បរិមាណទិន្នផលត្រីទឹកសាបនៅ
ក្នុងប្រទេសកម្ពុជា សម្រាប់រដូវកាលប្រមូលផលនៅ
ក្នុង ឆ្នាំ២០១៤ នេះ នឹងមានការធ្លាក់ចុះ ដោយសារតែទឹកស្រកលឿន ជាងឆ្នាំមុន។ នេះបើយោងតាម លោក ណៅ ធួក ប្រធានរដ្ឋបាលជលផល ដែលត្រូវបានស្រង់សំដីដោយទី
ភ្នាក់ងារព័ត៌មានកម្ពុជា ហៅកាត់ថាបើតាម លោក ណៅ ធួក ការធ្លាក់ចុះទិន្នផលត្រីនេះ គឺបណ្ដាលមកពីទឹកស្រកលឿន ជាងឆ្នាំមុនធ្វើឱ្យទឹកមិនអា
ចចូលទៅក្នុងបឹងបួរនៅតាមបឹង
ទន្លេសាបហើយព្រៃលិចទឹកក៏
មិនបានលិចយូរដែរធ្វើឱ្យត្
រីពិបាកពងកូននិងការធ្វើ
ចរាចរណ៍ស្វែងរកចំណី។
ប្រធានរដ្ឋបាលជលផលរូបនេះ បានបញ្ជាក់ថា ទោះបីទិន្នផលត្រីទឹកសាបឆ្នាំនេះធ្លាក់ចុះក៏ដោយ ក៏រដ្ឋបាលជលផលគ្រោងចាប់ត្រីឱ្យបានជាងង៧៥ម៉ឺនតោនដោយរួមផ្សំទាំងត្រីចិញ្ចឹមធម្មជាតិ និងត្រីទឹកប្រៃ ខណៈពេលដែលកាលពី ឆ្នាំ២០១៣មានបរិមាណផលត្រីសរុបត្រឹមតែចំនួន៧២ម៉ឺនតោនប៉ុណ្ណោះ។
លោកក៏ឱ្យដឹងទៀតថា ប្រសិនបើអាកាសធាតុល្អត្រីនឹងត្រូវចាប់ពីពាក់កណ្តាលខែវិច្ឆិកានេះទៅ ប៉ុន្តែបើតាមការព្យាករណ៍របស់ក្រសួងធនធានទឹក រដូវវស្សាបានអូសបន្លាយធ្វើឱ្យបរិមាណទឹកភ្លៀងនៅមានធ្លាក់ច្រើន ដូច្នេះត្រីនឹងអាចត្រូវច្រើនចាប់ពីដើមខែធ្នូទៅរហូតដល់ចុងខែមករា ឆ្នាំ២០១៥ខាងមុខនេះ។
សូមបញ្ជាក់ថា ចាប់ពីថ្ងៃទី១ ខែវិច្ឆិកា ខាងមុខនេះតទៅប្រជាពលរដ្ឋទាំងអស់អាចធ្វើការនេសាទបានជាធម្មតាវិញហើយបន្ទាប់ពីរដូវបិទនេសាទត្រូវបានបញ្ចប់ ប៉ុន្តែចំពោះការប្រើប្រាស់ឧបករណ៍នេសាទខុសច្បាប់ អាជ្ញាធរមានសមត្ថកិច្ចនឹងបន្តចាប់យកមកផ្តន្ទាទោសដូចមុនដដែល៕
