ភ្នំពេញ ៖ ក្នុងគោលដៅពង្រឹងកងកម្លាំងនគរបាលជាតិលោកនាយឧត្ដមសេនីយ៍ នេត សាវឿន អគ្គស្នងការនគរបាលជាតិបានដាក់បទបញ្ជា៤ចំណុចឱ្យ ស្នងការនគរបាលរាជធានី-ខេត្ដ អនុវត្ដដើម្បីបម្រើដល់ប្រជាពលរដ្ឋ និងពង្រឹង សន្ដិសុខសង្គមឱ្យបានប្រសើរឡើងថែមទៀត ។
បទបញ្ជាទាំង៤ចំណុចដែលបានដាក់ ចេញដល់លោកស្នងការដើម្បីអនុវត្ដនេះ បានធ្វើឡើងនៅគ្រាដែលលោកនាយឧត្ដម សេនីយ៍អគ្គស្នងការនគរបាលជាតិអញ្ជើញ ជាអធិបតីក្នុងពិធីប្រកាសតែងតាំងលោក ឧត្ដមសេនីយ៍ត្រី លន់ សុផាត ជាស្នងការ នគរបាលខេត្ដក្រចេះ ។
បទបញ្ជាទាំង៤ចំណុចរួមមាន ទី១. ស្នងការនគរបាលត្រូវដើរតួនាទីជាសេនា ធិការឱ្យគណៈបញ្ជាការឯកភាពខេត្ដ ដើម្បីគ្រប់គ្រងសភាពការណ៍ទូទៅនៅ ក្នុងភូមិសាស្ដ្រខេត្ដនីមួយៗ ជាពិសេស ពង្រឹងសន្ដិសុខឱ្យបានប្រសើរឡើងថែម ទៀតដើម្បីបម្រើឱ្យប្រជាពលរដ្ឋ ។ ទី២-សុំឱ្យលោកស្នងការមានការចាប់អារម្មណ៍ ឡើងវិញ និងបន្ដការអនុវត្ដរឿងពង្រឹង វិន័យកងកម្លាំង ប្រតិបត្ដិច្បាប់ឱ្យ ពេញលេញដើម្បីធ្វើជាគំរូដល់ប្រជាពលរដ្ឋ ។ ក្នុងនោះលោកនាយឧត្ដមសេនីយ៍ បានលើកឡើងពីការអនុវត្ដច្បាប់ចរា ចរណ៍ដោយស្នើឱ្យកងកម្លាំងនគរបាល ទាំងអស់ទោះបីជាពាក់ឯកសណ្ឋានជិះម៉ូតូគួរតែដោះមួកនគរបាលចេញ ហើយ ពាក់មួកសុវត្ថិភាពដើម្បីការពារអាយុជីវិត។ លើសពីនេះទៀតសុំឱ្យនគរបាល នៅតាមបណ្ដាប៉ុស្ដិ៍ត្រូវគិតគូរពីរឿងមួកសុវត្ថិភាពនេះឡើងវិញនិងណែនាំដល់ អ្នកធ្វើដំណើរ ។ ទី៣.ស្នើសុំឱ្យកម្លាំង នគរបាលពង្រឹងអនុវត្ដរបបកំណត់ប្រចាំបញ្ជានៅគ្រប់ខេត្ដ-ក្រុង-រាជធានី ជា ពិសេសនៅតាមប៉ុស្ដិ៍រដ្ឋបាលមិនត្រូវ បិទទ្វារនោះទេ ព្រោះប៉ុស្ដិ៍រដ្ឋបាលជា ទីកន្លែងបម្រើឱ្យប្រជាពលគ្រប់និន្នា ការទាំងអស់ដូច្នេះត្រូវមានវេនប្រចាំការ គ្រប់ម៉ោងនិងទី៤-ចាប់ពីពេលនេះតទៅ ត្រូវពង្រឹងសេវាសាធារណៈជូនប្រជាពល រដ្ឋដោយសេចក្ដីថ្លៃថ្នូរ គោរពវិន័យ កងកម្លាំងនិងប្រកាន់ខ្ជាប់នូវក្រមសីល ធម៌ជានគរបាលជាតិ ។
បន្ថែមពីលើបទបញ្ជាទាំង៤ចំណុចនេះដែរ លោកនាយឧត្ដមសេនីយ៍អគ្គស្នង ការនគរបាលជាតិបានលើកឡើងពីបញ្ហា ប្រឈមមួយចំនួនដែលកើតកន្លងមក ទាក់ទងទៅនឹងការពង្រឹងច្បាប់ចរាចរណ៍។ បញ្ហាផាកពិន័យគ្រាន់តែជាចំណុចមួយ ដែលត្រូវពង្រឹងច្បាប់ចរាចរណ៍និងជាផ្នែក មួយឱ្យអ្នកអនុវត្ដច្បាប់ចរាចរណ៍រាងចាលប៉ុណ្ណោះ ប៉ុន្ដែមិនមានន័យថា អាចកាត់បន្ថយគ្រោះថ្នាក់ចរាចរណ៍បាននោះទេ។ ករណីដែលកាត់បន្ថយគ្រោះ ថ្នាក់ចរាចរណ៍បាន គឺវាអាស្រ័យទៅលើ គោរពច្បាប់ចរាចរណ៍ និងអធ្យាស្រ័យ ឱ្យគ្នាទៅវិញទៅមកពេលធ្វើដំណើរនៅលើទ្រូងផ្លូវ ។ ចំពោះការពាក់មួកសុវត្ថិ ភាពកុំច្រឡំថា អាចបន្ថយគ្រោះថ្នាក់ ចរាចរណ៍បាននោះគឺគ្រាន់តែជាការការពារអាយុជីវិតតែប៉ុណ្ណោះ ។
នៅក្នុងឪកាសនោះដែរនាយឧត្តមសេនីយ៍ នេត សាវឿន បានផ្តាំផ្ញើរដល់លោកស្នងការខេត្តក្រុងទាំងអស់ត្រូវយកចិត្តទុកដាក់ និងអនុវត្តអោយបានបទបពា្ជាទាំង៤ចំនុចដើម្បើឈានទៅរកភូមិសង្កាតមានសុវត្ថភាពជូនប្រជាពលរដ្ឋ ៕