សង្វៀន មាន់ជល់ បៀ អាប៉ោងខុសច្បាប់ស្ថិតនៅភូមិដីក្រហម ឃុំសុភាស ស្រុកស្ទឹងត្រង់ ខេត្តកំពង់ចាម បើកលេងគគ្រឹក គគ្រេងជាប្រភពចំណូលអាជ្ញាធរសមត្ថកិច្ចមូលដ្ឋាន.!

កំពង់ចាម ៖ យោងតាមប្រភពពីប្រជាពលរដ្ឋបានរាយការណ៍មកថា នៅភូមិដីក្រហម ឃុំសុភាស ស្រុកស្ទឹងត្រង់ ខេត្តកំពង់ចាម មានទីតាំងសង្វៀនល្បែងជល់មាន់បៀអាប៉ោងខុសច្បាប់មួយកន្លែងកំពុងធ្វើសកម្មភាពបើកលេងបានយ៉ាងរលូន អាជ្ញាធរមានសមត្ថកិច្ចមូលដ្ឋានមិនបង្រ្កាបជាប្រភពចំណូល។
ប្រភពដដែលបានបន្តទៀតថា ម្ចាស់សង្វៀនខាងលើមានឈ្មោះ នឿ និងឈ្មោះ គា កំពុងតែគៀងគរគ្នាមកជួប ជុំបើកលេងល្បែងជល់មាន់ បៀ និងអាប៉ោងខុសច្បាប់គគ្រឹកគគ្រេងអានា ធិបតេយ្យយ៉ាងរំភើយ ប្រហែលម្ចាស់ទីតាំងល្បែងបានផ្ដល់លាភសក្ការ: ប្រ ចាំខែជូនអាជ្ញាធរមាន សមត្ថកិច្ចក្នុងមូលដ្ឋាន ជាថ្នូរមិនបង្រ្កាប ហើយទើបទីតាំងល្បែងមួយនេះ ហ៊ានបើកលេងភ្នាល់ចាញ់ឈ្នះរាប់លានពាន់ដុល្លារស្រែកហ៊ោកញ្ច្រៀវទ្រហឹង កង រំពងមិនរំខានអាជ្ញាធរសមត្ថកិច្ចឡើយជាពិសេសអាប៉ោងសុីគ្នាល្បីល្បាញពេញក្នុងសង្វៀនតែម្តង។
ប្រជាពលរដ្ឋរស់នៅជុំវិញទីតាំងខាង លើ មានការព្រួយបារម្ភ និងភ័យខ្លាចអំពីបញ្ហាអសន្តិសុខសង្គម និងអំពើចោរកម្មនិងបទល្មើសផ្សេងៗ(ពោលគឺ) ជួញដូរគ្រឿងញៀន និង លួច ឆក់ ប្លន់ និងអំពើហិង្សាគ្រួសារកើតមានគួរអោយកត់សម្គាល់ ជាដើមចមចេញ   ពីល្បែងសុីសងនេះឯង ។
ករណីល្បែងសុីសងនៅក្នុងមូលដ្ឋានភូមិដីក្រហមឃុំសុភាស ស្រុកស្ទឹងត្រង់ខាងលើនេះ ពលរដ្ឋសូមអំពាវនាវដល់លោកនាយឧត្តសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ចាត់វិធានការបង្រ្កាបល្បែងសុី សងនេះផងរួមទាំង លោក អ៊ុន ចាន់ដា អភិបាលខេត្តកំពង់ ចាម និង លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ ចាម គួរតែចាត់កម្លាំងជំនាញ ចុះធ្វើ ការបង្ក្រាបទីតាំងសង្វៀនជល់មាន់បៀនិងអាប៉ោងខុសច្បាប់ស្ថិតនៅភូមិដី ក្រហម ឃុំសុភាស ស្រុកស្ទឹងត្រង់ ខេត្តកំពង់ចាមម្ចាស់ឈ្មោះ នឿ និងឈ្មោះ គា នេះអោយប្រសិទ្ធភាពស្របតាមគោលនយោបា យភូមិ ឃុំ មានសុវត្ថិភាព ៧ ចំណុច របស់រាជរដ្ឋាភិបាលនិងក្រសួងមហាផ្ទៃ ដែលបានដាក់ចេញអោយអនុវត្តន៍៕មានត