កំពង់ចាម ៖ មហាជនក៍ដូចប្រជាពល រដ្ឋកំពុងមានចម្ងល់ដូចៗគ្នាថា តើបុគ្គលឈ្មោះ វ៉ាន់ ជាម្ចាស់ទីតាំងសង្វៀនល្បែងស៊ីសងជល់មាន់ បៀ និងអាប៉ោងខុសច្បាប់មួយកន្លែងនេះមានអំណាចធំជាងអាជ្ញាធរសមត្ថកិច្ចមូលដ្ឋានស្រុកស្ទឹងត្រង់មែនឬ?បានសមត្ថកិច្ចនិងអាជ្ញាធរមូលដ្ឋានមិនហ៊ានបង្រ្កាបពិតជាអំណាចល្បែងធំមិនធម្មតាទេ។ទីតាំងលេងសម្រាប់ផ្លាស់ប្ដូរល្បែងមាន៣កន្លែង៖ទី១/ចំណុចចំការកៅស៊ូ ស្ថិតនៅភូមិគីឡូបី ទី២/នៅភូមិព្រះ ទី៣/ស្ថិតនៅភូមិអណ្ដូងស្វាយ ទីតាំងទាំង៣នេះស្ថិតនៅក្នុងទឹកដីឃុំព្រែកក់ ស្រុកស្ទឹងត្រង់ ខេត្តកំពង់ចាមដដែល នៅតែបន្តបើកលេងបានយ៉ាងសកម្មជារៀង រាល់ថ្ងៃ ទោះបីសារព័ត៌មានក្នុងស្រុកច្រើនអង្គភាពបានចុះផ្សាយជាបន្តបន្ទាប់ពីសកម្មភាពល្បែងសុីសងយ៉ាងណាក្តីក៍ទីតាំងមួយនេះនៅតែបន្តបើកលេងគគ្រឹកគគ្រេងដដែល ។ ចំណែកលោកវរសេនីយ៍ ឯក ឯម វឌ្ឍនា អធិការនគរបាលស្រុកស្ទឹងត្រង់ មិនហ៊ានចាត់វិធានការក្នុងការបង្ក្រាបនោះទេ បណ្តោយអោយសង្វៀនល្បែងខុស ច្បាប់មួយនេះបើកលេងយ៉ាងអនាធិប តេយ្យ ហើយជាប្រភពចំណូលផងដែរ ។
ប្រភពប្រជាពលរដ្ឋរស់នៅមូលដ្ឋានបានបង្ហើបថាម្ចាស់ទីតាំងល្បែងឈ្មោះវ៉ាន់នេះកំពុងកៀងគរក្រុមញៀនល្បែង មកជួបជុំគ្នាលេងល្បែងស៊ីសងជល់មាន់ និងអាប៉ោងខុសច្បាប់ លើទឹកដី ឃុំព្រែកកក់ ស្រុកស្ទឹងត្រង់ នៅតែបន្ត បើកលេងបានទៅដោយរលូន! គេសង្ស័យថា ឈ្មោះវ៉ាន់ ម្ចាស់សង្វៀនល្បែងសុីសងខុសច្បាប់បានផ្ដល់ផលប្រយោជន៍ ដល់សមត្ថកិច្ច អាជ្ញាធរជាថ្នូរមិនធ្វើការបង្រ្កាប។
សង្វៀនមួយកន្លែងនេះនាំគ្នាបើកលេង ជល់មាន់ និងអាប៉ោងខុសច្បាប់ ភ្នាល់ចាក់លុយចាញ់ឈ្នះរាប់លាន រៀល) រាប់ពាន់ដុល្លារពិសេសអាប៉ោងសុីសាច់ ហុតឈាមនៅក្នុងសង្វៀនមួយនេះស្រែកហ៊ោយ៉ាងសប្បាយហាក់បីដូចមិនខ្លាចអ្វីទាំងអស់។ មហាជនបាន រិះគន់ អាជ្ញាធរមានសមត្ថកិច្ចមូលដ្ឋាន ស្រុកស្ទឹងត្រង់ ខេត្តកំពង់ចាម មិនគួរបណ្តែត បណ្តោយធ្វើព្រងើយមិនមានចំណាត់ការបង្ក្រាបទាល់តែសោះពួកគាត់ប្រជាពលរដ្ឋក្នុងមូលដ្ឋាននេះកំពុងមាន ការព្រួយបារម្ភភ័យខ្លាចអំពើចោរកម្ម លួច ឆក់ ប្លន់ គាស់ផ្ទះនិងអំពើហិង្សាក្នុងគ្រួសារ កើតមានគួរអោយកត់សម្គាស់ដើមចមកើតចេញពីល្បែងសុីសងនេះឯង។
ប្រជាពលរដ្ឋក្នុងមូលដ្ឋានសូមអំពាវ នាវដល់លោកនាយឧត្តសេនីយ៍សន្តិបណ្ឌិត នេត សាវឿន អគ្គ ស្នងការនគរបាលជាតិមេត្តាពិនិត្យមន្រ្តីថ្នាក់មូលដ្ឋានបណ្ដោយអោយមានល្បែង សុីសងរបស់ខ្លួនមិនបង្រ្កាប។
ពាក់ព័ន្ធសង្វៀនមាន់ជល់បៀ អាប៉ោង សុីសងខុសច្បាប់ មួយនេះប្រជាពល រដ្ឋដែលរស់នៅក្នុងមូលដ្ឋាន ឃុំ ស្រុក ខេត្ត ខាងលើសូមអំពាវនាវដល់ លោក អ៊ុន ចាន់ដា អភិ បាលខេត្តកំពង់ចាម លោកឧត្តម សេនីយ៍ទោ ឯម កុសល់ ស្នងការនគរបាលខេត្តកំពង់ចាម រួមទាំងលោកឧត្តមសេនីយ៍ត្រី សោ សា វឿន មេបញ្ជាការកងរាជ អាវុធហត្ថខេត្តកំពង់ចាម គួរតែមានវិធានការចាត់កម្លាំងជំនាញ ចុះធ្វើការបង្ក្រាបសង្វៀនជល់មាន់ បៀ និងអាប៉ោងខុសច្បាប់មួយកន្លែងដែលម្ចាស់ឈ្មោះវ៉ាន់ កំពុងបើកលេងនៅក្នុងមូលដ្ឋាន ភូមិ ឃុំ ខាងលើ ចល័តពីកន្លែងមួយទៅកន្លែងមួយទៀតដើម្បីអោយស្របតាម គោលនយោបាយភូមិ ឃុំ មានសុវត្ថិ ភាពទាំង៧ ចំណុច របស់រាជរដ្ឋាភិបា ល ដែលបានដាក់ចេញអោយអនុវត្តន៍និងស្រប តាមបទបញ្ជាររបស់សម្តេចក្រឡាហោម ស ខេង ផងទាន៕មានត
សង្វៀនជល់មាន់បៀនិងអាប៉ោងខុសច្បាប់លើទឹកដី ស្រុកស្ទឹងត្រង់បើកចល័តលេងពីឃុំមួយទៅឃុំមួយទៀតគឺជាប្រភពចំណូលរបស់អាជ្ញាធរមានសមត្ថកិច្ចមូលដ្ឋាន.!
Filed in: សង្គម