ស្វាយរៀង៖ ប្រភពពីមន្រ្តីនៅច្រកព្រំ ដែនទ្វេភាគីបុសមន ស្រុករំដួល ខេត្តស្វាយរៀង បានបង្ហើបអោយដឹងថា ឈ្មួញទាំងធំទាំងតូច នៅតែនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកមួយនេះយ៉ាងពេញបន្ទុកដោយមានការបើកដៃ ពីសំណាក់លោកឃុត សាលីន ប្រធានការិយាល័យគយច្រកបុសមន ដែលល្បីខាងពុករលួយ។ ហេតុដែលលោក ឃុត សាលីន មិនញញើតក្នុងការប្រើតួនាទី និងអំណាច ដើម្បីប្រមូលលុយតាមរបៀបពុករលួយ គឺដោយសារអាងមានលោក ហេង សំបូរ ប្រធានសាខា គយខេត្តស្វាយរៀង ជាបង្អែកដ៏រឹងមាំផងដែរ។ ទើបលោក ឃុត សាលីន អាចដំណើរការយ៉ាងរលូនអស់រយៈពេលច្រើនឆ្នាំមកហើយនោះគឺមាន ការរួមដៃពីសំណាក់លោក គង់ ណារិន្ទ នាយប៉ុស្តិ៍នគរបាលច្រកព្រំដែនទ្វេភាគីបុសមនដែលមានខ្នងបង្អែកក្រាស់ដូចគ្នា។
ប្រភពពីមន្រ្តីគយនៅក្នុងខេត្តស្វាយរៀង បានបង្ហើបអោយដឹងថា ចាប់តាំងពីលោក ហេង សំបូរ ទទួលបានតំណែងជាប្រធានសា ខាគយខេត្តស្វាយរៀង នៅថ្ងៃទី06 ខែកក្កដា ឆ្នាំ2020 រហូតមកដល់បច្ចុប្បន្នគឺលោក ហេង សំបូរ មិនចាត់វិធានការទប់ស្កាត់អំពើពុករលួយរបស់ លោក ឃុត សាលីន នោះទេ។ ផ្ទុយទៅវិញលោក ហេង សំបូរ បណ្ដោយអោយលោក ឃុត សាលីន ប្រធានការិយាល័យគយច្រកបុសមន ប្រព្រឹត្តអំពើពុករលួយ កាន់តែខ្លាំងក្លា ជាងពេលមុនៗ។ ដូច្នេះ ហើយទើបលោក ឃុត សាលីន បើកដៃឲ្យឈ្មួញទាំងធំទាំងតូច នាំចូលទំនិញ គេចពន្ធទំនិញ បង់ពន្ធមិនគ្រប់ និងទំនិញខុសច្បាប់ ពីស្រុកយួន តាមច្រកបុសមន យ៉ាងគំហុក។
ប្រភពមន្រ្តីនៅច្រកព្រំដែនទ្វេភាគីបុស មនដដែល បានអោយដឹងទៀតថា ច្រើនឆ្នាំកន្លង ទៅនេះលោក ឃុត សាលីន ប្រធានការិយាល័យគយច្រកបុសមន និងលោក គង់ ណារិន្ទ នាយប៉ុស្តិ៍នគរបាលច្រកព្រំដែនទ្វេភាគីបុស មនរួមដៃគ្នាប្រព្រឹត្តអំពើពុករលួយយ៉ាងពេញទំហឹង។
ប្រភពបានបន្តទៀតថា ទំនិញដែលឈ្មួញធំៗនាំ ចូលតាមច្រកបុសមន បង់ ពន្ធត្រឹម៤០/៥០ភាគរយប៉ុណ្ណោះហើយក្រៅពីនេះក្រុមឈ្មួញបែងចែក ផលប្រយោជន៍ជាមួយលោក ឃុត សា លីន និងលោកគង់ ណារិន្ទ យ៉ាងរលូន ។ ដូច្នេះលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញាវត្ថុ លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា គួរពិនិត្យឡើងវិញខ្លះផង។មានត
លោក ឃុត សាលីន ប្រធានការិយាល័យច្រកព្រំដែនទ្វេភាគីបុសមននិងលោក គង់ ណារិន្ទ នាយប៉ុស្តិ៍នគរបាលអន្តោប្រវេសន៍ច្រកព្រំដែនទ្វេភាគីបុសមន បើកដៃអោយឈ្មួញនាំទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់យ៉ាងពេញបន្ទុក.!
Filed in: សង្គម