ព្រៃវែង៖ តាមប្រភពសេចក្តីរាយការណ៍ពី មន្រ្តីនគរបាលអត់លិឌ្ឍបានបង្ហើបឲ្យដឹងថា លោក ម៉ន នាយប៉ុស្តិ៍នគរបាលច្រកទ្វេភាគីតំបន់ព្រំដែនស្វាយអាង៉ោងបើកដៃឲ្យឈ្មួញតូច ធំ នាំទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់ ចេញពីស្រុកយួនចូលតាមច្រកនេះ យ៉ាងពេញបន្ទុកទាំងយប់ទាំងថ្ងៃ យកមកស្តុកទុកនៅផ្ទះឈ្មួញជើងខ្លាំងម្នាក់ នៅភូមិចាម ឃុំចាម ស្រុកកំពង់ ត្របែក និងចែកចាយបន្តនៅលើទីផ្សារនានា ចូលទៅរាជធានីភ្នំពេញ គ្មានរំខាន់ដល់មន្ត្រីជំនាញសមត្ថកិច្ចពាក់ពន្ធ័តាមដងផ្លូវនោះទេ។ ភាពមិនប្រក្រតីពុករលួយរបស់លោក ម៉ន នាយប៉ុស្តិ៍នគរបាលច្រកទ្វេភាគីតំបន់ព្រំដែនស្វាយអាង៉ោង អាចប្រេីតួនាទី និងអំណាចប្រព្រឹត្តទៅដោយរលូន រយៈពេលច្រើនខែ ឆ្នាំមកហើយ គឺអាងខ្នងបង្អែករឹងមាំនៅស្នងការដ្ឋាននគរបាលខេត្តព្រៃវែង ទេីបលោក ម៉ន នាយប៉ុស្តិ៍ច្រកទ្វេភាគីតំបន់ព្រំ ដែនស្វាយអាង៉ោងហ៊ានធ្វើអ្វីៗ តាមអំពើចិត្តបែបនេះ។
ប្រភពពីមន្ត្រីពាក់ព័ន្ធនៅច្រកទ្វេភាគីតំបន់ព្រំដែនស្វាយអាង៉ោង ស្រុកកំពង់ត្របែក ខេត្តព្រៃវែង បានឲ្យដឹងថា មួយរយៈចុងក្រោយនេះសមត្ថកិច្ចពាក់ពន្ធ័នៅច្រកស្វាយអាង៉ោង បើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់នឹងទំនិញខុសច្បាប់ពីស្រុកយួនកាន់តែច្រើនឡើងៗ។តាម រយៈការបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ នឹងទំនិញខុសច្បាប់ពីស្រុកយួនយ៉ាងគំហុកគឺ លោក ម៉ន នាយប៉ុស្តិ៍នគរបាលច្រកទ្វេភាគីតំបន់ព្រំដែនស្វាយអាង៉ោង ប្រមូលលុយពុករលួយបានយ៉ាងច្រើនជារៀងរាល់ថ្ងៃ មិនញញេីត អង្គភាពប្រឆាំងអំពើពុករលួយនោះទេ។
រីឯលោក ឈឿន ប៊ុនឆន ស្នងការនគរបាលខេត្តព្រៃវែង ទេីបឡេីងកាន់តំណែងថ្មី និងលោក ជា សុ មេធី អភិបាល ខេត្តព្រៃវែង សម្ងំស្ងាត់ឈឹង! បើទោះបីទង្វើមិនប្រក្រតី ពុករលួយរបស់លោក ម៉ន នាយប៉ុស្តិ៍នគរ បាលច្រកទ្វេភាគីតំបន់ព្រំដែនស្វាយអាង៉ោង ត្រូវបានលាតត្រដាងជាបន្តបន្ទាប់ យ៉ាងណាក៏ដោយ។
ប្រភពពីក្រុមឈ្មួញនិងអាជីវករដែលរកស៊ីនាំចូលទំនិញពីស្រុកយួនតាមច្រកស្វាយអាង៉ោង បានឲ្យដឹងថា អាជីវកម្មរបស់ពួកគេនៅសល់កម្រៃតិចតួចណាស់ព្រោះអីសមត្ថ កិច្ចជាច្រើនស្ថាប័ននៅច្រកព្រំដែន និងសមត្ថកិច្ចនៅតាមដងផ្លូវគាបយកលុយច្រើនៗ។ ក្រុមឈ្មួញតូច. ធំ. និងអាជីវករ បានបន្តឲ្យដឹងទៀតថា រាល់ការបង់លុយរបស់ពួកគាត់មិនទទួលបានបង្កាន់ដៃបង់ប្រាក់ ឬវិក្កយប័ត្រត្រឹមត្រូវឡើយ ហើយគ្មាននរណាអាចរំលងលោក ម៉ន នាយប៉ុស្តិ៍នគរ បាលច្រកទ្វេភាគីតំបន់ព្រំដែនស្វាយអាង៉ោងបានឡើយ។
ជាពិសេសឈ្មួញធំៗដែលរកស៊ីនាំចូលទំនិញពីស្រុកយួន តាមច្រកស្វាយអាង៉ោង ស្រុកកំពង់ត្របែក ខេត្តព្រៃវែង គឺជាប្រភពចំណូលដ៏សំខាន់របស់លោក ម៉ន នាយប៉ុស្តិ៍នគរបាលដែលកំពុងល្បីល្បាញខ្លាំងខាងពុករលួយ។ ពាក់ព័ន្ធព័ត៌មានខាងគេហទំព័រ (www.enn-tv.com)យើងខ្ញុំរងចាំនូវការពន្យល់បកស្រាយពីលោក ម៉ន នាយប៉ុស្តិ៍នគរបាលច្រកទ្វេភាគីតំបន់ព្រំដែនស្វាយអាង៉ោង រាល់ម៉ោងធ្វើការ៕មានត
