កណ្តាល៖ ស្ត្រីជាអ្នកលក់មាស ដូរលុយម្នាក់ ឈ្មោះ លន-គឹមសៀន អាយុ49 ឆ្នាំជនជាតិខ្មែរមានមុខរបរ (លក់មាស ដូរប្រាក់ និងលក់កាតទូរសព្ទ័នៅក្នុងផ្ទះ ) មានទីលំនៅភូមិកំពង់ស្វាយ2ឃុំកំពង់ស្វាយស្រុកកៀនស្វាយខេត្តកណ្ដាល ត្រូវក្រុមជនសង្ស័យមានគ្នា៤នាក់ មិនស្គាល់អត្តសញ្ញាណ បានមកធ្វើសកម្មភាពទិញកាតទូរស័ព្ទ ហើយបន្លំយកលុយអស់១០លានរៀល និងមាសប្រាក់មួយចំនួនទៀត កាលពីវេលាម៉ោង ១១និង១២នាទីរសៀល ថ្ងៃទី២៥ ខែធ្នូ ឆ្នាំ២០១៤ ។
តាមប្រភពព័ត៌មានពីប្រជាពលរដ្ឋដែលនៅជិតកន្លែងកើតហេតុ បានឲ្យដឹងថា ជនសង្ស័យមិនស្គាល់មុខ មានគ្នាប្រហែល4នាក់ ស្រី01នាក់មានអាយុចាប់ពី24ឆ្នាំឡើងទៅ ជិះម៉ូតូចំនួន02គ្រឿងម៉ាកC125 ផលិតឆ្នាំ2003 ពណ៌ខ្មៅ មានមួយគ្រឿងពាក់ស្លាកលេខ1222 ហើយនៅវេលាកើតហេតុខាងលើ ជនរងគ្រោះនៅលក់ដូរក្នុងផ្ទះតែម្នាក់ឯង ស្របពេលនោះជនសង្ស័យម្នាក់ បានមកឈប់ម៉ូតូខាងមុខផ្ទះស្រែកទិញកាតទូរសព្ទ័អោយជនរងគ្រោះយកកាត និងយកប្រាក់អោយថ្លៃកាត និងជនសង្ស័យ2នាក់ទៀតមានស្រី1នាក់ឈរតថ្លៃទិញសាច់ឆ្កែបាំងមុខមិនអោយអ្នកលក់សាច់ឆ្កែមើលឃើញ ជាការទុកឱកាសអោយជនសង្ស័យ1នាក់ទៀតដើរសសៀក្បែមាត់ទ្វាផ្ទះពីក្រោយខ្នងជនរងគ្រោះចូលក្នុងផ្ទះបើកថតកិដាក់ ប្រាក់ និងមាសយកប្រាក់រៀលអស់ចំនួន10 លានរៀល និងប្រាក់ដុល្លា-មាសមួយចំនួនទៀត( ជនរងគ្រោះមិនបានប្រាប់ចំនួនបាត់បង់ច្បាស់ទេដោយគាត់ កំពង់មានស្មារតីមិនល្អនិងមិនទាន់បានរាប់មើល។
ក្រោយពីធ្វើសកម្មភាពលួចរួចជនសង្ស័យបាននាំគ្នាជិះម៉ូតូឌុបគ្នាឡើងទៅច្បារអំពៅ(ភ្នំពេញ)បាត់ទៅ ។ ក្រោយរយះពេលកើតហេតុ បានប្រហែល20នាទី ទើបជនរងគោះដឹងថា បាត់ប្រាក់និងមាសក្នុងកិលុយ ក៏ស្រែកឆោឡោមានគេបញ្ឆោតគាត់បន្លំចូលក្នុងផ្ទះយកប្រាក់ និងមាសក្នុងថតទូដាក់ប្រាក់និងមាស ។ ជនរងគ្រោះបានប្រាប់ថា៖បាត់អស់មួយចំនួននៅសល់មួយចំនួនទៀតដែលជនសង្ស័យយកមិនទាន់ ៕