ខេត្តរតនគិរីៈ អង្គការសម្ព័ន្ធមិត្តសត្វព្រៃ(WILDLIFE ALLIANCE) ចុះបង្ក្រាបអ្នកលក់សត្វព្រៃខុសច្បាប់នៅក្នុងផ្សារបានលុង ដោយមានការចូលរួមរដ្ឋបាលព្រៃឈើ និងកងរាជអាវុធហត្ថលើផ្ទៃប្រទេស និងគណៈកម្មការផ្សារ ហេតុការណ៍នេះបានប្រព្រឹត្តិនៅវេលាម៉ោង៧ព្រឹកថ្ងៃទី២៧ ខែវិច្ឆិកា ឆ្នាំ២០១៤ នៅស្ថិតផ្សាបានលុង ភូមិជ័យជំនៈ សង្កាត់ឡាបានសៀក ក្រុងបានលុង ខេត្តរតនគិរី។
ក្រោយពីកម្លាំងសមត្ថកិច្ចចំរុះបានទៅដល់និងធ្វើការត្រួតពិនិត្យ ឆែកឆេរ រុករកវត្ថុតាងសត្វព្រៃល្មើសច្បាប់នៅចំណុចទីតាំងខាងលើរួចមកក៏បានប្រទះឃើញនិងធ្វើការដកហូតបានសាច់១៣៣,៨0គីឡូក្រាម និងឃាត់ខ្លួនអ្នកលក់បានចំនួន៣នាក់ ទី១ឈ្មោះ ឡៃ ស៊ីណា អាយុ៣៤ឆ្នាំ ជនជាតិខ្មែរ ទី២វ៉ាន់ ធារី អាយុ២៨ឆ្នាំ ជនជាតិខ្មែរ ទី៣ឈ្មោះ សេង ដាវី ភេទស្រី ជនជាតិខ្មែរ និងរត់គេចខ្លួនម្នាក់បន្សល់ទុកតែសាច់មួយចំនួន។ សាច់សត្វព្រៃដែលរឹបអូសបាននោះមានដូចជា ជ្រូកព្រៃ ឈ្លុះ អាញី និងក្រពះប្រម៉ា ហើយអ្នកលក់ទាំង៣នាក់ខាងលើត្រូវបានបញ្ជូនទៅខណ្ឌរដ្ឋបាលព្រៃដើម្បីធ្វើកិច្ចសន្យាបញ្ឈប់លក់សត្វព្រៃនៅថ្ងៃមុខទៀត និងផ្អាក់ពិន័យ១x៣ ហើយថ្ងៃដដែល សាច់ដែលដកហូតបាននោះត្រូវអង្គការ ដុតកំទេចចោលទាំងអស់នៅក្នុងខណ្ឌរដ្ឋបាលព្រៃឈើខេត្តរតនគិរី។
បើតាមការបញ្ជាក់ឲ្យដឹងថាមន្ត្រីជំនាញពាក់ព័ន្ធក្នុងខេត្តរតនគិរីនេះ មិនដែលចុះបង្ក្រាបសត្វព្រៃម្តងណាឡើយ មានតែមន្ត្រីខ្លះដែលមានខ្នងបង្អែកធំៗបានចុះទៅបាញ់សម្លាប់នៅក្នុងដែនជម្រុកសត្វព្រៃលំផាត់និងស្រុកអណ្តូងមាសយកមកលក់ឲ្យឈ្មួញទៀតផង។ សូមបញ្ជាក់ថាប្រសិនបើគ្មានក្រុមអន្តារគមន៍បង្ក្រាបសត្វព្រៃ(WILDLIFE ALLIANCE) ចុះបង្ក្រាបនោះទេគឺមន្ត្រីជំនាញពាក់ព័ន្ធក្នុងខេត្តរតនគិរីនេះមិនដែលបង្ក្រាបបានម្តងណាឡើយ៕
គឹម នឿន
