ខេត្តត្បូងឃ្មុំ ៖ បើទោះបីជាប្រមុខរាជរដ្ឋាភិ បាលកម្ពុជា បានដាក់ចេញនូវបទបញ្ជា ដល់ អភិបាល ទាំង២៥ រាជធានី ខេត្ត អោយបិទ បនល្បែងសុីសងខុសច្បាប់គ្រប់ប្រភេទទូទាំងប្រទេសមិនអនុញ្ញាតមានល្បែងសុីសងឡើយ។ ដោយឡែកម្ចាស់បនល្បែងសុីសងដែលបើកបង្កប់ក្នុង “កាស៊ីណូ” គ្មានស្លាក យីហោ មួយកន្លែងនេះឈ្មោះស្រ៊ុន ម៉េងលឹម នៅតែបន្តបើកលេងគគ្រឹក គគ្រេង យ៉ាងគឃ្លើនផ្គើនបទបញ្ជាប្រមុខរាជរដ្ឋាភិបាលកម្ពុជាហ៊ានបើកអោយពលរដ្ឋ ខ្មែរចូលលេងល្បែងសុីសងជល់មាន់ បៀរ អាប៉ោង ហ្គេមបាញ់ត្រីនិងយូគី ខុសច្បាប់យ៉ាងពេញបន្ទុក ស្ថិតនៅភូមិដារ ឃុំដារ ស្រុកមេមត់ ខេត្តត្បូងឃ្មុំ រីឯអាជ្ញាធរនិងសមត្ថកិច្ចនៅក្នុងមូលដ្ឋានឃុំ.ស្រុក.ខេត្ត រក្សាភាពស្ងៀមស្ងាត់!ទុកអោយម្ចាស់បនល្បែងបង្កប់នៅក្នុង កាស៊ីណូ គ្មានស្លាកយីហោ បើកអោយពលរដ្ឋចូល លេងល្បែងតាមអំពើចិត្ត។
បើតាមប្រភពរាយការណ៍ពីប្រជាពលរដ្ឋនិងក្រុមអ្នកញៀនល្បែងចេញចូលទៅលេងនៅទីនោះបានអោយដឹងថា ម្ចាស់បនល្បែងមានឈ្មោះស្រ៊ុន ម៉េងលឹមនិងឈ្មោះ វ៉ា បើកបង្កប់នៅក្នុងកាសុីណូគ្មានស្លាកយី ហោប្រចាំឃុំដារស្រុមេមត់ កំពុងកៀងគរអតិថិ ជនគ្រប់ពីមជ្ឈដ្ឋាននានាមិនថាជិតឬឆ្ងាយដើម្បីចូលមកលេងល្បែងសុីសងខុសច្បាប់ គ្រប់ប្រភេទនាំគ្នាសប្បាយស្រែកហ៊ោកញ្ជៀវ យ៉ាងអនាធិបតេយ្យមិនរំខានដល់អាជ្ញាធរនិងសមត្ថកិច្ចមូលដ្ឋានឡើយ។ ប្រជាពលរដ្ឋរស់នៅក្បែរបន ល្បែងបង្កប់ក្នុង “កាស៊ីណូ” គ្មានស្លាកយីហោ កំពុងព្រួយ បារម្ភភ័យខ្លាចបញ្ហាអសន្តិ សុខសង្គម អំពើចោរកម្ម ចោរ លួច.ឆក់. ប្លន់.គាស់ផ្ទះ. និងប្រើអំពើហឹង្សាគ្រួសារដើម ចមកើតចេញពីល្បែងសុីសងនេះឯង។
ហេតុនេះហើយទើបប្រជាពលរដ្ឋសូមអំពាវ នាវដល់លោក នាយឧត្តមសេ នីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោក សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការទប់ ស្កាត់និងបង្រ្កាបបទល្មើសល្បែងស៊ីសងទូទាំងប្រទេស មេត្តាដាក់កម្លាំងមន្រ្តីជំនាញខេត្តក្រោមឱវាទចុះពិនិត្យទីតាំងបនល្បែងសុីសងខុស ច្បាប់បង្កប់នៅក្នុងកាស៊ីណូគ្មានស្លាកយីហោ ដែលកំពុង បើកចំហរអោយពលរដ្ឋខ្មែរចូលទៅលេងយ៉ាងគគ្រឹក គគ្រេងដែលមានម្ចាស់ឈ្មោះស្រ៊ុន ម៉េងលឹម ផងទាន ។
ដែលបញ្ហានេះលោក ជាម ច័ន្ទសោភ័ណ អភិបាលខេត្តត្បូងឃ្មុំ លោក ម៉ុន មាគ៌ា ស្នងការនគរបាលខេត្តត្បូងឃ្មុំ និងលោក វ៉ា សារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំបើពិតមិនជាប់ពាក់ព័ន្ធនឹងផលប្រយោជន៍នោះទេ គួរចាត់ វិធានការបង្រ្កាបល្បែងសុីសងខុសច្បាប់គ្រប់ប្រភេទដែលបង្កប់នៅក្នុង”កាស៊ីណូ”គ្មានស្លាកយីហោមួយនេះអោយមានប្រសិទ្ធភាពអោយស្រប តាមគោលនយោបាយ ភូមិ ឃុំ សង្កាត់មានសុវត្ថិភាព៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃផង៕មានត