ប៉ោយប៉ែត ៖ ប្រភពពីពលរដ្ឋដែល ធ្វើដំណើរក្នុងទឹកដីខ្មែរចូលថៃទាំងទេសចរណ៍និងអជីវករបានសំដែងនូវការមិនពេញចិត្តនិងហួសចិត្តទៅលើមន្ត្រីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតដែលបានយក លុ យ តាមអំពើចិត្ត របៀបអំពើពុករលួយ ទៅលើការបំពេញបែបបទផ្សេងៗទាំង ” ប៉ាស្ពរ័ បរិផាស”។ ដូចជាប៉ាស្ពរ័ចេញចូលតម្រូវអោយបង់លុយក្នុងមួយនាក់ ១០០ បាត(ប្រាក់ថៃ)តាមការកំណត់របស់មន្រ្តីច្រកទ្វារនេះមិនអាចតវ៉ាបានឡើយ ។ ចំណែកបរិផាសវិញចូលប្រ ថាប់ត្រាលើកដំបូង (ថ្មី) តម្រូវអោយ បង់លុយក្នុងមួយនាក់១០០បាត ( ប្រាក់ថៃ) ប្រថាប់ត្រាលើកទីពីរយក៥០ បាត ចូលស្នាក់ នៅបានតែពីរយប់បីថ្ងៃតែ ប៉ុណ្ណោះ ។ សូមជម្រាបដែរថា ការយក ៥០បាតនេះ ដោយសារតែមានការតវ៉ាពីប្រជាពលរដ្ឋបើពុំដូច្នោះទេគេនិងយករហូតទៅដល់ ៧០បាត ឯណ្ណោះ។
ប្រភពរាយការណ៍បានអោយដឹងទៀត ថា កាលពីពេលថ្មីៗកន្លងទៅនេះប្រជា ពលរដ្ឋថៃបានលើក គ្នីគ្នាមកតរវ៉ានៅអគ្គកុងសុលកម្ពុជាប្រចាំនៅខេត្តស្រះ កែវប្រទេសថៃអោយជួយអន្តារាគមន៍សំរួលទៅនិងការចេញចូលបំពេញ បែបបទត្រូវបានមន្ត្រីច្រកទ្វារអន្តរជាតិប៉ោយប៉ែត(ខាងកម្ពុជា)យកលុយពីរពួកគេរហូតទៅដល់មួយនាក់ ២០០ បាត ចំណែកការស្នាក់នៅវិញបានតែពីរយប់បីថ្ងៃដូចប្រជាពលរដ្ឋខ្មែរដែរតែក្រោយមកក៏ស្រាប់ តែមានការសម្របសម្រួលរហូតទទួលបានជោគជ័យពោលគឺសំរាប់ប្រជាពលរដ្ឋថៃស្នាក់ នៅខាងកម្ពុជាបានរយះពេលមួយសប្តាហ៍។ ទាំងនេះសរបញ្ជាក់អោយឃើញថា ការបំពេញ បែបបទចេញចូលហាក់ដូចជាគ្មានតម្លាភាពគ្នារវាងប្រជា ជនកម្ពុជានិងថៃ។
គួរម្លឹកផងដែរថា កាលមិនទាន់មានជំងឺកូវីដ១៩ សម្រាប់ការប្រថាប់ត្រាប រិផាសសម្រាប់ប្រជាពលរដ្ឋខ្មែរចូលស្នាក់នៅក្នុងទឹកដីថៃបានមួយខេត្ត រយះពេលមួយសប្តាហ៍ ប៉ុន្តែបច្ចុប្បន្ននេះបានពីរយប់បីថ្ងៃប៉ុណ្ណោះធ្វើអោយពួកគាត់ជួបការលំបាកចំណាយលុយច្រើនៗភ្លេចខ្លួនដល់ថ្ងៃចេញមកប្រថាប់ត្រា ត សុពលភាពបើហួសសុពលភាពវិញ គេនិងធ្វើការផាកពិន័យរហូតទៅ ដល់ ៥០០បាត ម៉្យាងវិញទៀតបរិផាស (ប័ណ្ណ ឆ្លងដែន)ក៏រហ័សអស់សុពលភាព ពិបាកក្នុងការធ្វើថែមទៀតផង។
