ភ្នំពេញ ៖ ដើមឈើប្រភេទបេង គ្រញូង ធ្នង់ គគីរ ឈើទាល គីនីន និងលឿងរាជ ចំនួន ១.៥៣០ ដើម ត្រូវបានអាជ្ញាធររាជធានីភ្នំពេញ ខណ្ឌរដ្ឋបាលព្រៃឈើ និងលោកគ្រូ អ្នកគ្រូ សិស្សានុសិស្ស យកទៅដាំនៅតាមរបង និងបរិវេណទីធ្លា វិទ្យាល័យច្បារអំពៅ កាលពីព្រឹកថ្ងៃទី១៤ ខែសីហា ឆ្នាំ២០១៤។ក្រោយពីបានកាប់បំផ្លាញក៏
មានការដាំឡើងវីញដែរក៏ប៉ុន្តែការដាំនេះវាមិនដូចការដាំនោះទេវាត្រូវការចំណាយរាប់ឆ្នាំទើបអាចប្រើការកើតកាលពីជំនាន់សម្តេចសីុហនុសផ្ទៃដីព្រៃឈើមានប្រមាណ៧០%តែឥឡូវមានមិនដល់២០%ផងតើរដ្ឋាភិបាលមានវិធានការបង្ក្រាបឧក្រិដ្ឋកម្មព្រៃឈើនេះទេ។
លោក ច័ន្ទថេត ថានរៈ នាយកខណ្ឌរដ្ឋបាលព្រៃឈើកណ្តាល បានថ្លែងក្នុងពិធីដាំកូនឈើ អបអររុក្ខទិវា ៩ កក្កដា ឆ្នាំ២០១៤ នេះថា បុណ្យរុក្ខទិវា បានចាប់កំណើត ជាលើកដំបូង ក្នុងប្រវត្តិសាស្ត្រនៃ ព្រះរាជាណាចក្រកម្ពុជា តាំងពីសម័យសង្គមរាស្ត្រ និយម នាទសវត្សរ៍ទី៥០ ក្រោមព្រះរាជតម្រិះផ្តួចផ្តើម របស់អតីតព្រះមហាវីរក្សត្រ ព្រះបាទ នរោត្តម សីហនុ។
លោកច័ន្ទថេត ថានរៈ បាននិយាយទៀតថា ខណ្ឌរដ្ឋបាលព្រៃឈើកណ្តាល បានត្រៀមកូនឈើ សម្រាប់ផ្តល់ជូនខណ្ឌទាំង១២ នូវកូនឈើ៥ប្រភេទ ដូចជា គ្រញូង បេង គគីរ ឈើទាល និង គីនីន ចំនួន ៣.៦០០ ដើម និងបានត្រៀមដើមឈើហូបផ្លែ ដូចជា ស្វាយ ទៀបស្វិត ខ្នុរ ចំនួន ១.១០០ ដើមទៀត សម្រាប់ចែកជូនប្រជាពលរដ្ឋ សិស្ស និងលោកគ្រូ សម្រាប់យកទៅដាំ នៅគេហដ្ឋាន។ ដើម្បីឆ្លើយតប ទៅនឹងតម្រូវការនេះ ខណ្ឌរដ្ឋបាលព្រៃឈើកណ្តាល បានរៀបចំថ្នាល បណ្តុះកូនឈើ ចំនួន២កន្លែងផងដែរ ដែលអាចបណ្តុះកូនឈើ ទាំងរយៈពេលវែង មធ្យម រយៈពេលខ្លី និងដើមឈើហូបផ្លែ បានរាប់ម៉ឺនដើម ក្នុង១ឆ្នាំៗ។
ក្នុងឱកាសនោះដែរ លោកប៉ា សុជាតិវង្ស អភិបាលរាជធានីភ្នំពេញ បានមាន ប្រសាសន៍ថា ក្នុងឆ្នាំ២០១៤ នៅតាមបណ្តារាជធានី ខេត្ត ទូទាំងព្រះរាជាណាចក្រកម្ពុជា ក៏មានការរៀបចំប្រារព្ធ ពិធីដាំដើមឈើ ដើម្បីអបអរសាទរបុណ្យ រុក្ខទិវា៩កក្កដានេះដែរ។ ក្នុងនោះ បានសម្រេចកំណត់យក ថ្ងៃទី១៤ ខែសីហា ឆ្នាំ២០១៤ ដើម្បីដាំកូនឈើ នៅក្នុងបរិវេណ វិទ្យាល័យច្បារអំពៅ ភូមិត្រពាំងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។
លោកអភិបាលរាជធានីភ្នំពេញ បានថ្លែងថា ការដាំកូនឈើ ក្នុងពេលនេះ ដើម្បីរួមចំណែកក្នុងការថែរក្សា ការពារបរិស្ថាន ឲ្យបានល្អ បង្កើនសោភ័ណភាព ប្រកប ដោយពណ៌បៃតង ស្រស់បំព្រង និងកាត់បន្ថយជាតិពុល ក្នុងបរិយាកាស ដែលជាកាកសំណល់ បញ្ចេញពីគ្រឿងចក្រ យានយន្តតូចធំ គ្រប់ប្រភេទ។ អាជ្ញាធរមូលដ្ឋាន មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទាំងអស់ មេត្តាចូលរួមដាំដុះដើមឈើ ឲ្យបានផុលផុស ជាពិសេសសូមជួយថែទាំកូនឈើ ដែលបានដាំរួច ឲ្យបានលូតលាស់ល្អ សម្រាប់ជាប្រយោជន៍សាធារណៈ ក្នុងពេលបច្ចុប្បន្ន និងតទៅអនាគត ៕