ខេត្តព្រៃវែង៖ ប្រភពសេចក្តីរាយការណ៍ពីប្រជាពលរដ្ឋដែលរស់នៅក្បែរ” កាស៊ីណូយីហោ ៣៣” ច្រកព្រំដែនស្វាយអាង៉ោងដែលស្ថិតនៅក្នុងភូមិចាម ឃុំចាម ស្រុកកំពុងត្របែក បានអោយដឹងថា “កាស៊ីណូយីហោ ៣៣” ច្រកព្រំដែនស្វាយអាង៉ោង នៅតែបន្តបើកអោយពលរដ្ឋខ្មែរចូលលេងល្បែងស៊ីសងយ៉ាងគគ្រឹក គគ្រេងដដែលទេ ចំណែកឯអាជ្ញាធរមានសមត្ថកិច្ចមូល ដ្ឋាន ឃុំ ស្រុក នាំគ្នារក្សាភាពស្ងៀមស្ងាត់។
ប្រភពបានបន្តអោយដឹងថា”កាសុីណូយីហោ ៣៣” ដែលបើកអោយពលរដ្ឋខ្មែរចូលលេងល្បែងសុីសងរាល់ថ្ងៃនេះគ្មានច្បាប់អនុញាតនោះទេ ហើយមានខ្នងបង្អែករឹងមាំនៅក្នុងខេត្ត ទើបហ៊ានធ្វើអ្វីៗស្រេចអំពើចិត្ត។ ដូច្នេះហើយលោកជា សុមេធី អភិបាលខេត្តព្រៃវែងនិងលោកឈឿន ប៊ុនឆន ស្នងការនគរបាលខេត្តព្រៃវែងទើបកាន់តំណែងថ្មី ហ៊ានបង្រ្កាប ម្ចាស់ “កាស៊ីណូយីហោ ៣៣” ដែលបើកអោយពលរដ្ឋ ខ្មែរចូលលេងល្បែងសុីសងផ្ទុយពីច្បាប់អនុញ្ញាតនោះ។ ហេតុនេះទើបប្រជាពលរដ្ឋក្នុងមូលដ្ឋានសូមអំពាវនាវដល់ថ្នាក់ដឹកនាំក្រសួងមហាផ្ទៃ ជាពិសេសលោកនាយឧត្តមសេនីយ៍សន្តិបណ្ឌិតនេត សាវឿន អគ្គស្នងការនគរបាលជាតិ និងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែងសុីសងទូទាំងប្រទេស មេត្តាចាត់មន្រ្តីក្រោមឱវាទពិនិត្យទីតាំង “កាស៊ីណូយីហោ ៣៣” នៅច្រកព្រំដែនស្វាយ អាង៉ោងដែលកំពុងអោយប្រជាពលរដ្ឋខ្មែរចូលលេងល្បែងសុីសងជល់មាន់បៀអាប៉ោងខុសច្បាប់និងល្បែងច្រើនប្រភេទទៀតនៅក្នុង “កាសុីណូយីហោ ៣៣” ច្រកព្រំដែនស្វាយ អាង៉ោងនេះ។
ប្រភពពីក្រុមញៀនល្បែងចេញចូលលេងក្នុង “កាសុីណូយីហោ ៣៣” បានបន្ថែមថា ភាគច្រើនសុទ្ធតែពលរដ្ឋខ្មែរដែលញៀនល្បែងនាំគ្នាជិះឡាននិងម៉ូតូសេរីទំនើបៗ រាប់សិបគ្រឿង ចូលទៅលេងល្បែងសុីសងខុសច្បាប់យ៉ាងរំភើយជារៀងរាល់ថ្ងៃមិនព្រមបង្រ្កាប! ដោយហេតុថា អាជ្ញាធរមាន សមត្ថកិច្ចក្នុងមូលដ្ឋានហ៊ានផ្គើន បទបញ្ជាសម្ដេចតេជោ ហ៊ុន សែន ។
មហាជនក៏ដូចប្រជាពលរដ្ឋរស់នៅស្រុកកំពង់ត្របែក រងចាំមើលកណ្តាប់ដៃដែកលោក ជា សុមេធី អភិបាលខេត្តព្រៃវែងនិងលោក ឈឿន ប៊ុនឆន ស្នងការនគរបាលខេត្តព្រៃវែង ទើបកាន់តំណែងថ្មីមានវិធានការបែបណាខ្លះទៅលើម្ចាស់ “កាស៊ីណូយីហោ ៣៣” កំពុងបើកពង្វក់អោយពលរដ្ឋ ខ្មែរចូលលេងល្បែងសុីសងផ្ទុយច្បាប់អនុញាតិនោះ។ ឬមួយទុកអោយម្ចាស់ “កាស៊ី ណូយីហោ ៣៣” ធ្វើព្យុះភ្លៀងគៀងគរពល រដ្ឋខ្មែរចូលលេងល្បែងជល់មាន់បៀអាប៉ោងខុសច្បាប់និងល្បែងផ្សេងៗទៀតយ៉ាងពេញបន្ទុក។បង្កអសន្តិសុខសង្គម និងអំពើចោរ កម្ម ចោរលូច.ឆក់. ប្លន់. គាស់ផ្ទះនិងប្រើអំពើហិង្សាគ្រួសារ ដើមចមកើតចេញពីល្បែងសុី សងនេះឯង។
មជ្ឈដ្ឋាននានាដាក់ការសង្ស័យថា ប្រហែល ម្ចាស់ “កាស៊ីណូយីហោ ៣៣” បានផ្ដល់ ផលប្រយោជន៍ប្រចាំថ្ងៃ ខែជូនអាជ្ញាធរមានសមត្ថកិច្ចពាក់ព័ន្ឋក្នុងមូលដ្ឋាន ឃុំ ស្រុក ខេត្ត រួចរាល់អស់ហើយទេដឹង? បានជានាំគ្នារក្សាភាពស្ងៀមស្ងាត់ មិនព្រមចាត់វិធានការបង្ក្រាប ដើម្បី អោយស្របតាមគោលនយោ បាយភូមិ ឃុំ មានសុវត្ថិភាព ៧ចំណុចរបស់រាជរដ្ឋាភិបាលដែលដាក់ចេញអោយអនុវត្តន៍ដោយក្រសួងមហាផ្ទៃ និងអោយស្របតាមបទបញ្ជាររបស់សម្តេចក្រឡា ហោម ស ខេង ផងទាន។
បញ្ហានេះដែលលោក ជា សុមេធី អភិបាលខេត្តព្រៃវែងលោក ឈឿន ប៊ុនឆន ស្នងការខេត្តព្រៃវែងនិងលោក ឈួន គឹមសាន មេបញ្ជាការកងរាជ អាវុធហត្ថខេត្តព្រៃវែង បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរចាត់ វិធានការបង្រ្កាប ម្ចាស់ “កាសុីណូយីហោ៣៣ ” នៅច្រកព្រំដែនស្វាយអាង៉ោងស្រុកកំពង់ ត្របែកកំពុងបើកអោយប្រជាពលរដ្ឋខ្មែរចូលលេងល្បែងសុី សងនេះអោយមានប្រសិទ្ធភាព ៕មានត