ខេត្តត្បូងឃ្មុំ៖ ប្រភពពីក្រុមឈ្មួញ និងអាជីវករដែលនាំចូលបន្លែផ្លែឈើពីស្រុកយួន តាមច្រកត្រពាំងផ្លុង បានបង្ហើបអោយដឹងថា សម្រាប់បន្លែផ្លែ ឈើ១រ៉ឺម៉ក ត្រូវបង់លុយចាប់ពី៥ម៉ឺនរៀល ទៅ៨ម៉ឺនរៀល រីឯរថយន្តសាំយ៉ុងត្រូវបង់ចាប់ពី១០ម៉ឺនរៀល ទៅ១២ម៉ឺនរៀល តាមការ កំណត់របស់លោកនាយប៉ុស្តិ៍នគរបាលអន្តោប្រវេ សន៍ច្រកទ្វារព្រំដែនអន្តរជាតិត្រពាំងផ្លុង ជាកំហិត។
បើតាមប្រភពពីក្រុមឈ្មួញនិងអាជីវករបានបង្ហើបថាលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងគាបយកលុយពីពួកគាត់ដោយគ្មានការ យោគយល់ឡើយ ហើយឈ្មួញធំៗអាចនាំចូលទំនិញគេចពន្ធ និងទំនិញបង់ពន្ធមិនគ្រប់តាមអំពើចិត្ត។
ដូច្នេះហើយទើបក្រុមឈ្មួញនិងអាជី វករអំពាវនាវដល់ថ្នាក់ដឹកនាំក្រសួងមហាផ្ទៃ ជាពិសេសលោក នាយឧត្ដមសេនីយ៍ គៀត ចន្ថារិទ្ធ អគ្គនាយកនៃអគ្គនាយកដ្ឋាននគរបាលអន្តោប្រវេស ន៍ មេត្តាចាត់វិធានការទប់ស្កាត់អំពើពុករលួយរបស់លោក ស ថេន និងបក្ខពួកជាបន្ទាន់ផង។
ប្រភពពីក្រុមឈ្មួញដដែលបានបន្តអោយទៀតថា ទំនិញនាំចូលពីស្រុកយួន តាមច្រកទ្វារព្រំដែនអន្តរជាតិត្រពាំងផ្លុងប្រឈមនឹងកាលំបាកកាន់ តែខ្លាំងដោយ សារសមត្ថកិច្ចច្រើនស្ថាប័នគាបយកលុយលើតុក្រោមតុច្រើនៗ ធ្វើអោយពួកគាត់ជួបហានីភ័យខ្លាំងជាងពេលមុនៗ។
ហេតុនេះសូមអំពាវនាវដល់ លោកនាយឧត្តមសេនីយ៍ គៀត ចន្ថារិទ្ធ អគ្គនាយកនៃអគ្គនាយកដ្ឋានអន្តោប្រវេ សន៍ ទប់ស្កាត់អំពើពុករលួយ របស់លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិត្រពាំងផ្លុងខ្លះផងទាន ។ដោយហេតុថាមួយ រយៈចុងក្រោយនេះលោក ស ថេន និងបក្ខពួកអង្គុយចាំរាប់ក្បាលរថយន្តដឹក ទំនិ ញពីស្រុកយួនចូលមកស្រុកខ្មែរ គាបយកលុយតាមអំពើចិត្ត ហើយគ្មានឈ្មួញឬអាជីវករណាហ៊ានតវ៉ាជាមួយលោក ស ថេន បានឡើយ។
ប្រភពមន្រ្តីដែលស្និតលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងបានបង្ហើបអោយដឹងទៀតថា ដោយសារអាងមានខ្នងបង្អែករឹងមាំនៅក្នុងអគ្គនាយកដ្ឋាននគរបាលអន្តោប្រវេសន៍ ទើបលោក ស ថេន ហ៊ានធ្វើអ្វីៗតាមអំពើចិត្តដោយគ្មានញញើតអ្វីទាំងអស់។
ចំណែកលោក ម៉ុន មាគ៌ា ស្នងការនគរ បាលខេត្តត្បូងឃ្មុំ និងលោក ជាម ច័ន្ទសោភ័ណ អភិបាល ខេត្តត្បូងឃ្មុំ មិនហ៊ានប៉ះពាល់លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងនោះទេ ព្រោះដឹងថាលោក ស ថេន មានខ្នងបង្អែកក្រាស់គ្រែលនោះ។ បើទោះបីភាពមិនប្រក្រតីពុករលួយច្រើនបែបច្រើនយ៉ាងរបស់លោក ស ថេន ត្រូវបានលាតត្រដាងជាបន្តបន្ទាប់យ៉ាង ណាក៏ ដោយគឺលោក ម៉ុន មាគ៌ា ស្នងការនគរបាលខេត្តត្បូងឃ្មុំ និងលោក ជាម ច័ន្ទសោភ័ណ អភិបាលខេត្តត្បូង ឃ្មុំ សម្ងំស្ងៀមស្ងាត់ឈឹងតែម្ដង។
ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងនូវការពន្យល់បកស្រាយពីលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុង រាល់ម៉ោងធ្វើការ៕មានត
លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិត្រពាំងផ្លុង សប្បាយប្រមូលលុយពីក្រុមឈ្មួញតូចធំដឹកទំនិញឆ្លងដែនពីស្រុកយួនចូលមកស្រុកខ្មែរតាមរបៀបអំពើពុករលួយ.!
Filed in: សង្គម
