ខេត្តបាត់ដំបង ៖ តាមសេចក្តីរាយការពីប្រជាពលរដ្ឋ ដែលចេញទៅស៊ីឈ្នួលនៅប្រទេសថៃ បានអោយដឹងថា លោក សៅ ប៊ុនរិទ្ធ ប្រធាននគរបាលអន្តោប្រវេសន៏ច្រកអន្តរជាតិដូង បានយកប្រាក់ថ្លៃប័ណ្ណបរិផាសឆ្លងដែន ពីប្រជាពលករធ្វើសំរាប់ឆ្លងដែនទៅប្រទេសថៃ ច្រើនលើសកំណត់ចាប់ពី ៧ ម៉ឺនរៀលដល់ ៣០ ម៉ឺនរៀល ដែលប័ណ្ណមាន សុពលភាព រយៈពេល១សប្តាហ៍ ហើយបើដល់ថ្ងៃកំណត់មកបន្តម្តងអស់ ២ ពាន់រៀលក្នុង ១សប្តាហ៍ ។
ក្រៅពីពលករក៏មានកូនចៅជំនិតលោក សៅ ប៊ុនរិទ្ធ ជាប្រធាននគរបាលអន្តោប្រវេសន៍ច្រកទ្វាអន្តរជាតិដូង ក៏បានរិះគន់លោកផងដែរថា លោក អង្គុយលើច្បាប់បំពានច្បាប់បានធ្វើប័ណ្ណបរិផាស អោយប្រជាពលករ ឆ្លងដែនទៅប្រទេសថៃ បំពានអនុក្រិត៦៨របស់រាជរដ្ឋាភិបាល កិបកេងជិះជាន់កម្លាំងញើសឈាមពលករ ដោយយកកម្រៃចាប់ពី៧ម៉ឺនរៀលដល់៣០ម៉ឺនរៀល ខុសពីបំណងនិងគោលការណ៍ថ្មី របស់ប្រមុខរាជរដ្ឋាភិបាលកំពុងយកចិត្តទុកដាក់ដល់ពលករចំណាកស្រុក ដោយធ្វើប៉ាស្ព័រក្នុងតម្លៃទាប ។ ច្រកអន្តរជាតិដូងស្ថិតក្នុងភូមិដូងឃុំបឹងរាំងស្រុកកំរៀងខេត្ត បាត់ដំបង។
ចំពោះពលករខ្មែរជាច្រើនរយនាក់ក្នុងមួយថ្ងៃៗ ដែលមកពីបណ្ដាខេត្តផ្សងៗ ធ្វើលិខិតឆ្លងដែនទៅរកការងារធ្វើនៅប្រទេសថៃ.ដូចជា.ស្វាយរៀង. កំពងចាម.ព្រៃវែង.តាកែវ។ល។ តាមការកំណត់របស់ក្រសួងមហាផ្ទៃក្នុងសៀវភៅបន្ទុក ជាគោលការណ៍ធ្វើប័ណ្ណម្នាក់យកតម្លៃ ៣៥.០០០ រៀល។
យោងតាមអនុក្រិត្យលេខ ៦៨ អនក្រ.បក.ចុះថ្ងៃទី១៦ ខែតុលា ឆ្នាំ២០០៣ ស្តីពីការប្រើប្រាស់ប័ណ្ណឆ្លងដែននៅតាមច្រកទ្វារព្រំដែននានា របស់ព្រះរាជាណាចក្រកម្ពុជា ប្រមុខរាជរដ្ឋាភិបាលការចេញប័ណ្ណឆ្លងដែនអោយពលរដ្ឋខ្មែរទៅប្រទេសថៃ បានលុះត្រាពលរដ្ឋទាំងនោះរស់នៅស្រុកខេត្តជាប់ព្រំដែន ។
ពាកពន្ឋ័ករណីខាងលើ សារព័ត៌មានយើងមិនអាចទំនាក់ទំនងសុំការពន្យល់ពីលោក សៅ ប៊ុនរិទ្ឋ បានទេ ៕