ភ្នំពេញ ៖ លោក ចែម សង្វា អតីតប្រធាននាយកដ្ឋានក្រសួងប្រៃសណីយ៍ និងទូរគមនាគមន៍ ដែលអង្គភាពប្រឆាំងអំពើពុករលួយ ចាប់ខ្លួន កាលពីថ្ងៃទី២ ខែឧសភា ឆ្នាំ២០១៤ កន្លងមកនោះ ត្រូវបានតុលាការ សាលាតំបូងរាជធានីភ្នំពេញ លើកយកមកបើកសវនាកាជំនុំជំរះផ្តន្ទាទោស នៅព្រឹកថ្ងៃទី១០ តុលា ឆ្នាំ២០១៤ ដោយដាក់ទោសនៅពន្ធនាគាររយះពេល៧ឆ្នាំ និងពិន័យជាប្រាក់ចូលរដ្ឋចំនួន២០ម៉ឺនដុល្លា ហើយតំរូវឲ្យរឹបអូសទ្រព្យសម្បត្តិ សងសំណងរដ្ឋប្បវេណី ទៅដើមបណ្តឹងចនួន៥០ម៉ឺនដុល្លា ពីបទចោទប្រកាន់វីតិក្រមតាមមាត្រា៥៩២ និង ៥៩៣។
សូមបញ្ជាក់ថា ចំពោះការបើកសវនាការលើសំនុំរឿង លោកចែមសង្វាខាងលើនេះ គឹពុំមានវត្តមានជនជាប់ចោទចូលរួមក្នុងអង្គសវនាកានោះទេ ប៉ុន្តែជនជាប់ចោទបានពឹងពាក់លោកមេធាវីពុធ ធាវីការពារក្តី ហើយមានវត្តមាននៅក្នុងសវនាកាខាងលើនេះ ប៉ុន្តែគេពុំដឹងថាលោកពុធ ធាវីប្តឹងឧទ្ធណ៍ ចំពោះការសម្រេចក្តីខាងលើនេះ ឬយ៉ាងណាទេ? ដោយសារលោកមេធាវីពុំអាចទំនាក់សួរនាំបានឡើយ។
សូមរំលឹកថា ចំពោះចំណាត់ការរបស់អង្គភាពប្រឆាំងអំពើពុករលួយដែលបានអនុវត្តច្បាប់លើមន្ត្រីសាធារណះមមួយរយះមកនេះឃើញថាមានប្រសិទ្ធិភាពល្អណាស់ពិសេសករណីចាប់ខ្លួនលោក ហ៊ី ណារិន អតីតអធិការនគរបាលខណ្ឌមានជ័យកាលពីពេលថ្មីនេះធ្វើឲ្យមហាជនកំពុងរុងចាំមើលថាតើតុលាការសម្រេចផ្តន្ទាទោជនជាប់ចោទ ហ៊ី ណារិនដាក់ទោសទណ្ឌកំរិតណា? ។
ចំពោះករណីនេះកំពុងធ្វើឲ្យលោកអធិការនិងមេៗប៉ូលិសតាមអង្គភាពនានាដែលធ្លាប់ធ្វើអាក្រក់ជាមួយកូនចៅកំពុងដេកក្នុងបន្ទប់ម៉ាស៊ីនត្រជាក់ដកដង្ហើមធំៗភ័យខ្លួនយ៉ាងខ្លាំង ព្រោះខ្លួនបានសាងបាបលើអ្នកដ៍ទៃច្រើនណាស់ អាចគ្មានជាតិក្រោយទេបាបកម្មហ្នឹងនោះ ៕