លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេសចេញបទបញ្ជាបន្ទាន់អោយបើកការស៊ើបអង្កេតករណីប្រតិបត្តិការបង្ក្រាបបទល្មើសរហូតបណ្តាលអោយបុរសម្នាក់ស្លាប់ នៅខេត្តកំពង់ធំ.!

ភ្នំពេញ៖ លោកនាយឧត្តម សេនីយ៍ សៅ សុខា អគ្គមេបញ្ជាការរង នៃកង យោធពលខេមរភូមិន្ទ និងជាបញ្ជាការងកងរាជអាវុធហត្ថលើផ្ទៃប្រទេស នៅថ្ងៃទី០៩ ខែសីហា ឆ្នាំ២០ ២២ នេះ បានបញ្ជាជាបន្ទាន់ដល់មន្ត្រីជំនាញ កងរាជអាវុធហត្ថបើកការស៊ើបអង្កេតលើករណីប្រតិបត្តិការចុះបង្ក្រាបបទ ល្មើសមួយនៅខេត្តកំពង់ធំ រហូតអោយបុរសម្នាក់បាត់បង់ជីវិត។
លោកនាយឧត្តមសេនីយ៍ សៅ សុខា បានបញ្ជាទៅមេញ្ជាការកងរាជអាវុធហត្ថខេត្តកំពង់ធំ អោយផ្អាកការងារចំពោះមន្ត្រីអនុវត្តន៍ច្បាប់ក្នុងករណីនេះជាបណ្តោះអាសន្ន ហើយអោយស្ថិត នៅក្នុងបន្ទាយអាវុធហត្ថ រងចាំការស៊ើបអង្កេត និងលោកបាន សម្រេចបង្កើតគណៈ កម្មការចំពោះកិច្ចអោយចុះទៅស្រាវជ្រាវជាបន្ទាន់ថាតើជនរងគ្រោះស្លាប់ដោយ សារមន្ត្រីអនុវត្តន៍ច្បាប់ ឬក៏ស្លាប់ដោយករណីអ្វីផ្សេង បើសិនរកឃើញជនរង គ្រោះស្លាប់ដោយសារមន្ត្រីអនុវត្តន៍ច្បាប់មែនោះ  គឺត្រូវចាត់វិធានការតាមច្បាប់មិនលើកលែងអោយជាដាច់ខាត។
លោកនាយឧត្តមសនីយ៍ សៅ សុខា បានបញ្ជាក់យ៉ាងដូច្នេះថា «ការិយា ល័យ នាយការិយាល័យអធិការកិច្ច ស្នងការ ស្នងការដ្ឋានកសាងកម្លាំង រួមជាមួយនឹងស្នងការ ស្នងការដ្ឋានស្រាវ ជ្រាវ និងបង្ក្រាបបទល្មើសដែលទាក់ ទងទៅនឹងការអនុវត្តន៍នូវនីតិវិធី ដឹក នាំកិច្ចការស្រាវជ្រាវនេះដោយស្នងការ ស្នងការ ស្រាវជ្រាវ និងបង្ក្រាប បទ ល្មើសចុះ ទៅធ្វើអធិការកិច្ចទៅត្រួត ពិនិត្យ រកអំពីមូលហេតុពិតករណីស្លាប់ប្រជាជននៅខេត្តកំពង់ធំ»។
លោកនាយឧត្តសេនីយ៍ បានបញ្ជាក់ទៀតថា «ថ្ងៃនេះ ខ្ញុំនឹង ធ្វើសេចក្ដី សម្រេចចេញបទបញ្ជាអោយអស់ លោកចុះទៅស្រាវជ្រាវហើយខេត្តកំពង់ធំ ត្រូវសហការរឿងនេះអោយបានពិតប្រាកដស៊ីជម្រៅ កំហុសនៅលើអ្នកណា ដែលបានប្រព្រឹត្តត្រូវឃាត់ខ្លួនអ្នកនឹងភ្លាម ឥឡូវនៅចំពោះមុខ ខ្ញុំសុំឃាត់មនុស្សទាំងដែលមានការពាក់ព័ន្ធ អ្នកដែលចុះទៅអនុវត្តរង់ចាំការស្រាវជ្រាវ» ។
បើតាមនាយឧត្តមសេនីយ៍ សៅ សុខា បើការស្រាវជ្រាវរកឃើញថា អ្នកដែលបានស្លាប់ ដោយសារតែទារុណ កម្មរបស់កងរាជអាវុធហត្ថ បុគ្គលណាអ្នកប្រព្រឹត្ត គឺត្រូវតែកសាងសំណុំរឿងអនុវត្តច្បាប់ចំពោះបុគ្គលនោះ ដោយគ្មានការយោគ យល់នោះទេ។
ក្នុងនាមជាមេបញ្ជាការកងរាជអាវុធហត្ថលើផ្ទៃប្រទេស នាយឧត្តមសេនី យ៍ សៅ សុខា បានសង្កត់ធ្ងន់ៗថា «មិនអោយនរណាម្នាក់ធ្វើអ្វីស្រេកតែចិត្តនោះទេ ព្រោះមន្ត្រីសុទ្ធតែកូនប្រជាជន»។
បទបញ្ជារបស់ លោក នាយឧត្តមសេនីយ៍ សៅសុខា ខាងលើនេះ បានធ្វើឡើងភ្លាមៗ ក្រោយមានការចែក ចាយព័ត៌មានលើបណ្តាញសង្គមហ្វេសប៊ុក ករណីប្រជាពលរដ្ឋម្នាក់ឈ្មោះ សួង ឌ័ន អាយុ៤៧ឆ្នាំ រស់នៅភូមិរូង ឃុំក្រវ៉ា ខេត្តកំពង់ធំ បានស្លាប់ ក្នុងប្រតិបត្តិការកម្លាំងអាវុធហត្ថចុះទៅបង្ក្រាបបទល្មើសល្បែងជល់មាន់តាម អនឡាញមួយ ហើយត្រូវបានក្រុមគ្រួសារជនរងគ្រោះចោទថា បណ្តាលមកពីកម្លាំងអាវុធហត្ថ៕