ខេត្តព្រៃវែង៖ យោងតាមប្រភពថ្មីៗពីក្រុមអាជីវករជា ច្រើនដែលរកស៊ីដឹកជញ្ជូនទំនិញ និងបន្លែផ្លែឈើ បន្តិច បន្តួចពីប្រទេសវៀតណាមតាមផ្លូវជាតិ លេខ១ បានអំពាវនាវដល់ លោក ឱម យ៉ិនទៀង ប្រធានអង្គភាពប្រឆាំងអំពើ ពុករលួយនិងថ្នាក់ដឹកនាំ ក្រសួងស្ថា ប័នពាក់ព័ន្ធដាក់ការស៊ើបអង្កេតស្រាវ ជ្រាវជុំវិញភាពមិនប្រក្រតីពុករលួយរបស់ លោក ផែន ភឿន ប្រធានគយចល័តផ្ទៃប្រទេសផ្លូវ ជាតិលេខ១ ដែលមានទី់ស្នាក់ការស្ថិតនៅភូមិទួល ល្ពាក់ ឃុំរំចេក ស្រុកព្រះ ស្ដេច ខេត្តព្រៃវែងនិងបក្ខ ពួកឃុបឃិតជាប្រព័ន្ធជា មួយឈ្មួញធំៗជាថ្នូរអនុ ញ្ញាតឲ្យនាំចូលទំនិញ គេចពន្ធទំនិញបង់ពន្ធមិនគ្រប់និងទំនិញខុសច្បាប់បង្កប់តាមរថយន្តក្រុងដឹកអ្នកដំណើរនិងរថយន្តដឹកទំនិញធុនធំមួយចំនួនទៀត ដឹកចេញ ពីប្រទេសវៀតណាមចូលមកក្នុងប្រទេសកម្ពុជា ជាពិសេសដឹកទៅកាន់រាជធានីភ្នំពេញ។
ប្រភពបង្ហើបឲ្យដឹងទៀតថាលោក ផែន ភឿន ត្រូវបានមន្ត្រីរាជការ អាជីវករនិងអ្នក រកស៊ីដឹកទំនិញនិងពលរដ្ឋរស់នៅ ខេត្តព្រៃវែង រិះគន់ថាកំពុងត្រូវប៉ាន់ប្រមូលលុយដាក់ខែពីរថយន្តក្រុងលួចបង្កប់ទំនិញគេចពន្ធ ទំនិញបង់ពន្ធមិនគ្រប់ដោយក្នុងរថយន្ត១គ្រឿងៗ ត្រូវបង់លុយរាប់ពាន់ដុល្លារអាមេរិកក្នុង១ខែ ៗ ជាថ្នូរបើកភ្លើងខៀវមិនឲ្យមន្ត្រីគយរបស់ខ្លួនត្រួត ពិនិត្យនិងមិនផាកពិន័យបង់ពន្ធចូលរដ្ឋជាដើម។ប្រភពបានឲ្យដឹងទៀតថា សូម្បីអាជីវករលក់ម៉ូតូអត់ពន្ធ នៅតាមទីតាំងមួយចំនួននៅទីប្រជុំជនផ្សារអ្នកលឿង ស្រុកពាមរ៍ ក៏តម្រូវឲ្យពួកគេបង់លុយដាក់ខែ ជូនមន្ត្រីគយចល័តផ្ទៃប្រទេស ដឹកនាំដោយ លោក ផែន ភឿន ដោយក្នុង១ខែ ៗ ត្រូវបង់លុយចាប់ពី ៤០០ដុល្លារ ទៅ៦០០ដុល្លារសម្រាប់ហាង ឬទីតាំងលក់ម៉ូតូអត់ពន្ធ១ កន្លែង។
ប្រភពពីពលរដ្ឋស្រុកព្រះស្ដេច ខេត្តព្រៃវែងឲ្យដឹងថា ទីស្នាក់ការគយចល័តផ្ទៃប្រទេសផ្លូវជាតិលេខ១ត្រង់ចំណុច ភូមិទួលល្ពាក់ ឃុំរំចេក ស្រុកព្រះស្ដេច ខេត្តព្រៃវែង ដឹកនាំដោយលោក ផែន ភឿន។ ប្រភពពីក្រុមឈ្មួញដឹកទំនិញ ពីប្រទេសវៀតណាមបានបន្តថា លោក ផែន ភឿន ប្រធានគយចល័តផ្ទៃប្រទេ ស ផ្លូវជាតិលេខ១ កំពុងធ្វើឲ្យឈ្មួញឬពាណិជ្ជករទាំងអ្នករកស៊ីស្រប ច្បាប់និងល្មើសច្បាប់ មិនពេញចិត្តជាខ្លាំង ព្រោះរាល់ថ្ងៃនេះ មន្ត្រីគយចល័តផ្ទៃប្រទេសផ្លូវជាតិលេខ ១ បានដាក់កុងត្រូលជជុះតាមផ្លូវជាតិនេះ និងប្រើរថយន្តសម្រាប់បើកដេញតាម ចាប់រថយន្តដឹកបន្លែផ្លែឈើ និងរថយន្ត ដឹក ទំនិញផ្សេងៗទៀត ដោយបានគាបឈ្មួញនិងអាជីវក ររកស៊ីនាំចូលទំនិញដឹកតាមផ្លូវជាតិលេខ១នេះពីប្រទេសវៀតណាម គាបឲ្យបង់លុយច្រើនៗទៅឲ្យក្រុមខ្លួនជាប្រចាំ ថ្ងៃ និងដាក់ប្រចាំខែ តាមការព្រម ព្រៀង ប៉ុន្តែមិនមានចេញលិខិតស្នាមឬវិក្កយបត្រជូនពួកគាត់នោះទេ។
