ស្ទឹងត្រែង ៖ ប្រភពពីមន្រ្តីអង្គការក្រៅរដ្ឋាភិបាលឃ្លាំមេីលបទល្មេីសព្រៃឈេីខេត្តស្ទឹងត្រែងបានបញ្ជាក់ឲ្យដឹងថា មានមេការម្នាក់ឈ្មោះ វុធ ដឹកជញ្ជូន ឈើលេខ២ និងឈើប្រណីតខុសច្បាប់ សមត្ថកិច្ចពាក់ព័ន្ធមន្ត្រីជំនាញនៅអូរឡង់ ឃុំសៀមបូក ស្រុកសៀម បូក បន្តប្រមូលឈើដាក់ទូករាល់យប់ថ្ងៃ តាមទន្លេ មេគង្គ ឆ្ពោះទៅកោះខ្ញែរនិងឃុំវឌ្ឍនៈស្រុកសំបូរខេត្ត ក្រចេះ ចំណែកឯមេរដ្ឋបាលព្រៃឈើខេត្តនិងប្រធានបរិស្ថានខេត្តស្ទឹងត្រែងមិនចាត់វិធានការបង្រ្កាបនោះទេ ខ្លាចបាត់បង់ ផលប្រយោជន៍។
មហាជនបានរិះគន់ទៅលេីសមត្ថកិច្ចពាក់ពន្ធ័ ជាមេ ខ្លោងរត់ការឈើនៅតំបន់នោះជេីងខ្លាំងគឺ ឈ្មោះ វុធ ដូច ជាឈ្មោះ ឈឹម រិទ្ធិ សៀងឡាន ថែមទាំងមានឈ្មួញខ្មែរអីស្លាម មកពីខេត្តក្រចេះ ប្រមូលឈើពីអ្នកភូមិនៅអូរឡង់ ឃុំសៀមបូក ដាក់ទូកប្រដាក់គ្នាដូចខ្យង ដោយឡែកអាជ្ញាធរសមត្ថកិច្ចជំនាញពាក់ព័ន្ធ ខេត្តស្ទឹងត្រែងរក្សាភាពស្ងៀមស្ងាត់ ។ទុកអោយបុគ្គល វុធ នេះ ដឹកជញ្ជូនឈើតាមអំពើចិត្តហើយទូកក្នុងមួយគ្រឿង អាចដាក់ឈើបានចំណុះ៣ ម៉ែត្រគូប ក៏ប៉ុន្តែបើទូកធំ អាចបានចាប់ពី១៥ ទៅ ២០ ម៉ែត្រគូបតម្លៃឈើក្តាកកោះ ត្រូវប៉ាន់ជាងគេលើតម្លៃទីផ្សារ ទិញនៅអូរឡង់ សៀមបូក ខេត្តស្ទឹងត្រែង ក្នុងមួយម៉ែត្រគូបតម្លៃជាង ១លានរៀល។
ហេតុនេះលោក ស្វាយ សំ អ៊ាង អភិ បាលខេត្តស្ទឹង ត្រែង និងលោក អួត សុីសុត្ថា ស្នងការដ្ឋាននគរបាលខេត្តស្ទឹងត្រែង គូរពិនិត្យឡេីងវិញចំពោះ មេឈ្មួញឈ្មោះ វុធ កំពុងបង្កើនគៀង គរបក្សពួករបស់ខ្លួន ឲ្យចូលកាប់បំផ្លិចបំផ្លាញព្រៃឈេីក្នុងតំបន់អូរឡង់ ឃុំ សៀមបូក ស្រុកសៀមបូក ជិតរលាយអស់ហេីយ បើគ្មានការទប់ស្កាត់។
ប្រជាពលរដ្ឋនៅចំណុចអូរឡង់ ឃុំ សៀមបូក ស្រុកសៀមបូក អំពាវនាវដល់ នាយឧត្តមសេនីយ៍ សៅ សុខា មេបញ្ជាការរងកងយុទ្ធពលខេមរៈភូមិន្ទនិងជាមេបញ្ជាការកងរាជអាវុធ ហត្ថលើផ្ទៃប្រទេស ជាប្រធានគណៈ កម្មការថ្នាក់ជាតិទប់ស្កាត់បទល្មើសព្រៃឈើធនធានធម្មជាតិ គួរចាត់មន្រ្តីក្រោមឱវាទចុះអង្កេតស្រាវជ្រាវ ជាបន្ទាន់ពីព្រោះព្រៃឈេីនៅសេសសល់បន្តិចបន្ទួចត្រូវវិនាសហិនហោចក្រោមស្នាដៃ មេឈ្មួញឈ្មោះ វុធនិងបក្ខពួកជាក់ជាពុំខាន៕