ខេត្តបន្ទាយមានជ័យ៖ប្រភពពីក្រុមអាជីវករចេញចូលលក់ដូរប្រទេសថៃបានបង្ហើបអោយដឹងថា ភាពរញេរញៃរអនាធិបតេយ្យ របស់អ្នករត់ម៉ូតូកង់បី (pass app)និងម៉ូតូ ឌុបនូវតែបន្តដណ្តើមចាប់ម៉ូយប្រសេកប្រសាច ធ្វើឲ្យបាត់បង់សណ្តាប់ធ្នាប់នៅមុខច្រកទ្វាអន្តរជាតិប៉ោយប៉ែតខេត្តបន្ទាយមានជ័យដដែលទាំងនេះផ្តើមចេញ ពីការបង់លុយដាក់ខែជា ប្រចាំអោយមន្ត្រីជំនាញអន្តោប្រវេស ន៍ប្រចាំការច្រក។ ភាពរញ៉េរញ៉ៃនេះ បើតាមប្រភពពីអ្នករត់ម៉ូតូឌុបបានបញ្ជាក់ថា នៅក្នុងបរិវេណមាត់ច្រកទ្វារអន្តរជាតិប៉ោយប៉ែតនេះ គឺឲ្យតែម៉ូតូឌុប និងម៉ូតូកង់បី(pass app) ចតចាប់ម៉ូយតែប៉ុណ្ណោះទេមន្ត្រីអន្តោរប្រវេសន៍ប្រចាំការទីនោះបានបញ្ជាក់ថា នៅបរិវេណខាងលើពិតជាឲ្យក្រុមអ្នករត់ម៉ូតូឌុប និងម៉ូតូកង់បី (pass app) ចតចាប់ម៉ូយពិតប្រាដកមែន ។ដោយឡែកសម្រាប់អ្នកដែលរងចាំទទួលបងប្អូន សាច់ញាតិដែលចេញមកពីទឹកដីថៃ គឺឲ្យចតម៉ូតូចាំនៅខាងមុខប៉ុស្តិ៍ជិតបារាស់ ដែលជាកន្លែងតូចចង្អៀត ហានីភ័យមួយនៅពេលរថយន្តចេញទៅថៃ មិនត្រឹមតែប៉ុណ្ណោះថែមទាំងដេញពួកគាត់ចេញមិនឲ្យចតបានទៀតផង។
ប្រភពពីក្រុមអ្នករត់ម៉ូតូឌុប និងម៉ូតូកង់បី (pass app) បានបញ្ជាក់យ៉ាងច្បាស់ថា បើមិនមានការបង់លុយឲ្យមន្ត្រីអន្តោរ ប្រវេសន៍ប្រចាំការនៅទីនោះទេ? ពួកគាត់ក៏មិនអាចទៅចាប់ម៉ូយស្រែកឡូឡាយ៉ាងអាណាធិបតេយ្យបានឡើយ មានទាំងវិទ្យុទាក់ទង(អាយកូម) គ្រប់ដៃ មានទាំងមេជាអ្នកគ្រប់គ្រងមើលខុស ត្រូវនៅច្រកទ្វារអន្តរជាតិប៉ោយប៉ែត ដែលជាមុខ មាត់ជាតិទាំងមូល ហើយកាលកន្លងមកក៏មានការបែកធ្លាយពីក្រុមអ្នករត់ម៉ូតូឌុប និងម៉ូតូកង់បី(pass app) ថាមានការបង់លុយឲ្យមន្ត្រីអន្តោរប្រវេសន៍ចាប់ពី ៣០០០បាត (បីពាន់បាតប្រាក់ថៃ) ស្មើជិត ១០០ ដុល្លា ក្នុងមួយខែៗ ចុះរាប់រយម៉ូតូតើលុយទាំងនេះយកទៅ ណា? រហូតមានការផ្សព្វផ្សាយព័ត៌មានយ៉ាងព្រោងព្រាត ធ្វើឲ្យលោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយ ប៉ែត ចេញបទបញ្ជាមិនអនុញ្ញាតឲ្យម៉ូតូឌុប និងម៉ូតូកង់បី(pass app) ទៅចាប់ម៉ូយនៅបរិវេណខាងលើបន្តទៀតឡើយ រហូតដាក់មន្ត្រីក្រោមឱវាតចុះប្រចាំការជាប្រចាំទៀតផងព្រមទាំងព្រមានចាត់វិធានការទៅលើមន្ត្រីណាដែលបានយកលុយពីអ្នករត់ម៉ូតូឌុប និងម៉ូតូកង់បី (pass app) ព្រោះវាធ្វើឲ្យប៉ះពាល់ដល់សណ្តាប់ ធ្នាប់ជាពិសេសមុខមាត់ច្រកទ្វារអន្តរជាតិ ។ប៉ុន្តែមិនទាន់បានប៉ុន្មានផងក៏ស្រាប់តែពេលនេះលេចធ្លាយមន្ត្រីក្រោមឱវាទឃុបឃិតគ្នាឲ្យម៉ូតូឌុបនិងម៉ូតូកង់បី (pass app) អោយចូលចាប់ម៉ូយឡើងវិញយ៉ាងប្រសេចប្រសាច បំពាក់ទៅដោយវិទ្យុទាក់ទង(អាយ កូម)គ្រប់ដៃដៃៗទៀតផង ។មហាជនកំពុងរងចាំមើលថាតើបទបញ្ជារបស់លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេន៍ច្រកទ្វារអន្តរជាតិប៉ោយប៉ែត មានចំការបែបណាទៅលើមន្ត្រីក្រោមឱវាទដែលឃុបឃិតគ្នាដាក់ខែទៅលើក្រុមម៉ូតូឌុបនិងម៉តូកងបី (pass app)។
ប្រភពពីអាជីវករខ្មែរដែលចេញចូលរកទទួលទាននៅលើដីថៃ បានបន្តអោយដឹងថា អាជ្ញាធរ ជាពិសេស នគរបាលអន្តោរប្រវេសន៍គួរតែមើលគំរូប្រទេសជិតខាងផង អ្នករត់ម៉ូតូឌុប និងម៉ូតូកង់បី(pass app) របស់គេមិនមានការស្រែកឡូឡាប្រដេញប្រសេចប្រសាច ចាប់ម៉ូយបែបនេះទេ ពោលគឺគេចតចាំម៉ូយតាមជួរមួយកន្លែងមានរបៀបរៀបរយ ដោយឃ្លាតឆ្ងាយៗពីមាត់ច្រកទៀតផង។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែតរាល់ម៉ោងធ្វើការ ៕មានត
