ត្បូងឃ្មុំ ៖ ប្រភពពី ក្រុមឈ្មួញ និងអាជីវករដឹកទំនិញឆ្លងកាត់ច្រកដូនរ័ត្នបានបង្ហើបអោយដឹងថា លោក នូ និច នាយប៉ុស្តិ៍នគរបាលច្រកដូនរ័ត្ន អាចប្រព្រឹត្តអំពើពុករលួយយ៉ាងសុខស្រួលដោយសារមាន ការរួមដៃពីសំណាក់ មេស្នាក់ការច្រកដូនរ័ត្ននិងសំណាក់មេការិយាល័យគយប្រចាំច្រកដូនរ័ត្នផង ដែរ។ បើគ្មានការឃុបឃិតជាប្រព័ន្ធទេ គឺលោក នូ និច នាយប៉ុស្តិ៍នគរបាលច្រកដូនរ័ត្ន មិនអាចប្រព្រឹត្តអំពើ ពុករលួយតាមអំពើចិត្តបាននោះទេ។ ក្រុមឈ្មួញ និងអាជីវករនាំចូលទំនិញពីស្រុកយួន តាមច្រកដូនរ័ត្ន បានបន្តអោយដឹងទៀតថា បើទោះបីពួកគេនាំចូលទំនិញបង់ពន្ធគយត្រឹមត្រូវយ៉ាង ណាក៏ចៀសមិនផុតពីបង់លុយលើតុក្រោមតុ តាមការកំណត់របស់លោក នូ និច ផងដែរ។
បើតាមប្រភពពីមន្រ្តីច្រកដូនរ័ត្ន ស្រុកមេមត់ ខេត្តត្បូងឃ្មុំអត់លិតបានអោយដឹងថា មកដល់ពេលនេះលោក នូ និច នាយប៉ុស្តិ៍នគរបាលច្រកដូនរ័ត្ន នៅតែប្រើតួនាទី និងអំណាចប្រមូលលុយតាមរបៀបពុក រលួយដោយគ្មាន ញ ញើតអ្វីទាំងអស់។ ក្រុមឈ្មួញដដែល ដែលនាំចូលទំនិញពីស្រុកយួនតាមច្រកដូនរ័ត្នក៏ដូចជាក្រុមឈ្មួញធ្វើអាជី វកម្មនាំចេញជ័រកៅស៊ូស្អុយ អុស ធ្យូង និងកសិផលផ្សេងៗតាមច្រកដូនរ័ត្ន ជាប្រភពចំណូលដ៏សំខាន់របស់លោក នូ និច នាយប៉ុស្តិ៍នគរបាលច្រកដូនរ័ត្ន ដែលមានខ្នងបង្អែករឹងមាំ។ ចំណែកលោក ម៉ុន មាគា៍ ស្នងការនគរបាលខេត្តត្បូងឃ្មុំ និងលោក ជាម ច័ន្ទសោ ភ័ណ អភិបាល ខេត្តត្បូងឃ្មុំ បានរក្សាភាពស្ងៀមស្ងាត់ ទុកអោយលោក នូ និច ធ្វើអ្វីៗតាមអំពើចិត្ត ។
ប្រភពមន្រ្តីនៅច្រកដូនរ័ត្នដដែលបានបង្ហើបថា ក្រុមឈ្មួញនិងអាជីវករដែលនាំចេញជ័រកៅស៊ូស្អុយ នាំចេញឈើ អុសធ្យូងនិងកសិផលផ្សេងៗទៅស្រុក យួន តាមច្រកដូនរ័ត្ន គឺជាប្រភពចំណូ លដ៏ធំរបស់លោក នូ និច ព្រោះថាឈ្មួញណាៗមិនអាចរំលងលោក នូ និច បានទេ។ទន្ទឹមនឹងនេះក្រុមឈ្មួញដែលនាំចូលទំនិញគេចពន្ធ ទំនិញបង់ពន្ធមិនគ្រប់ និង ទំនិញខុសច្បាប់ ពីស្រុកយួនក៏ដូចជាការនាំ ចូល មាន់ត្រី បន្លែ ផ្លែឈើ ដូង ធូរេន សាវម៉ាវ ជា ដើម ក៏ជាប្រភពចំណូលរបស់លោក នូ និច និងមន្រ្តីប្រចាំច្រកដែលកំពុងតែល្បីល្បាញខាងពុករលួយផងដែរ។ ដូច្នេះថ្នាក់ដឹកនាំក្រសួង ស្ថាប័នពាក់ព័ន្ធ មិនគួរប ណ្ដែតបណ្ដោយ ត ទៅ ទៀតនោះទេ ព្រោះអំពើពុក រលួយរបស់លោក នូ និច នាយប៉ុស្តិ៍នគរ បាលច្រកដូនរ័ត្ននិងសមត្ថកិច្ចជំនាញពាក់ព័ន្ធប្រចាំនៅច្រកនេះ ត្រូវបានលាតត្រដាង។
ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរង ចាំនូវការពន្យល់បកស្រាយពីលោក នូ និច នាយប៉ុស្តិ៍នគរបាលច្រកដូនរ័ត្ននិងមន្រ្តីពាក់ព័ន្ធប្រចាំច្រក រាល់ម៉ោងធ្វើការ ៕មានត