រតនគីរី៖ សង្វៀនជល់មាន់បៀអាប៉ោងនិងយូគី បើកលេងដុះស្លែយ៉ាងពេញ បន្ទុកស្ថិតនៅចំណុចអង់តែនក្នុងភូមិ ទុយ ឃុំទីងចាក់ ស្រុកបរកែវ ខេត្តរតន គិរី អាជ្ញាធរមានសមត្ថកិច្ចមូលដ្ឋានមិនហ៊ានបង្ក្រាប ជាប្រភពចំណូល។
ប្រភពពីពលរដ្ឋរស់នៅក្នុងមូលដ្ឋានបានបង្ហើបអោយដឹងថា សព្វថ្ងៃនេះឈ្មោះ ពិន តន នៅតែបន្តបើកសង្វៀន ជល់មាន់ បៀ អាប៉ោងនិងយូគី យ៉ាងពេញបន្ទុក បំរើ ក្រុមញៀន ល្បែងប្រ មូលផ្តុំគ្នាចូលលេងយ៉ាងពពាក់ ពពូន ដោយគ្មានការទប់ស្កាត់និងបង្រ្កាបពីមន្ត្រីអាជ្ញាធរសមត្ថកិច្ចមូលដ្ឋានឡើយ ។
ពលរដ្ឋបានបន្តអោយដឹងទៀតថា ទីតាំងបើកល្បែងស៊ីសងបុគ្គលឈ្មោះ ពិន តន (ហៅ តន) បើកលេងល្បែងស៊ីសងខុសច្បាប់គ្រប់ប្រភេទយូរឆ្នាំហើយ តាមទំនើងចិត្ត ប្រហែលមានខ្នងអង្អែករឹងមាំនៅពីក្រោយទើបមន្ត្រីពាក់ព័ន្ធនៅទីនោះមិនហ៊ានបង្រាប គេសង្ស័យថា លោក ហេង ប៊ុន្នី អភិបាល ស្រុកបរកែវ និងលោក ថេង ចន្ទ័ធី អធិ ការនគរបាលស្រុកបរកែវ ប្រហែលទទួលបានប្រយោជន៍ពីមេបនល្បែងសុី សងឈ្មោះ ពិន តន នេះហើយមើល ទៅបាន ជាបណ្ដែត បណ្ដោយអោយឈ្មោះ ពិន តន ធ្វើព្យុះភ្លៀងបើកល្បែង សុីសងតាមអំពើចិត្ត។
ប្រភពដដែលបានអោយដឹងបន្ថែមទៀតថា សង្វៀនជល់មាន់បៀ អាប៉ោងនិងយូគីនៅភូមិទុយ ឃុំទីង ចាក់ ស្រុកបរកែវ ខេត្តរតន គិរី កំពុងបើកដំណើរការលេងយ៉ាងរលូនដោយគ្មានសមត្ថកិច្ចណាហ៊ានបង្ក្រាបឡើយ។មតិប្រជាពលរដ្ឋបានលើកឡើងថា បេីគ្មានការបើកដៃពីសំណាក់មន្ត្រីអាជ្ញាធរ និងសមត្ថកិច្ច ពាក់ព័ន្ធនោះទេ គឺបុគ្គលឈ្មោះ ពិន តន មិនអាចបើកល្បែងស៊ីសងខុសច្បាប់បានឡើយ ហើយត្រូវប្រឈមនឹងការបង្ក្រាបទៀតផង។
ចំណែកលោក យិន ចំណាន ស្នងការនគរបាល ខេត្ត រតនគិរី តើមានសមត្ថភាពក្នុងការចុះបង្ក្រាប ទីតាំងមាន់ជល់បៀអាប៉ោងនិងយូគីដែលក្រុមញៀនល្បែងធ្វើសកម្មភាពបើលេងដែរឬ? ។ ព្រោះថាទីណាមានល្បែងសុី សងទីនោះ បង្កភាពអសន្តិសុខសង្គម ដូចជា៖ អំពើចោរកម្ម.លួច.ប្លន់. ឆក់. គាស់ផ្ទះ និងអំពើ ហិង្សាគ្រួសារ កើតមាន គួរអោយកត់សម្គាល់ ដើមចមចេញពីល្បែងសុីសងនេះ ឯង។តើគោលនយោបាយ ភូមិ ឃុំ មានសុវត្ថិភាពទាំង ៧ ចំណុច របសរាជរដ្ឋាភិបាលចេញអោយអនុវត្តន៍ប្រកប ដោយប្រសិទ្ធភាព ដែរឬ? បើបណ្ដែត បណ្តោយអោយមានល្បែងសុីសងក្នុងមូល ដ្ឋាន មេសង្វៀន មាន់ជល់ បៀអាប៉ោងនិងយូគីឈ្មោះ ពិន តន បើកលេងយ៉ាងពេញបន្ទុកនៅក្នុងមូលដ្ឋានមិនបង្រ្កាបបែបនេះនោះ។
បញ្ហានេះលោក ញ៉ែម សំអឿន អភិ បាលខេត្តរតនគិរី សូមមេត្តាមានវិធានការទប់ ស្កាត់បង្រ្កាបបនល្បែងស៊ីសងនេះផង ចៀសវៀង មហាជន រិះគន់ដាក់ការសង្ស័យទៅលើអាជ្ញាធរមាន សម្ថកិច្ចមូលដ្ឋានមានការឃុបឃិតគ្នា បើកភ្លើងខៀវ ជាប្រព័ន្ធ បង្កើត បទ ល្មើសក្នុងមូលដ្ឋាន គួរតែចាត់មន្ត្រីជំនាញក្រោមឱវាទចុះទៅបង្ក្រាបទីតាំងខាងលើនេះអោយស្របតាមបទបញ្ជាររបស់សម្ដេចក្រឡាហោម ស ខេង ជាបន្ទាន់ផង៕មានត
សង្វៀនជល់មាន់ បៀ អាប៉ោងនិងយូគីខុសច្បាប់ស្ថិតនៅចំណុចអង់តែន ភូមិទុយ ឃុំទីងចាក់ ស្រុកបរកែវ ខេត្តរតនគីរី បើកលេងគគ្រឹកគគ្រេងមិនបង្រ្កាបជាប្រភពចំណូលរបស់អាជ្ញាធរសមត្ថកិច្ចមូលដ្ឋាន.!
Filed in: សង្គម