សង្វៀនជល់មាន់បៀ អាប៉ោងខុសច្បាប់ស្ថិតនៅក្នុងភូមិត្រពាំងធំ ឃុំស្រង៉ែ ស្រុកជើងព្រៃ ខេត្តកំពង់ចាម បើកលេងគគ្រឹក គគ្រេងអាជ្ញាធរសមត្ថកិច្ចមូលដ្ឋានមិនហ៊ានបង្រ្កាបសង័្សយឆ្នាំងបាយ.!

កំពង់ចាម ៖ សង្វៀនជល់មាន់ បៀ អា ប៉ោងខុសច្បាប់មួយកន្លែង ស្ថិតនៅក្នុងភូមិត្រពាំងធំ ឃុំស្រង៉ែ ស្រុកជើងព្រៃ ខេត្តកំពង់ចាមកំពុងបើកលេងយ៉ាងគគ្រឹក គគ្រេងអនាធិបតេយ្យ អាជ្ញាធរ មានសមត្ថកិច្ចមូលដ្ឋាន រក្សាភាពស្ងៀមស្ងាត់ មិនហ៊ានធ្វើការបង្ក្រាបនោះទេ ។
បើតាមប្រភពក្រុមញៀនល្បែងចេញចូលទៅលេងនៅសង្វៀនខាងលើបានអោយដឹងថា ម្ចាស់សង្វៀនបើកលេងនេះ ជារបស់លោកអធិការរងស្រុកជើង ព្រៃម្នាក់ មានខ្នងបង្អែករឹងមាំ ទើបឈរ ជើងមកដល់សព្វថ្ងៃនេះបានសូម្បីលោក អធិការមិនហ៊ានក្អកជាមួយផង បច្ចុប្បន្នកំពុងកៀងគរគ្នាមកជួបជុំលេងល្បែងស៊ីសងជល់មាន់បៀនិងអាប៉ោងខុសច្បាប់ មួយកន្លែងដុះស្លែបានយ៉ាងដោយរលូន គ្មានអាជ្ញាធរសមត្ថកិច្ចមូលដ្ឋានណាម្នាក់ហ៊ានប៉ះពាល់ឡើយ ។ ទើបទីតាំងមួយនេះ ហ៊ាននាំគ្នាលេងភ្នាល់ មាន់បៀអាប៉ោងចាក់ដាក់លុយចាញ់ឈ្នះរាប់លាន រាប់ពាន់ដុល្លារក្នុងមួយថ្ងៃៗជាពិសេសអា ប៉ោងសុីគ្នាល្បីពេញសង្វៀន ហើយនាំគ្នាស្រែកហ៊ោកញ្ច្រៀវ យ៉ាងសប្បាយមិនរំខានអាជ្ញាធរសមត្ថកិច្ចឡើយ។
មហាជននានា នាំគ្នា រិះគន់ អាជ្ញាធរ មានសមត្ថកិច្ចមូលដ្ឋាន ស្រុកជើងព្រៃ ខេត្តកំពង់ចាម ថា បើសមត្ថកិច្ចជាអ្នកបង្រ្កាបបទល្មើសផ្សេងៗជូនប្រជាពល រដ្ឋដើម្បីរក្សាសន្តិសុខសណ្ដាប់ធ្នាប់ដល់ប្រជាពលរដ្ឋ ចុះបើសមត្ថកិច្ចខ្លួន ឯងនាំគ្នាបើកល្បែងសុីសងគគ្រឹក គគ្រេងបែបនេះ តើអោយប្រជាពលរដ្ឋសង្ឃឹមលើអ្វី។ ជាក់ស្ដែងសង្វៀន មាន់ ជល់ បៀអាប៉ោងស្ថិតនៅភូមិត្រពាំងធំ ឃុំស្រង៉ែស្រុកជើងព្រៃបើកលេងដុះស្លែ គ្មានអ្នកណាហ៊ានមករំខានឬបង្រ្កាបឡើយ។
ពលរដ្ឋរស់នៅក្នុងមូលដ្ឋានខាងលើមានការព្រួយបារម្ភនិងភ័យខ្លាចអំពី   អសន្តិសុខនិងអំពើចោរកម្ម លួច ឆក់ ប្លន់ គាស់ផ្ទះនិងអំពើហិង្សាក្នុងគ្រួសារ កើតមានគួរអោយកត់សម្គាលហើយដើមចមកើតចេញពីល្បែងសុីសងនេះ ឯង។ ដូច្នេះពលរដ្ឋស្នើរសុំដល់សម្ដេចក្រឡាហោម ស ខេង ឧបនាយករដ្ឋ មន្រ្តី រដ្ឋមន្រ្តីក្រសួងមហាផ្ទៃ និងលោក នាយឧត្តមសេនីយ៍សន្តិបណ្ឌិ នេត សាវឿន មេត្តាពិនិត្យមើលមន្រ្តីសមត្ថ កិច្ចក្រោមឱវាទផងទាន។
ករណីនេះប្រជាពលរដ្ឋដែលរស់នៅ   ភូមិត្រពាំងធំ ឃុំស្រង៉ែ ស្រុកជើងព្រៃសូមអំពាវនាវដល់ លោក អ៊ុន ចាន់ដា អភិបាលខេត្តកំពង់ចាម និងលោកឧត្តមសេនីយ៍ទោ ឯម កុសល់ ស្នងការនគរបាលខេត្តកំពង់ចាម មិនគួរមើលរំលងមន្រ្តីនគរបាល របស់ខ្លួន បើក ល្បែងសុីសងបែបនេះ គួរតែចាត់កម្លាំងជំនាញខេត្ត ចុះអង្កេតសាវជ្រាវ  លើបញ្ហានេះនិងធ្វើការបង្ក្រាបសង្វៀន ជល់មាន់ បៀ និងអាប៉ោងខុសច្បាប់ កំពុងបើកលេងនៅក្នុងមូលដ្ឋានខាង លើអោយមានប្រសិទ្ធភាពស្របតាម គោលនយោបាយភូមិ ឃុំ មានសុវត្ថិ ភាព៧ចំណុចរបស់រាជរដ្ឋាភិបាល ដែលបានដាក់ចេញអោយអនុវត្តន៍ស្របតាមបទបញ្ជាររបស់សម្តេចក្រឡា ហោម ស ខេង ផងទាន។មានត
លាក់សិនលេខក្រោយដាក់អោយចំ