សៀមរាប ៖ សមត្ថកិច្ចចម្រុះមានទាំងនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ កងរាជអាវុធហត្ថខេត្ត រួមទាំងជំនាញរដ្ឋបាលព្រៃឈើ បានឆ្មក់ប្រម៉ាញ់ដេញព័ទ្ធចាប់រថយន្តដឹងឈើក្រញូងចំនួនពីរគ្រឿង ពីរកន្លែងផ្សេងៗគ្នាក្នុងថ្ងៃតែមួយនឹង បាន ចាប់វាយខ្នោះតៃកុងរថយន្តនឹងបក្សពួកភ្លាមៗ នៅនឹងកន្លែង បន្ទាប់ពីពួកគេបានធ្វើសកម្មភាពដឹកជញ្ជូនឈើក្រញូងខុសច្បាប់ ចេញពីស្រុកអន្លង់វែង ខេត្តឧត្តមានជ័យ ឆ្ពោះមកកាន់ទីក្រុងប្រវត្តសាស្ត្រខេត្តសៀមរាប ដើម្បីលាក់ខ្លួននឹងត្រៀមចេញទៅស្រុកមេមត់ ខេត្តត្បូងឃ្មុំ លក់បន្តទៅប្រទេសវៀតណាម តែដោយអស់លាក់ ទេវតាបរាមុខ ត្រូវជាប់អន្តាក់សមត្ថកិច្ច ។ នេះបើតាមការឲ្យដឹងពីលោកវរៈសេនីយ៍ត្រី ឡុង សំអឿន នាយនគរបាលប្រឆាំង បទល្មើសសេដ្ឋកិច្ច ក្រសួង មហាផ្ទៃប្រចាំខេត្តសៀមរាប។
ប្រតិបត្តិការចុះកំទិចឧក្រិដ្ឋជនប្រល័យព្រៃឈើនេះធ្វើឡើង កាលពីររំលងអាធ្រាតឈានចូលថ្ងៃទី៤ ខែតុលា ឆ្នាំ២០១៤ ដែលមានការចូលរួមពីកម្លាំងកងរាជអាវុធហត្ថខេត្តសៀមរាបដែលដឹកនាំដោយលោកវរៈសេនីយ៏ឯក ស្រី យូរ៉ា មេបញ្ជាការរងកងរាជអាវុធហត្ថ ខេត្តសៀមរាប
មន្ត្រីនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃមន្ត្រីរដ្ឋបាលព្រៃឈើអធិការដ្ឋានរដ្ឋបាលព្រៃឈើ ខាងជើងបឹង ទន្លេសាប ខណ្ឌរដ្ឋបាលខេត្តសៀមរាប ផ្នែកបន្ទាយស្រី និងសង្កាត់បាគងដោយមានការបញ្ជាផ្ទាល់ពីលោកសំរិទ្ធសុខុនព្រះរាជអាជ្ញារងអមសាលាដំបូងខេត្តសៀមរាប។
នាយនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃប្រចាំខេត្តសៀមរាបលោកវរសេនីយ៏ត្រីឡុងសំអឿនបន្តថាមុនធ្វើការដេញបង្ក្រាប លោកមានការសង្ស័យរថយន្ត ខាងលើមានផ្ទុកឈើក្រញូងទើបធ្វើការដេញតែម្ដង ។ លោកបន្ថែមថា នៅក្នុងពេលដេញចាប់នោះ រថយន្តដឹកឈើបានបើករត់សំដៅមកក្រុងសៀមរាបតាមផ្លូវ៦៧ ហើយលោកក៍បានទំនាក់ទំនងទៅព្រះរាជអាជ្ញាឲ្យជួយអន្តរាគមន៍ជាមួយគ្នានោះដែរ តៃកុងរថយន្តនោះមិនបានឈប់នោះទេ ពោលគឺបានបើកបុកប៉ារ៉ាស់ រហូត ដល់ខេត្តសៀមរាប រត់ចូលទៅ ក្នុងខារ៉ាអូខេ មួយកន្លែង ។
