ភ្នំពេញ៖លោកអ៊ូឆាយពិតជាមេកន្ទុយលេខដ៏ធំប្រចាំក្រុងភ្នំពេញបើទោះបីជាមានការផ្សព្វផ្សាយពីបណ្តាលសារព័តមានក្នុងស្រុកយ៉ាងចាស់ដៃក៏ដោយក៏អាជ្ញាធរ័ហាក់មិនមានវិធានការបង្ក្រាបទីតាំងមេកន្ទុយលេខនេះដែរយោងទៅតាម ប្រភពពីអ្នកកត់កន្ទុយលេខតូចតាចបានអះអាងថា ឧកញ៉ា អ៊ូ ឆាយដែលមានទីតាំងស្ថិតក្នុងអាណាចក្រច្បារអំពៅ គឺជាអ្នកប្រមូលយក ការលក់កន្ទុយលេខទាំងតូចទាំងធំនៅ រាជធានីភ្នំពេញ មិនដឹងថា គាត់មាន ច្បាប់អនុញ្ញាតឱ្យអត់ច្បាប់នោះទេ ព្រោះគេមិនដែនឃើញសមត្ថកិច្ច អាជ្ញាធរដែនដីបង្ក្រាប ។
ប្រជាពលរដ្ឋរាយការណ៍ ថា ទីតាំងប្រមូលកន្ទុយលេខដ៏ធំរបស់ ឧកញ៉ា អ៊ូ ឆាយ ស្ថិតនៅខាងក្រោយ ស្ថានីយប្រេងស៊ីគីម៉ិច និងតាមច្រក ចូលភូមិកោះនរារ សង្កាត់ច្បារ អំពៅ២ ខណ្ឌច្បារអំពៅ បើកទទួលយកជាចំហពីមេរាយរងចាប់ពី ម៉ោងជិង៤រសៀលមានអ្នកឡើងលុយដ៏ ប្រសេកប្រសាចដូចហែរកឋិន ដោយមិនខ្លាចញញើតសមត្ថកិច្ចនោះឡើយ ។
បើយោងតាម សកម្មភាពប្រមូលការចាក់កន្ទុយលេខ របស់ឧកញ៉ា អ៊ូ ឆាយ ក្នុងទ្រង់ ទ្រាយធំ កំពុងបំពានដ៏ធ្ងន់ធ្ងរទៅលើគោល នយោបាយភូមិ-សង្កាត់ មានសុវត្ថិភាពរបស់រាជរដ្ឋភិបាល បើយោងតាមសេចវក្តីរាយការណ៍នេះ គេសង្ឃឹមថា លោក អៀង ស៊ីផាន អភិបាលខណ្ឌច្បារ អំពៅនឹងមានវិធានការបញ្ឍប់សកម្មភាព បើកលេងកន្ទុយលេខ របស់ឧកញ៉ា អ៊ូ ឆាយ ជាមិនខាន ប្រសិនបើគ្មានការពាក់ពន្ធ័ ។
គួររំលឹកថា កន្លងទៅកន្លែងលក់ កន្ទុយលេខតូចៗប្រឈមនឹងការបង្ក្រាប ញឹកញាប់ តែដោយឡែកទីតាំងរបស់ ឧកញ៉ា អ៊ូ ឆាយ ពិតជាអស្ចារ្យហ្មង ៕