នាយករដ្ឋមន្ត្រីនៃកម្ពុជាបានប្រកាសឱ្យអ្នក ដែលបន្លំធ្វើជាជនរងគ្រោះហើយពាក់អាវស្លាកគណបក្សប្រជាជនកម្ពុជាក្នុងរឿងដីធ្លីនៅខេត្តព្រះសីហនុ ចូលខ្លួនទៅសារភាពកំហុសជាបន្ទាន់ បើមិនចង់មានដីកាតាមចាប់ខ្លួន.!

ភ្នំពេញ៖ បន្ទាប់ពីតាមដានស្រាវជ្រាវព័ត៌មានរួចមកសម្ដេចហ៊ុន សែននាយករដ្ឋមន្ត្រីនៃកម្ពុជាបានប្រកាស ឱ្យអ្នក ដែលបន្លំធ្វើជាជន រងគ្រោះហើយពាក់អាវស្លាកគណបក្សប្រជា ជនកម្ពុជាក្នុងរឿងដីធ្លីនៅខេត្តព្រះសី ហនុ ចូលខ្លួនទៅសារភាពកំហុសជាបន្ទាន់បើមិនចង់មានដីកាតាមចាប់ខ្លួន។ការប្រកាសរបស់សម្តេចហ៊ុន សែន នេះបន្ទាប់ពីសម្តេចទទួលបានព័ត៌មានការពីការផ្សាយឡាយរបស់សារព័ត៌មានមួយដែលអ្នកបន្លំនោះមានពាក់អាវគណបក្សប្រជាជនកម្ពុជា ។ ថ្លែងក្នុងឱកាសអញ្ជើញ ប្រគល់សញ្ញាបត្រ ជូននិស្សិតសាកលវិទ្យា ល័យពុទ្ធិសាស្ត្រ នារព្រឹកថ្ងៃទី១៧ ខែសីហា ឆ្នាំ២០២២ នៅមជ្ឈមណ្ឌលសន្និបាត និង ពិព័រណ៍ជ្រោយចង្វារ រាជធានីភ្នំពេញសម្តេចហ៊ុន សែន បានគូសបញ្ជាក់ថា អ្នកដែលកំពុង ស្រែករកយុត្តិធម៌រឿងដីធ្លីនៅព្រះសី ហនុ បើមើលឱ្យមែនទែនទៅដំបូងយើងថារឿងអយុត្តិធម៌ ។ក៏ប៉ុន្តែធាតុពិតគាត់នេះកំពុងតែបោកប្រាស់យើង ហើយពាក់អាវគណបក្សប្រជាជនកម្ពុជាទៀត។ សម្ដេចលើកឡើងថា អ្នកដែលបន្លំនោះ ឥឡូវនេះគាត់រត់គេចខ្លួនបាត់ ។ សម្ដេចតេជោ ក៏បានណែនាំឱ្យជនដែលបន្លំខ្លួននោះ ទៅ ជួបជាមួយឯកឧត្តម គួច ចំរើន អភិ បាលខេត្តព្រះសីហនុ ដើម្បីឱ្យគេទទួលខុសត្រូវថាគេបានប្រព្រឹត្តនូវកំហុសពិតប្រាកដនៃការកាប់ទន្ទ្រានដីព្រៃ ។សម្ដេចនាយករដ្ឋមន្ត្រីបញ្ជាក់យ៉ាងដូច្នេះថា៖«ខ្ញុំសន្យាឱ្យតែអ្នកឯងចូលខ្លួនទៅនិយាយគ្នាឱ្យច្បាស់លើរឿងនេះ ឥឡូវសុំទៅ បើមិនទៅទេប្រយ័ត្នមានដីកាចាប់ខ្លួន។ ឥឡូវខ្ញុំទទួលបានហើយ ខ្ញុំបានបញ្ជូនតាំងពីម្សិល ហើយខ្ញុំបានណែនាំទៅ គួច ចំរើន គាត់លូនក្រាបៗពាក់អាវគណបក្សប្រជាជន ទៀត» ។សម្ដេចបន្ថែមថា ជាទម្លាប់របស់សម្ដេច គឺសម្ដេច មានប្រភពតាមដាន ក្រៅពីនោះ ។ ដោយដំបូងសម្ដេចគិតថាគាត់មានរឿងអយុត្តធម៌ យ៉ាងហោច ណាស់យើងបានស្រាវ ជ្រាវ ។ប៉ុន្តែការទទួលខុសត្រូវចំពោះមុខច្បាប់ ត្រូវតែមាន ព្រោះអ្នកឯងបានបំផ្លិចបំផ្លាញ ធ្វើជាមេខ្លោងរុញមនុស្សទៅកាប់ទន្ទ្រានដីព្រៃ ។សម្ដេចតេជោ គូសបញ្ជាក់បន្ថែមទៀតថា មេខ្លោងដែលជំរុញឱ្យមនុស្ស ទៅកាប់ទន្ទ្រាន យកដី កំពុងជាប់ឃុំ ។ ពេលមេខ្លោង ទៅទទួលខុសត្រូវរួចហើយគឺឱ្យនៅក្រៅឃុំ ព្រោះមិនទាន់ដល់ដំណើរការរឿងក្ដី នៅក្នុងតុលាការទេ ដែលយើងអាចឈានទៅដល់ការលើកលែងការ ចោទប្រកាន់។ក្នុងឱកាសនោះដែរសម្ដេចតេជោនាយករដ្ឋមន្ត្រីបានថ្លែងឱ្យដឹងទៀតថាសម្ដេចមានវិធិតាមដានការងារ ក្រៅពីប្រព័ន្ធរបស់រដ្ឋ ដែលរាយការណ៍ ហើយសម្ដេចក៏នៅទទួលបាន ការផ្ដល់មតិ ដោយមធ្យោបាយ នៃប្រព័ន្ធផ្សព្វផ្សាយ និងមធ្យោបាយផ្សេងៗទៀត ៕