ប្រភពពីក្រុមឈ្មួញដដែលធ្លាប់រងគ្រោះបានបន្ថែមថាលោក ផែន ភឿន ប្រធានគយចល័តផ្ទៃប្រទេស ផ្លូវជាតិលេខ១ស្រុកព្រះស្ដេចខេត្តព្រៃវែង បានបញ្ជាឲ្យមន្ត្រីជំនាញ ក្រោមឱវាទខ្លួន ចុះគាបលុយពីរបររក ស៊ីដឹកទំនិញបន្លែផ្លែឈើ ដឹកតាមរឺុម៉កម៉ូតូ និងទំនិញផ្សេងៗនាំចូលតាមច្រកទ្វារមួយចំនួននៅ ខេត្តស្វាយ រៀង និងខេត្តព្រៃវែង គឺការផាកពិន័យពីពួកគេ ដោយមន្ត្រីគយចល័តផ្ទៃប្រទេសទាំងនោះ មិនបានចេញ វិក្កយបត្រនោះទេ។
ចំណែកអាជីវករតូចតាចបានឲ្យដឹងទៀតថា សម្រា ប់រ៉ឺម៉កដឹកទំនិញសំពីង សំពោងចេញពីប្រទេសវៀតណាម ឆ្លងកាត់ទីស្នាក់ការគយចល័តផ្ទៃប្រទេសផ្លូវជាតិលេខ១ ក៏ត្រូវក្រុមលោក ផែន ភឿន តម្រូវឲ្យបង់លុយឲ្យមន្ត្រីខ្លួនចំនួន១៥០,០០០រៀល ក្នុងរ៉ឺម៉ក១គ្រឿង រីឯរ៉ឺម៉កម៉ូតូដឹកបន្លែវិញ គឺត្រូវលោកគយចល័តផ្ទៃប្រទេសនោះតម្រូវឲ្យបង់លុយជូនចាប់ពី ៣ ទៅ ៥ម៉ឺនរៀល ក្នុងការដឹក១ជើងៗ និងសម្រាប់រថយន្តសាំយ៉ុងដឹកបន្លែផ្លែឈើវិញ គឺត្រូវបង់ចាប់ពី ៨ទៅ១៥ម៉ឺនរៀល ក្នុង១គ្រឿង។
ប្រភពបានបន្ថែមឲ្យដឹងទៀតថា ចំណែកលោក មួង ដារ៉ា ប្រធានសាខាគយនិងរដ្ឋាករខេត្តព្រៃវែងនៅចំណុចផ្លូវជាតិ១ ដែលស្ថិតក្នុងភូមិព្រៃខ្លា ឃុំកំពង់សឹង្ហ ស្រុកព្រះស្ដេចខេត្តព្រៃវែង ក៍ត្រូវមហាជនរិះគន់យ៉ាងចាស់ដៃណាស់ដែរដោយលោកប្រើមន្រ្តីគយឬក៍សន្តិសុខយាមខាងមុខចាំយក លុយពីឡានដឹកទំនិញឆ្លងកាត់ចូលបង់លុយដោយគ្មានចេញវិកយ័បត្រ័នោះទេ។ដូច្នេះលោក មួង ដារ៉ា មេសាខាគយនិងរដ្ឋាករខេត្តព្រៃវែង មិនគួរបណ្ដែតបណ្តោយឲ្យឈ្មួញដឹកទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់បង្កប់តាមរថយន្តតូច.ធំ.រថយន្តក្រុង.និងទំនិញផ្សេងៗជាច្រើនប្រភេទទៀតតាមអំពើចិត្តហើយគេមិនដែលឃើញលោកគយ ឆែកឆេឬត្រួត ពិនិត្យលើមុខទំនិញណាឡើយគេសង្កេតឃើញតែលោកគយអង្គុយចាំយកលុយពីព្រូនិងតៃកុងឡានចុះចូលទៅបង់លុយអោយតែប៉ុណ្ណោះគ្មានវិក្កយបត្រអ្វីទាំងអស់។
ដែលបញ្ហាខាងលើប្រជាពលរដ្នសូមអំពាវនាវដល់លោកបណ្ឌិតសភាចារ្យ អូន ពន្ធ័មុន្នីរត្ន័ រដ្ឋមន្ត្រីក្រសួងសេដ្ឋ កិច្ចនិង ហិរញ្ញវត្ថុនិងលោកបណ្ឌិត គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មេត្តាពិនិត្យមើលលោក មួង ដារ៉ា មេសាខាគយខេត្តព្រៃវែងនិងលោក ផែន ភឿន ប្រធានគយចល័តផ្ទៃប្រទេសផងទាន! ។ ពាក់ព័ន្ធនូវការរិះគន់ខាងលើគេហទំព័រ (www. enn-tv.com) យើងខ្ញុំរងចាំនូវពន្យល់បកស្រាយពីលោក មួង ដារ៉ា មេសាខាគយខេត្តព្រៃវែងនិងលោក ផែន ភឿន ប្រធាន គយចល័តផ្ទៃប្រទេសផ្លូវជាតិលេខ១ រាល់ម៉ោងធ្វើការ៕
លោក ផែន ភឿន ប្រធានគយចល័តផ្ទៃប្រទេសផ្លូវជាតិលេខ១ ទីស្នាក់ការស្ថិតក្នុងភូមិទួលល្ពាក់ ឃុំរំចេក ស្រុកព្រះស្ដេច ខេត្តព្រៃវែងនឹងបក្ខពួករងការរិះគន់ពីមហាជនប្រព្រឹត្តអំពើពុកលួយ.!
Filed in: សង្គម
