សង្វៀនមាន់ជល់បៀអាប៉ោងខុសច្បាប់ស្ថិតនៅភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ បើកលេងគគ្រឹកគគ្រេង អាជ្ញាធរសមត្ថកិច្ចមូលដ្ឋានមិនហ៊ានបង្រ្កាប សង្ស័យឆ្នាំងបាយ.!

ភ្នំពេញ ៖ ទោះបីប្រព័ន្ធផ្សព្វផ្សាយបានចុះផ្សាយពាក់ព័ន្ធទីតាំងល្បែងល្បែង សុីសងជល់មាន់.អាប៉ោងខុសច្បាប់កំពុងបើកលេងយ៉ាងពពាក់ពពូនតាមបណ្តោយផ្លូវ៣០.c នៅចំណុចទល់មុខខ្លោងទ្វារវត្តសាមគ្គីរង្សី ចម្ងាយ ១៥០ ម៉ែត្រ ស្ថិតនៅភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ យ៉ាងណាក៏ដោយ អាជ្ញាធរមានសមត្ថកិច្ចមូលដ្ឋាន រក្សាភាពស្ងៀមស្ងាត់ មិនហ៊ានបង្ក្រាប គេ សង័្សយឆ្នាំងបាយ។
តាមប្រភពពីប្រជាពលរដ្ឋរស់នៅភូមិទ្រា២បានបង្ហើបអោយដឹងថា ម្ចាស់សង្វៀន មាន់ជល់និងអាប៉ោងនេះមានឈ្មោះ ចិត្ត និងបក្ខពួកបានគៀងគរប្រមូលផ្ដុំក្រុមញៀនល្បែងមកជួបជុំ បើកលេងគគ្រឹកគគ្រេងយ៉ាងអានា ធិបតេយ្យហើយគេមិនដែលឃើញអាជ្ញាធរមាន សមត្ថកិច្ចមូលដ្ឋាន សង្កាត់ ខណ្ឌ ណាចុះមកធ្វើការទប់ស្កាត់ឬបង្ក្រាបម្តងណាឡើយ? ឬមួយអាជ្ញាធរមានសមត្ថកិច្ចមូលដ្ឋាន បានទទួលផលប្រយោជន៍ ពីបុគ្គលឈ្មោះចិត្ត ម្ចាស់សង្វៀនមួយនេះទេដឹង?បានមិនហ៊ានបង្រ្កាប។
ប្រភពបន្តថា ម្ចាស់សង្វៀនឈ្មោះ ចិត្ត នេះបានបោះ ពាក្យសម្តីយ៉ាងឡូយថា គេបានរត់ការបង់សួយសារជូនអាជ្ញាធរមានសមត្ថកិច្ចមូលដ្ឋានថ្នាក់ក្រោមរហូត ដល់លើ ទើបអាចឈរជើងបើក ល្បែងមកដល់សព្វថ្ងៃបាន ដូច្នេះត្រឹមសារព័ត៌មានចុះផ្សាយអីក៍ចុះផ្សាយទៅ ។
ប្រជាពលរដ្ឋបានរិះគន់អាជ្ញាធរមានសមត្ថកិច្ចមូលដ្ឋានមិនគួរបណ្ដែត បណ្ដោយអោយមានល្បែងសុីសងបើកលេងគគ្រឹកគគ្រេងរាល់ថ្ងៃមិនបង្រ្កាបធ្វើឲ្យប្ដីឬកូនៗពួកគាត់បោះបង់ការ ងាររៀនសូត្រគិតតែលេង ល្បែងខ្លះចាញ់អស់ម៉ូតូ. ឡាន សូម្បីទ្រព្យសម្បត្តិនៅក្នុងផ្ទះមានបន្តិចបន្តួចក៍ យកទៅលេងអស់គ្មានសល់។ សព្វថ្ងៃពួកគាត់ព្រួយបារម្ភបញ្ហាអសន្តិសុខសង្គមនិងបទល្មើសផ្សេងៗដូចជា៖ លួច ឆក់ ប្លន់ គាស់ផ្ទះនិងអំពើហិង្សាគ្រួសារកើតមានគួរអោយកត់សម្គាល់ដើមចមចេញពីល្បែងសុីសងនេះឯង ។
ប្រជាពលរដ្ឋរស់នៅមូលដ្ឋានខាងលើសូមអំពាវនាវដល់លោក ឃួង ស្រេង អភិបាលរាជធានីភ្នំពេញនិងលោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ សូមមេត្តាចាត់កំកម្លាំងជំនាញចុះបង្រ្កាបសង្វៀន ជល់មាន់ និងអាប៉ោងខុសច្បាប់ដែលមានម្ចាស់ឈ្មោះ ចិត្ត កំពុងបើកដំណើរការលេងនៅក្នុងមូលដ្ឋាន ខាងលើអោយមានប្រសិទ្ធភាពស្របតាមគោលនយោបាយ ភូមិសង្កាត់ មានសុវត្ថិភាពទាំង ៧ ចំណុចរបស់រាជរដ្ឋាភិ បាលដែលបានដាក់ចេញអោយអនុវត្តន៍និងស្របតាមបញ្ជាររសម្តេចក្រឡាហោម ស ខេង ផងទាន៕មានត