ភ្នំពេញ ៖ ប្រសិនបើសមត្ថកិច្ចនិងអាជ្ញាធរមូលដ្ឋានព្រងើយកន្ដើយចំពោះវិធានការបង្ក្រាបប្រភពបនល្បែងស៊ីសង ដែលកើតមានក្នុងសមត្ថកិច្ចដែនដី របស់ខ្លួនកាន់កាប់មានន័យថា ការអនុវត្ដគោលនយោបាយភូមិ-សង្កាត់មានសុវត្ថិភាពត្រូវទទួលបរាជ័យ ។
គេបានរាយការណ៍មកថា មានទីតាំង ភ្នាល់បាល់ កន្ទុយលេខ ជាច្រើនបាននឹង កំពុងបើកយ៉ាងចំហរដ៏អនាធិបតេយ្យតាមច្រកឌឿងហែម មុខសណ្ឋាគាអេមេ រ៉ល មរកត ផ្លូវលេខ១០៧ សង្កាត់មនោ រម្យ និងមួយកន្លែងទៀតនៅជាប់នឹងកែង ប៉ុស្ដិ៍នគរបាលមនោរម្យតែម្ដង ។
ប្រជាពលរដ្ឋបានបញ្ជាក់យ៉ាងលម្អិត ថា នៅមុខសណ្ឋាគារអេមេរ៉លមរកត នៅពីក្រោយផ្ទះលេខ៣២EO ចូលតាម ច្រកឌឿងហែមប្រមាណជា២០ម៉ែត្រ មានទីតាំងលក់កន្ទុយលេខដ៏ធំចំនួន២ នៅជាប់គ្នា ដោយមួយកន្លែងជារបស់ ប្អូននាយរងនគរបាលប៉ុស្ដិ៍អូរឫស្សីទី៤ និងទីតាំងមួយកន្លែងទៀតជាប់ប៉ុស្ដិ៍រដ្ឋ បាលមនោរម្យ កែងផ្លូវលេខ១០៧ ផ្ទះ លេខ៥៣ សុទ្ធតែទីតាំងដែលអាជ្ញាធរ សមត្ថកិច្ចមូលដ្ឋានរក្សាទុកក្នុងប្រយោជន៍ ឆ្នាំងបាយ ។
ប្រជាពលរដ្ឋបានទូរស័ព្ទមកកាន់ មជ្ឈមណ្ឌលព័ត៌មាននគរវត្ដកាលពី ព្រឹកថ្ងៃទី៤ ខែកញ្ញា ឆ្នាំ២០១៤ ថា ពួក គាត់ធ្លាប់បានរាយការណ៍ជូនសមត្ថកិច្ច ប៉ុស្ដិ៍ប៉ុន្ដែសមត្ថកិច្ចមិនអើពើ ទើបទីតាំង ខាងលើបើកដំណើរការទាំងយប់ទាំងថ្ងៃ ហើយក៏មានវត្ដមានលោក ទូ ហុកស៊ីម នាយប៉ុស្ដិ៍មនោរម្យភ្នាល់បាល់ជាអាជីព របស់គាត់ផងដែរ ។
លោកឧត្ដមសេនីយ៍ឯក ជួន សុវណ្ណ អគ្គស្នងការរងនិងជាស្នងការនគរបាល រាជធានីភ្នំពេញធ្លាប់ប្រជុំពង្រឹងរិតបន្ដឹង លើការងារបង្ក្រាបបនល្បែងបែបនេះ ដើម្បីអនុវត្ដគោលនយោបាយភូមិ-សង្កាត់មានសុវត្ថិិភាព ការពារសន្ដិសុខ សណ្ដាប់ធ្នាប់ជូនប្រជាពលរដ្ឋតាមមូល ដ្ឋាន ប៉ុន្ដែអ្វីដែលថ្នាក់ក្រោមមិនទទួល ខុសត្រូវបានភារកិច្ចនិងតួនាទីគឺជា ការ បំពានទៅនឹងបទបញ្ជាដែលត្រូវចាត់ វិធានការ ។
ពាកព័ន្ធករណីខាងលើ សារព័ត៌មានយើងមិនអាចសូមការទំនាក់ទំនងលោកមេប៉ុស៏បានឡើយ ៕