ព្រៃវែង ៖ មួយរយៈចុងក្រោយបុគ្គលដែលជាម្ចាស់កាស៊ីណូមានយីហោ 777 ចាប់ផ្តើម បេីកដំណើរការល្បែងជល់មាន់ឡើងវិញ រយៈពេលយូរខែមកហើយរហូតដល់បច្ចុប្បន្ននេះអោយពលរដ្ឋខ្មែរចូលលេងសុីសងខុសច្បាប់យ៉ាងពពាក់ ពពូន សមត្ថកិច្ចមូលដ្ឋាន និងសមត្ថកិច្ចពាក់ព័ន្ធចាត់វិធានការបង្រ្កាបនោះទេ! នាំគ្នារក្សាភាពស្ងៀមស្ងាត់ សម្ងំទទួល ផលប្រយោជន៍ជាថ្នូរ។
ប្រភពពីប្រជាពលរដ្ឋក្នុងភូមិគោ ឃុំបន្ទាយចក្រី ស្រុកព្រះស្តេច ខេត្តព្រៃវែង បានបញ្ជាក់ ឲ្យដឹងថា កាស៊ីណូដែលជ្រកក្រោមផ្លាកយីហោ 777 កំពុងបេីកឲ្យពលរដ្ឋខ្មែរចូលលេងល្បែងភ្នាល់ដាក់លុយសុីសងខុសច្បាប់ ដោយសេរី ជល់មាន់ បៀរ អាប៉ោង យូគីយ៉ាងគគ្រឹក គគ្រេង បែរជាសមត្ថកិច្ចពាក់ ព័ន្ធក្នុងខេត្តព្រៃវែង រក្សាភាពស្ងៀមស្ងាត់! បំភ្លេចគោលនយោបាយភូមិឃុំមានសុវត្ថភាព៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ! បែទៅចាប់យកចង្រៃសង្គមទៅវិញ។
បញ្ហានេះ អាជ្ញាធរថ្នាក់ឃុំ និងសមត្ថកិច្ចថ្នាក់ស្រុក មិនគួរបណ្តែតបណ្តោយឲ្យបុគ្គលជាម្ចាស់ កាសុីណូ 777 បេីកល្បែងជល់មាន់ បៀរ អាប៉ោង និងល្បែងផ្សេងៗ ជាច្រើនប្រភេទទៀតលេងក្នុងមូលដ្ឋានរបស់ខ្លួនឡើយព្រោះអាចកេីតមាននូវអំពើចោរកម្ម ចោរលួច.ចោរឆក់ ចោរប្លន់ ចោរគាស់ផ្ទះប្រើអំពេីហឹង្សាគ្រួសារគ្រឿងញៀនដើមចមចេញ ពីល្បែងសុីសងនេះឯង។ពេលនេះសមត្ថកិច្ចពាក់ព័ន្ធ មិនទាន់ចាត់វិធានការបង្រ្កាប ឲ្យស្របតាមគោលនយោបាយ ៧ចំណុចដែលដាក់ចេញដោយក្រសួងមហាផ្ទៃនោះទេ។
ហេតុនេះ លោក ជា សុ មេធី អភិបាលខេត្តព្រៃវែង និងលោក ឈឿន ប៊ុនឆន ស្នងការដ្ឋាននគរបាលខេត្តព្រៃវែងឡើងកាន់តំណែងថ្មី មិនគួរមេីលរំលងភាពអសកម្មរបស់ លោក អភិបាលស្រុកព្រះស្តេច និងលោក ជៃ សេង ហ៊ាងអធិការដ្ឋាននគរបាលស្រុកព្រះស្ដេច បណ្តោយឲ្យមានល្បែងជល់មាន់ ទ្រង់ទ្រាយធំ បេីកឲ្យពលរដ្ឋខ្មែរ ចូលលេងក្នុងមូលដ្ឋានរបស់ខ្លួនមិនព្រមបង្រ្កាប។
ប្រជាពលរដ្ឋ រស់នៅភូមិគោ ឃុំបន្ទាយចក្រី ស្រុកព្រះស្តេច អំពាវនាវដល់ លោកនាយឧត្តមសេនីយ៍សន្តិបណ្ឌិត នេត សា វឿន អគ្គស្នងការដ្ឋាននគរ បាលជាតិ ចាត់មន្ត្រីពាក់ព័ន្ធក្នុងខេត្តព្រៃវែង ពិនិត្យឡេីងវិញជាន្ទាន់ ចំពោះភាពមិនប្រក្រត្រី របស់បុគ្គលដែលហ៊ាន បេីកល្បែងជល់មាន់ខ្នាតធំបង្កប់ក្នុង កាស៊ីណូយីហោ 777 ចាត់ វិធានការបង្រ្កាប ដេីម្បីបង្រឹងសន្តិសុខសណ្ដាប់ធ្នាប់ជូនពលរដ្ឋមូលដ្ឋាន៕មានត
