កំពង់ចាម ៖ សង្វៀន ជល់មាន់ បៀអាប៉ោងខុសច្បាប់មួយកន្លែងស្ថិតនៅក្នុងភូមិត្រពាំងធំ ឃុំស្រង៉ែ ស្រុកជើងព្រៃ ខេត្តកំពង់ចាម កំពុងបើកលេងយ៉ាងគគ្រឹក គគ្រេងអនាធិបតេយ្យអាជ្ញាធរមានសមត្ថកិច្ចមូលដ្ឋាន រក្សាភាពស្ងៀមស្ងាត់មិនហ៊ានធ្វើការបង្ក្រាបនោះទេ ។
ប្រភពពីប្រជាពលរដ្ឋភូមិត្រពាំងធំ ឃុំស្រង៉ែ ស្រុកជើងព្រៃ ខេត្តកំពង់ចាម បានបង្ហើបអោយដឹងថា សង្វៀនមាន់ ជល់បៀអាប៉ោងបើកលេងយ៉ាងពេញ បន្ទុក ហើយមានអ្នកនៅពីក្រោយល្បែងសុីសងនេះត្រូវបានគេងថា គឺលោក កាំង គឹមហុង អធិការរងនគរ បាលស្រុកជើងព្រៃ ទទួលផែនព្រហ្មទណ្ឌ ហេតុនេះហើយទើបអាជ្ញាធរនិងសមត្ថកិច្ចមូលដ្ឋានមិនហ៊ានចាត់វិធានការបង្រ្កាប។សូម្បីលោក នួន ម៉េងហួរ អធិការស្រុកជើងព្រៃក៍រក្សាភាពស្ងាត់ស្ងៀមផងដែរ ទុកអោយលោក កាំង គឹមហុង អធិការរងរូបនេះបើកល្បែង សុីសងតាមអំពើចិត្ត ហើយប្រជាពល រដ្ឋព្រួយបារម្ភយ៉ាងខ្លាំងពីបញ្ហាអសន្តិ សុខសង្គម។
ប្រភពបានបន្តអោយដឹងទៀតថា ក្នុងមួយថ្ងៃៗមានក្រុមញៀនល្បែងចូលលេងជល់មាន់បៀអាប៉ោងយ៉ាងគគ្រឹក គគ្រេង ព្រោះលោក កាំង គឹមហុង ហ៊ានរក្សាសុវត្តិភាពដល់ក្រុមញៀនល្បែងរបស់ខ្លួនគឺមិនមានសមត្ថកិច្ច ណាមកបង្រ្កាបឡើយ។ប្រភពខ្លះបន្ត ថា សង្វៀនមាន់ជល់បៀអាប៉ោងរបស់លោក កាំង គឹមហុង អធិការរងនគរ បាលស្រុកជើងព្រៃក៍ជាប្រភពចំណូលរបស់មន្រ្តីធំៗមួយចំនួនផងដែរ ទើបអ្វីៗអាចប្រព្រឹត្តទៅបានដោយរលូនបែបនេះ។ ល្បែងស៊ីសងជល់មាន់ បៀនិងអាប៉ោងខុសច្បាប់ មួយកន្លែងបើកលេងដុះស្លែលេងភ្នាល់ចាក់លុយចាញ់ឈ្នះរាប់លាន រាប់ពាន់ដុល្លារក្នុងមួយថ្ងៃៗជាពិសេស អាប៉ោងសុីគ្នាល្បីពេញសង្វៀនហើយនាំគ្នាស្រែកហ៊ោកញ្ច្រៀវយ៉ាងសប្បាយមិនរំខានអាជ្ញាធរសមត្ថ កិច្ចឡើយ។
ប្រជាពលរដ្ឋរស់នៅក្នុងមូលដ្ឋានខាង លើមានការព្រួយបារម្ភនិងភ័យខ្លាច អំពីអសន្តិសុខនិងអំពើចោរកម្ម លួច ឆក់ ប្លន់ គាស់ផ្ទះនិងអំពើហិង្សាក្នុងគ្រួសារ កើតមានគួរអោយកត់សម្គាល់ ដើមចមកើតចេញពីល្បែងសុីសងនេះ ឯង។ ប្រជាពលរដ្ឋសូមអំពាវនាវដល់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិចាត់វិធានការបង្រ្កាបសង្វៀនមាន់ ជល់បៀអា ប៉ោងស្ថិតនៅភមិត្រពាំងធំ ឃុំស្រង៉ែ ស្រុកជើងព្រៃខេត្តកំពង់ចាម ជាបន្ទាន់ដើម្បីពង្រឹងសន្តិសុខសង្គម។
ប្រជាពលរដ្ឋបានរិះគន់ថា លោកឧត្តមសេនីយ៍ទោ ឯម កុសល់ ស្នងការនគរ បាលខេត្តកំពង់ចាមនិងលោក អ៊ុន ចាន់ដា អភិបាលខេត្តកំពង់ចាម មិន សូវយកចិត្តទុកដាក់ក្នុងការបង្រ្កាបល្បែងសុីសងដើម្បីពង្រឹងសន្តិសុខសង្គមអោយស្របតាមគោលនយោ បាយភូមិឃុំ មានសុវត្ថិភាព ៧ ចំណុចរបស់រាជរដ្ឋាភិបាល ដែលបានដាក់ចេញអោយអនុវត្តន៍ស្របតាមបទបញ្ជាររបស់សម្តេចក្រឡាហោម ស ខេង ផងទាន។មានត
