តាមសេចក្តីរាយការណ៍ពីប្រជាពលរដ្ឋស្រុកស្នួលបានអោយដឹងថាក្រុមឈ្មួញនៅតែបន្តសម្រុកដឹកជញ្ជូនធ្យូងខុសច្បាប់ឆ្លងដែនចេញទៅលក់នៅស្រុក យួន តាមច្រករបៀងត្រពាំងស្រែ រីឯអាជ្ញាធរ មានសមត្ថកិច្ចមូលដ្ឋាននិងមន្រ្តីជំនាញពាក់ពន្ធ័នៅតាមដងផ្លូវបណ្តោយអោយមេឈ្មួញឈ្មោះ ថៃ គា ដឹកជញ្ជូនធ្យូងចេញទៅស្រុក យួន តាមច្រក តាមអំពើចិត្ត។
ប្រភពបន្តអោយដឹងថា បច្ចុប្បន្នឈ្មួញឈ្មោះ ថៃ គា ធ្វើសកម្មភាពដឹកជញ្ជូនធ្យូងចេញពីស្រុកស្នួលឆ្លងដែន ចេញទៅលក់នៅស្រុក យួនតាមច្រក របៀងត្រពាំងស្រែ តាមអំពើចិត្តព្រោះគ្មានមន្ត្រីជំនាញឬសមត្ថកិច្ច ណា ប៉ះពាល់ឡើយ។ ពលរដ្ឋបានលើកឡើងថា បើគ្មានការឃុបឃិតបើកដៃពីសំណាក់មន្ត្រីជំនាញ សមត្ថកិច្ចពាក់ព័ន្ធ និងសមត្ថកិច្ចនៅច្រករបៀងត្រពាំងស្រែទេនោះ គឺមេឈ្មួញឈ្មោះ ថៃ គា មិនអាចដឹកជញ្ជូនធ្យូងឆ្លង ដែនចេញទៅលក់នៅស្រុកយួនបានទេ។ ចំណែកឯលោក ទ្រី សុភក្ដិ ប្រធានមន្ទីរកសិកម្មខេត្តក្រចេះ ក៏ដូចជានាយខណ្ឌរដ្ឋបាលព្រៃឈើខេត្តក្រចេះ សម្ងំស្ងាត់ឈឹងទុកឲ្យមេឈ្មួញ ថៃ គា ដឹកជញ្ជូនធ្យូងឆ្លង ដែនចេញទៅលក់នៅស្រុកយួនយ៉ាងរំភើយ ។
សកម្មភាពរបស់មេឈ្មួញឈ្មោះ ថៃ គា គឺគ្មានមន្រ្តីជំនាញ ឬសមត្ថកិច្ចណាចាត់វិធានការទប់ស្កាត់ឡើយ ទំនងជាពួកគេខ្លាចបាត់ បង់ផលប្រយោជន៍ ទើបមិនខ្វល់ពីមហាជនការរិះគន់អ្វីទាំងអស់។ ហេតុនេះហើយទើបប្រជាពល រដ្ឋអំពាវនាវឲ្យលោក សាន្ត ប៊ុន ថាន មេបញ្ជាការកងរាជអាវុធ ហត្ថខេត្តក្រចេះ និងលោក វ៉ា ថន អភិបាលខេត្តក្រចេះ ពិនិត្យឡើងវិញខ្លះផង ដើម្បីកុំ ឲ្យមេឈ្មួញឈ្មោះ ថៃ គា រូបនេះធ្វើអ្វីៗតាមអំពើចិត្តទៀត។
ប្រភពស្និទ្ធនឹងឈ្មួញឈ្មោះ ថៃ គា បានបង្ហើបឲ្យដឹងថា ដោយ សារមានខ្នងបង្អែករឹងមាំ ឃុបឃិតជាប្រព័ន្ធ ទើបមេឈ្មួញឈ្មោះ ថៃ គា អាចដឹកជញ្ជូនធ្យូងពីស្រុកស្នួល ខេត្តក្រចេះ ឆ្លងដែនចេញទៅលក់នៅស្រុកយួន តាមច្រករបៀងត្រពាំងស្រែ ឃុំ 2ធ្នូ យ៉ាងពេញបន្ទុក។ ជាក់ស្ដែងលោក ទ្រី សុភក្ដិ ប្រធានមន្ទីរកសិកម្មខេត្តក្រចេះ និងមេរដ្ឋបាលព្រៃឈើខេត្តក្រចេះ បណ្ដោយឲ្យឈ្មួញឈ្មោះ ថៃ គា ធ្វើអ្វីៗតាមអំពើចិត្តមិនហ៊ានចាត់វិធានការទប់ស្កាត់ឡើយ។ សូម្បីតែលោក សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ ព្រមទាំងលោក ស្នងការនគរបាលខេត្តក្រចេះ និងលោក វ៉ា ថន អភិបាលខេត្តក្រចេះ សម្ងំដេកលក់ផងដែរ។ពាក់ព័ន្ធព័ត៌មានខាងលើគេហទំពរ័ (www. enn-tv.com)យើងខ្ញុំរងចាំនូវការពន្យល់ បកស្រាយគ្រប់សាមុីភាគីពាក់ពន្ធ័ រាល់ម៉ោងធ្វើការ៕
