រើនគ្រឿងដឹកអ្នកដំណើរបង្កប់ទំនិញពីទីក្រុងហូ ជីមិញចូលមកកាន់រាជធានីភ្នំពេញគេមិនដែលឃើញលោកគយឆែកឆេរត្រួតពិនិត្យ ទប់ស្កាត់បង្រាបបទល្មើសរត់ពន្ធបានម្តង ណាឡើយមានតែសប្របសម្រួលអោយមេឈ្មួញធំៗដឹកជញ្ជូនទំនិញដល់គោលដៅយ៉ាងសុខស្រួលទៀតផង។
ដូច្នេះលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិង ហិរញ្ញវត្ថុនិងលោក គុណ ញឹមអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា គួរពិនិត្យឡើងវិញខ្លះផង ព្រោះភាពមិនប្រក្រតីពុករលួយរបស់លោក មួង ដារ៉ា ប្រធានសាខាគយខេត្តព្រៃវែង និងលោកប្រធានការិយាល័យគយច្រកទ្វារអន្តរជាតិម៉ឺនជ័យត្រូវបានលាតត្រដាងជាបន្តបន្ទាប់ ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក មួង ដារ៉ា ប្រធានសាខា គយនិងរដ្ឋាករខេត្តព្រៃវែងនិងលោកប្រធានការិយាល័យគយច្រកទ្វារអន្តរជាតិមុឺនជ័យ រាល់ម៉ោងធ្វើការ ៕មានត