ប្រភពពីអជីវករលក់ដូរនៅ ក្នុងផ្សារ រោងក្លឿ ប្រទេសថៃមានការងឿងឆ្ងល់ដូចៗគ្នាថា កាលមិនទាន់មានជំងឺ ឆ្លង កូវីដ១៩ ពលរដ្ឋចូលព្រឹកចេញល្ងាចខ្លះចង់ចេញចូលមួយថ្ងៃប៉ុន្មានដងក៏បាន ដោយប្រើកាតចូលមួយដងចំណាយត្រឹមតែ ១០០ទៅ២០០ រៀល តែប៉ុណ្ណោះទេ។ តែមកដល់ស្ថានភាពនៃការឆ្លងកូវីដ១៩បានធូរស្រាលច្រើនទៅហើយខ្លះពាក់ម៉ាស់ ខ្លះទៀតមិនបានពាក់ម៉ាស់នៅតែរឹតបន្តឹងសម្រាប់ប្រជាពលរដ្ឋខ្មែរមិនព្រមធ្វើកាតដូចដើមវិញ។ ពួកគាត់មានចម្ងល់ថា តើ បរិផាសដែលមានសិទ្ធដើរ ហើររហូតដល់មួយខេត្ត តើមានយន័្តការពារមិនអោយឆ្លងជំងឺកូវីដ១៩ មែនទេ។ ចំណែក ឯ កាតចូលព្រឹកចេញពេល ល្ងាច មានសិទ្ធដើរហើរបានត្រឹមតែផ្សាររោងក្លឿ ហ្នឹងវាប្រឈមនិងការឆ្លងជំងឺកូវីដ១៩ ។ ដោយឡែកសម្រាប់ពលរដ្ឋចេញចូលដោយឆ្លងកាត់ប៉ុស្តិ៍កណ្តាលរបស់អន្តោប្រវេសន៍ (បារ៉ាស់) នៅចំណុចរង្វង់មូលវិញ មន្ត្រីនគរបាលអន្តោប្រវេសន៍ទាំងនោះធ្វើព្យុះភ្លៀងតាមអំពើចិត្តសូម្បីពលរដ្ឋខ្លះជិះម៉ូតូដឹក កូននិងអីវ៉ាន់បន្តិបន្តួចក៏មិនយោគយល់អោយចុះដើរ រថយន្តសេរីទំនើបក៏មិនអនុញ្ញាត អោយចូល សុកចិត្តអោយថយក្រោយ អោយមនុស្សចុះធ្វើដំណើរដើរផងដែរ តែបើខ្សែអ្នកធំមាន លុយឡានទំនើបៗវិញចេញចូលដោយសេរីគ្មានការត្រួតពិនិត្យនោះទេ? មិនខុសពីសុភាសិតមួយឃ្លា លោកបានពោលថា (មានលុយ មានខ្សែធំចង់ធ្វើអ្វីៗក៍បាន ចង់ហៅខ្មោចឡើងកិនម្សៅ ក៍បានដែរ) ។
ដែលបញ្ហានេះពលរដ្ឋខ្មែរក៍ដូចពល រដ្ឋថៃស្នើរសុំដល់លោក អ៊ុំ រាត្រី អភិ បាល ខេត្តបន្ទាយមានជ័យសូមលោកមេត្តាដាក់មន្រ្តីក្រោមឱវាទ ដាក់ការ សេុីបអង្កេត នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតនេះ ជាពិ សេសលោកឧត្តមសេនីយ៍ គៀត ចន្ថារិទ្ធ អគ្គនាយកនៃអគ្គនាយកដ្ឋាន នគរបាលអន្តោប្រវេសន៍មេត្តាពិនិត្យ មន្រ្តីថ្នាក់ក្រោមជាតិផង។ ជៀសវៀងប្រជាពលរដ្ឋនិងអាជីវករមានការថ្នាំង ថ្នាក់ខឹងគោរទៅវាយរទេះ។
ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងចាំនូវការពន្យល់បកស្រាយពីលោក នាយប៉ុស្តិ៍ នាយរងប៉ុស្តិ៍នគរបាលអន្តោប្រវេ សន៍ច្រកទ្វារអន្តរជាតិប៉ោយប៉ែត រាល់ម៉ោងធ្វើការ៕មានត
មន្រ្តីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត សប្បាយយកលុយពលរដ្ឋអាជីវករនិងឈ្មួញអ្នកទេសចរណ៍ចេញចូលខ្មែរ.ថៃ តាមអំពើចិត្ត របៀបអំពើពុករលួយ.!
Filed in: សង្គម