ភ្នំពេញ ៖ ក្រុមមន្ដ្រីនគរបាលនៅខណ្ឌ មានជ័យខ្សឹបខ្សៀវអំពីបញ្ហាដែល លោក អធិការហ៊ី ណារិន ត្រូវបានអង្គភាពប្រឆាំង អំពើពុករលួយហៅទៅសួរនាំ កាលពីថ្ងៃ ទី៣០ ខែកញ្ញា ឆ្នាំ២០១៤ ដែលរហូត មកដល់រសៀលម្សិលមិញនេះ មិនទាន់ ត្រឡប់មកវិញឡើយ ។ ការណ៍មិនទាន់ ត្រឡប់មកវិញនេះទំនងជាត្រូវបញ្ជូន ទៅតុលាការហើយបង្ហួសទៅព្រៃស ។ ក្រុម អ្នកព្រួយបារម្ភបានលើកជាសំណួរថាតើនរណាទៀតនៅពីក្រោយចម្លើយលោកហ៊ី ណារិន ដែលត្រូវអង្គភាពប្រឆាំង អំពើពុករលួយកោះហៅទៅសួរនាំបន្ដ ទៀតនោះ?
កាលពីព្រឹកថ្ងៃទី៣០ ខែកញ្ញា ឆ្នាំ២០១៤ អង្គភាពប្រឆាំងអំពើពុករលួយបានកោះ ហៅមន្ដ្រីនគរបាលខណ្ឌមានជ័យ៣ រូប ទី១-លោក ហ៊ី ណារិន អធិការនគរបាល ខណ្ឌ,២-លោកស្រី ផាន ចាន់ថុល អនុផ្នែកសេនាធិការ និងទី៣-លោកប៉ែន សុវាសនា នាយរងផ្នែកសណ្ដាប់ធ្នាប់និង ចរាចរណ៍ ។ ក្រោយការសាកសួរលោក ស្រីផាន ចាន់ថុល និងលោកប៉ែន សុវាសនា ត្រូវបានអនុញ្ញាតឱ្យត្រឡប់ មកកាន់អង្គភាពវិញនៅល្ងាចថ្ងៃខែឆ្នាំ ដដែល ហើយរហូតមកដល់រសៀលម្សិល មិញនេះមិនទាន់ឃើញត្រឡប់មកអង្គ ភាពវិញឡើយ ។ មិនតែប៉ុណ្ណោះ នៅព្រឹកថ្ងៃទី១ ខែតុលា ឆ្នាំ២០១៤ អង្គភាព ប្រឆាំងអំពើពុករលួយបានកោះហៅលោក តេង ស៊ីណូ អធិការរងនគរបាលខណ្ឌច្បារ អំពៅ អតីតអធិការរងនគរបាលខណ្ឌមាន ជ័យទៅសួរនាំតែមិនដឹងថា ពាក់ព័ន្ធជាមួយលោកហ៊ី ណារិនឬមួយយ៉ាងណានោះទេ ។ ចំណែកលោកឡាយ គឹមឈុន អតីតមន្ដ្រីនគរបាលផ្នែកភស្ដុភារនៃអធិការដ្ឋាននគរបាលខណ្ឌមានជ័យ បច្ចុប្បន្ន ជាមន្ដ្រីនគរបាល ខណ្ឌច្បារអំពៅ ក៏ត្រូវ បានហៅទៅសួរនាំផងដែរ ។ រហូតដល់ រសៀលម្សិលមិញ ទាំងលោកតេង ស៊ីណូ និងលោកឡាយ គឹមឈុន មិនទាន់ដឹងថា ត្រូវបានត្រឡប់មកវិញឬយ៉ាងណា នោះទេ ។
រឿងរ៉ាវរបស់លោក ហ៊ី ណារិន ឯណេះវិញ ត្រូវបានក្រុមមន្ដ្រីក្រោមឱវាទបង្ហើបឱ្យដឹងថា ធ្លាប់ទទួលនូវការព្រមាននិង ណែនាំពីថ្នាក់លើ ពិសេសអង្គភាពប្រឆាំង អំពើពុករលួយ ហើយកាលពីឆ្នាំ២០១២ ក៏បានហៅលោកហ៊ី ណារិនទៅសួរនាំ ម្ដងដែរពាក់ព័ន្ធនឹងរឿងពុករលួយ ។
