ខេត្តព្រៃវែង៖ យោងតាមប្រភពប្រជាពលរដ្ឋរស់នៅក្បែរល្បែងសុីសងបានបង្ហើបអោយដឹងថា ទីតាំង “កាសុីណូ” មួយកន្លែងនៅច្រកព្រំដែនស្វាយអាង៉ោង ស្ថិតនៅភូមិចាម ឃុំចាម ស្រុកកំពុងត្របែក ខេត្តព្រៃវែង នៅតែបន្ត បើកចំហរអោយពលរដ្ឋខ្មែរនាំគ្នាចូល លេងល្បែងស៊ីសង គគ្រឹក គគ្រេង អានាធិបតេយ្យអាជ្ញាធរសមត្ថកិច្ចមូលដ្ឋានឃុំ ស្រុក នាំគ្នារក្សាភាព ស្ងៀមស្ងាត់មិនបង្រ្កាប។
ប្រភពបានបន្តថា”កាសុីណូ” ដែល បើកចំហរអោយពលរដ្ឋខ្មែរចូលលេងរាល់ ថ្ងៃនេះគ្មានច្បាប់អនុញាតនោះទេ ប៉ុន្តែមានខ្នងបង្អែករឹងមាំចាំជួយជ្រុំជ្រែង។ ហេតុនេះ លោក ជា សុមេធី អភិបាលខេត្តព្រៃវែងនិងលោក ព្រុំ សន្ធរ ស្នងការនគរបាលខេត្តព្រៃវែង មិនគួរបណ្តោយអោយម្ចាស់ “កាស៊ី ណូ” ខាងលើធ្វើអ្វីៗតាមតែអំពើចិត្តផ្ទុយពីច្បាប់អនុញ្ញាតិនោះទេ។
ប្រជាពលរដ្ឋសូមអំពាវនាវដល់ថ្នាក់ដឹកនាំក្រសួងមហាផ្ទៃ ជាពិសេសលោក នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ មេត្តាពិនិត្យចំពោះករណីម្ចាស់” កាស៊ីណូ” នៅច្រក ព្រំដែនស្វាយអាង៉ោងកំពុងធ្វើព្យុះភ្លៀងគៀងគរប្រជា ពលរដ្ឋខ្មែរចូលលេងល្បែងសុីសងជល់មាន់និង អាប៉ោងខុសច្បាប់និងល្បែងច្រើនប្រភេទទៀតក្នុងកាសុីណូមួយនេះ ។
ប្រភពក្រុមញៀនល្បែងបានបន្តអោយដឹងថា”កាសុីណូ”ខាងលើនេះមួយថ្ងៃៗមានអ្នកញៀនល្បែងជិះឡាននិងម៉តូសេរីទំនើបៗ រាប់សិបគ្រឿងនាំ គ្នាចូលលេងល្បែងយ៉ាងរំភើយជារៀងរាល់ថ្ងៃមិនខ្លាចញញើត អាជ្ញាធរមានសមត្ថ កិច្ចក្នុងការបង្រ្កាបឡើយ ហើយមិនអនុ វត្តន៍ ៣ការពារ ៣កុំ ដែលរាជរដ្ឋាភិបា ល បានដាក់ចេញនោះទេ។
ប្រជាពលរដ្ឋមានចម្ងល់ដូចៗថា ចុះហេតុអ្វីបានលោក ជា សុមេធី អភិ បាលខេត្តព្រៃវែង និងលោក ព្រំ សន្ធរ ស្នងការនគរបាលខេត្តព្រៃវែង មើលរំលង “កាស៊ីណូ” មួយកន្លែងនេះកំពុងបើកចំហរពង្វក់អោយពលរដ្ឋចូលលេងផ្ទុយច្បាប់អនុញាតិមិនបង្រ្កាប។ទុកអោយម្ចាស់ “កាស៊ីណូ “គៀងគរពលរដ្ឋខ្មែរចូលលេងល្បែង ជល់មាន់ និងអាប៉ោងខុសច្បាប់និងល្បែងផ្សេងទៀតយ៉ាងពេញបន្ទុក បង្កអោយ មានអំពើចោរកម្ម ចោរលូច ឆក់ ប្លន់ គាស់ផ្ទះនិងអំពើហិង្សាគ្រួសារកើតមានគួរអោយកត់សម្គាល់ដើមចមចេញពីល្បែងសុីសងនេះ ឯង។
មហាជនក៍ដូចជាប្រជាពលរដ្ឋដាក់ការសង្ស័យថា ប្រហែល ម្ចាស់ “កាស៊ីណូ ” បានផ្ដល់ផលប្រយោជន៍ប្រចាំខែជូន អាជ្ញាធរមាន សមត្ថកិច្ចពាក់ព័ន្ឋក្នុងមូលដ្ឋាន ឃុំ ស្រុក កំពង់ត្របែក ខេត្តព្រៃវែង រួចរាល់អស់ហើយទេដឹង ? បាននាំគ្នារក្សាភាពស្ងៀមស្ងាត់ មិនចាត់វិធានការបង្ក្រាប ដើម្បីសន្តិសុខ សង្គម អោយស្របតាមគោលនយោ បាយភូមិឃុំមានសុវត្ថិភាព ៧ ចំណុច របស់រាជរដ្ឋាភិបាលដែលបានដាក់ចេញអោយអនុវត្តន៍និងស្របតាមបទបញ្ជារ របស់សម្តេចក្រឡាហោម ស ខេង ឧបនាយក រដ្ឋមន្រ្តី រដ្ឋមន្ត្រីក្រសួងមហាផ្ទៃផង។
ដែលបញ្ហានេះលោក ជា សុមេធី អភិ បាលខេត្តព្រៃវែងលោក ព្រំ សុន្ទរ ស្នងការខេត្តព្រៃវែងនិងលោក ឈួន គឹម សាន មេបញ្ជាការកងរាជអាវុធ ហត្ថខេត្តព្រៃវែង បើពិតមិនបានជាប់ពាក់ព័ន្ធផល ប្រយោជន៍នោះទេ? គួរចាត់ វិធានការបង្រ្កាបម្ចាស់កាសុីណូនៅច្រកព្រំដែនស្វាយអាង៉ោង ស្រុកកំពង់ត្របែកដែលបើកចំហរអោយប្រជាពលរដ្ឋខ្មែរចូលលេងនោះអោយមានប្រសិទ្ធ ភាព ៕មានត