ខេត្តមណ្ឌលគិរី ៖ មានការបែកធ្លាយ រឿងមិនប្រក្រតីពុករលួយលោកវរសេនីយ៍ត្រី យូ ប៊ុនស្រៀង ទទួលទិសខេត្តមណ្ឌលគិរី នៃនាយកដ្ឋាននគរបាលប្រឆាំងបទល្មើសសេដ្ឋកិច្ចនៃអគ្គស្នងការនគរបាលជាតិ បានប្រព្រឹត្តអំពើពុករលួយធ្ងន់ធ្ងរ ជាថ្នូរនឹង ធ្វើមិន ដឹងមិនឮ ធ្មេចភ្នែកបើក ភ្លើងខៀវមិនបង្ក្រាបមិន ទប់ស្កាត់រាល់បទល្មើស ព្រៃឈើក្នុងភូមិសាស្ត្រដែលខ្លួនគ្រប់គ្រងនិងទទួលខុសត្រូវ។ក្នុងនោះបើឈ្មួញឈើមួយណាមិនបង់លុយឱ្យ ឬបង់លុយយឺតយ៉ាវលោក យូ ប៊ុនស្រៀង នឹងដាក់កម្លាំងចុះបង្ក្រាបតែម្ដង។
ប្រភពបន្តថា កាលពីថ្ងៃទី០៤ ខែមិថុនាឆ្នាំ ២០២៣ កម្លាំងស្នាក់ការរបស់លោក យូ ប៊ុនស្រៀង បានចុះបង្ក្រាបឈើប្រណីតជាច្រើនម៉ែត្រគូប នៅចំណុចភូមិឡៅការសង្កាត់សុខដុម ក្រុងសែនមនោរម្យ ខេត្តមណ្ឌលគិរី ។ ការចុះបង្ក្រាបឈើប្រណីតពីសំណាក់លោក យូ ប៊ុនស្រៀង នៅពេលនោះ គឺពុំមែន មានឆន្ទៈក្នុងការបំពេញកាតព្វកិច្ចតួនាទីនោះឡើយ។ពោលគឺមកពីលោក យូ ប៊ុនស្រៀង ខឹងនឹងម្ចាស់ឈើនិយាយមិនទៀងបង់លុយខែលើកពេលពីមួយថ្ងៃទៅមួយ ថ្ងៃ។នៅមុនចុះបង្ក្រាប លោក យូ ប៊ុនស្រៀង បានផ្ញើសារតាមប្រព័ន្ធ Telegram សួរនាំម្ចាស់ឈើដើម្បីពន្លឿនក្នុងការបង់លុយមកឱ្យខ្លួនទៀត ផង។ប៉ុន្តែម្ចាស់ឈើហាក់គេចវេះពន្យារពេលមិនព្រមបង់ លុយឱ្យទៀងដូចខែមុនៗ ជាហេតុនាំឱ្យលោក យូ ប៊ុនស្រៀង បញ្ជាកម្លាំងចុះបង្ក្រាប ឈើរបស់ឈ្មួញ ដែលកំពុងលាក់ទុកក្នុងចម្ការ នៅភូមិឡៅការសង្កាត់សុខដុម ក្រុងសែនមនោរម្យតែម្ដងទៅ។
បើយោងតាមប្រភពផ្សេងទៀតថា ដូចជាក្រដាស វីងវេរលុយ ជាច្រើនសន្លឹកដែលផ្ញើលុយជូនលោក យូ ប៊ុនស្រៀង ក្នុងថ្ងៃខែផ្សេងៗគ្នាបានបង្ហាញថា កន្លងមកឈ្មួញ ឈើប្រណីត ដែលរងការបង្ក្រាបខាងលើគឺអាចធ្វើសកម្ម ភាពដឹកជញ្ជូន ព្រៃឈើបានយ៉ាងរលូន។ខណៈលេខទូរស័ព្ទរបស់លោក យូ ប៊ុនស្រៀង ជាអ្នកទទួលផ្ទាល់ ហើយក្នុង១ខែៗ ទទួលបានចាប់ពី៦០ម៉ឺនរៀលទៅ១លានរៀលឯណោះ។
ប្រភពបានបន្ថែមទៀតថា ឈ្មួញឈើមិនត្រឹមតែបង់លុយដាក់ខែឱ្យលោក យូ ប៊ុន ស្រៀង ប៉ុណ្ណោះទេ។លើសពីនេះទៅទៀត នៅពេល រវល់ប្រជុំចុះបំពេញ បេសកកម្ម ឬមានកម្មវិធីផ្សេងៗ។ក្នុងនោះសូម្បីរថយន្ តខូចក៏លោក យូ ប៊ុនស្រៀង ស្នើមកឈ្មួញ ឈើ ឱ្យចេញថ្លៃជាងជំនួសខ្លួនដែរ។ដោយពេលខ្លះ ជូនតាមស្រោមសំបុត្រ ពេលខ្លះផ្ញើតាមវីង ខ្លះទៀតហុចផ្ទាល់ដៃ ។
ពាក់ព័ន្ធការចោតប្រកាន់ខាងលើនេះគេហទំព័រ(www.enn-tv.com) មិនអាចសុំការពន្យល់បកស្រាយពីលោកវរសេនីយ៍ត្រី យូ ប៊ុនស្រៀង បាននៅឡើយទេ ព្រោះគ្មានលេខទូរស័ព្ទ៕