លោក ម៉ុង ប៊ុនលីម នាយផ្នែករដ្ឋបាលព្រៃឈើបន្ទាយស្រីបានឲ្យដឹងថា ក្រោយពីរមានការព័ទចាប់ថារថយន្ត ដឹកឈើខាងលើឆ្លងកាត់ទឹកដីផ្នែកលោក ទើបបានជួយធ្វើការប្រដេញ ចាប់តាំងពីតំបន់ឃុំស្រែណូយ ស្រុកវ៉ារិនមក ប៉ុន្តែរថយន្តនោះ មិនបានឈប់ទេ ហើយមកដល់រង្វង់មូលបន្ទាយស្រី តៃកុងរថយន្តដឹកបទល្មើសបានបើករត់គេចរហូតសំដៅចូលទៅក្រុងសៀមរាប តាមផ្លូវព្រះដាក់ ។
លោកនាយផ្នែកបន្ថែមថា ខណៈរថយន្តដឹកឈើក្រញូងបើកសំដៅទៅតាមផ្លូវព្រះដាក់ លោកបានឲ្យ មន្ត្រីរដ្ឋបាលព្រៃឈើ នៅព្រះដាក ជួយដាក់ប៉ារ៉ាស់ តែរថយន្ត ខាងលើ នៅតែព្យាយាមបើកគេច បន្តទៅមុខទៀត ដល់ក្រុងសៀមរាប ចូលទៅក្នុង ខារ៉ាអូខេ តែម្ដង ។
ពាក់ព័ន្ទការបង្ក្រាបរថយន្តសេរីទំនើបទាំងពីគ្រឿង ដឹកឈើក្រញូងនេះ លោក ម៉ែន វុទ្ធី មន្ត្រីរដ្ឋបាលព្រៃឈើខណ្ឌសៀមរាបបានធ្វើការអះអាងថារថយន្តដឹកឈើក្រញូងដែលបានធ្វើការរឹបអូសនេះ ទីមួយប្រភេទធុនត្រា ព័ណខ្មៅ ពាក់ស្លាកលេខ ភ្នំពេញ 2T.7767ម្ចាស់ឈ្មោះ សុន ប៊ុនរិទ្ឋ ហៅ បារាំង អាយុ22ឆ្នាំ មុខរបរលក់ដូរ រស់នៅភូមិ ឆ្ងរជើង ឃុំ ដារ ស្រុកមេមត់ ខេត្ត ត្បូងឃ្មុំ ត្រូវជាកូនបង្កើតលោកឧកញ៉ាថៅកែឈើក្រញូង ដ៏ធំបំផុតប្រចាំខេត្តកំពង់ចាម នឹងទីពីរ ប្រភេទកាមរីបាឡែន សេរីឆ្នាំ2005 ពណ៌ទឹកប្រាក់ ពាក់ស្លាកលេខ ភ្នំពេញ 2S.0840 នឹងបានឃាត់ខ្លួនមនុស្ស 05 នាក់ ទី1ឈ្មោះ ប៉ាក់ គឹម កុល ភេទប្រុស អាយុ 28ឆ្នាំ មុខរបរធ្វើស្រែ រស់នៅភូមិថ្មដូន ឃុំ គោគមន ស្រុកបន្ទាយអំពិល ខេត្ត ឧត្តមានជ័យ។ទី2ឈ្មោះ សយ សីហា ភេទប្រុស អាយុ 28ឆ្នាំ មុខរបរមិនពិតប្រាកដ រស់នៅភូមិចំការលើ ឃុំ ប្រសើរ ស្រុកចំការលើ ខេត្ត កំពងចាម។ទី3ឈ្មោះសូ សុភក្តី ភេទប្រុស អាយុ 29,ឆ្នាំ មុខរបរមិនពិតប្រាកដ រស់នៅភូមិកាញ់ ឃុំ កាញ់ ស្រុកព្រៃកប្បាស់ ខេត្ត តាកែវ។ទី4ឈ្មោះ លីនី ភេទស្រី អាយុ 37ឆ្នាំ រស់នៅភូមិថ្នល់កែង ឃុំ ថ្នល់កែង ស្រុកអន្លង់វៃង ខេត្ត ឧត្តមានជ័យ។ទី5ញ៉ែម សៀន ភេទស្រី អាយុ 31ឆ្នាំ រស់នៅភូមិថ្នល់កែង ឃុំ ថ្នល់កែង ស្រុកអន្លង់វៃង ខេត្ត ឧត្តមានជ័យ។
លោក ម៉ែន វុទ្ធី បន្ថែមថា ឈើក្រញូងសរុបទាំងពីឡានមាន ចំនួន127ដុំនិង1379គីឡូ ស្មើនិង1,149ម៉ែត្រគូបត្រូវបានរក្សាទុកនៅផ្នែករដ្ឋបាលព្រៃឈើបន្ទាយស្រីដោយឡែករថយន្ត ពីរគ្រឿង និងជនសង្ស័យទាំងអស់ ត្រូវបានបញ្ជូនទៅតុលាការ ហើយនៅថ្ងៃទី5នេះ ៕ ដោយ ច័ន្ទ សុភាព
