ភ្នំពេញ៖ រាជរដ្ឋាភិបាលកម្ពុជា និងក្រសួងសុខាភិបាលកំពុងព្រួយបារម្ភ ជាថ្មី បញ្ហាការរីករាលដាលឆ្លងជំងឺ កូវីដ១៩ បប្លែងថ្មី “អូមីក្រុង” បែជា អាជ្ញាធរមានសមត្ថកិច្ច“ខណ្ឌ៧មករា ” បណ្ដោយអោយមានល្បែងហ្គេមបាញ់ត្រី ល្បែងច្រើនប្រភេទបើកលេងគគ្រឹកគគ្រេងនៅក្នុងផ្សារទំនើប សុីធី ម៉ល យ៉ាងគឃ្លើន។ មន្រ្តីរាជការនិងប្រជាពលរដ្ឋកំពុងមានការព្រួយបារម្ភ ភ័យខ្លាចនិងជំងឺកូវីដ-១៩ បប្លែងថ្មី “អូមីក្រុង” ជាថ្មី ក៏ប៉ុន្តែនៅក្នុងមូល ដ្ឋាន សង្កាត់វាលវង់”ខណ្ឌ៧មករា” កណ្ដាលក្រុង បណ្ដែតបណ្ដោយអោយមានទីតាំងល្បែងសុីសង “ហ្គេមបាញ់ត្រី” ច្រើនប្រភេទខ្នាតយក្ស បើកលេងនៅក្នុងផ្សារសុីធីម៉ល ជាន់ ទី២ បានប្រមូល ផ្ដុំមនុស្ស ជាច្រេីនមកលេងគគ្រឹកគគ្រេងដោយសេរី មិនខ្វល់ការបង្រ្កាបរបស់អាជ្ញាធរមានសមត្ថកិច្ចមូលដ្ឋានឡើយ ហើយគេសង្ស័យថា ឆ្នាំងបាយទេដឹង? បានមិនហ៊ានបង្រ្កាប ។
ប្រភពបានបង្ហើបអោយដឹងថា ទីតាំងហ្គេមបាញ់ត្រីខុសច្បាប់ខាងលើបើកយូរ ឆ្នាំមកហើយ ហើយបើកទទួលភ្ញៀវគ្រប់វ័យ ទាំងក្មេង ទាំងចាស់ និងសំបូរទៅដោយជនញៀនថ្នាំ ជាពិសេ ស ! ប្រភពខ្លះបានបន្តថា ម្ចាស់ទីតាំងហ្គេមបាញ់ត្រីមួយកន្លែងនេះបានរត់ការ បង់សួយសាជូន អាជ្ញាធរមានសមត្ថកិច្ចមូលដ្ឋានក្រោមរហូតដល់ លើ ជាការមិនបង្រ្កាប។ ដូច្នេះហើយទើបទីតាំងមួយនេះអាចឈរជើងបើកដំណើរការទទួលក្រុមញៀនល្បែងបានមកដល់សព្វថ្ងៃ ហើយសំបូរទៅដោយភ្ញៀវចូលទៅលេងយ៉ាងគគ្រឹកគគ្រេងដោយរលូនគ្មានរំខានដល់អាជ្ញាធរមានសមត្ថកិច្ចក្នុងមូលដ្ឋានឡើយ ។
ប្រជាពលរដ្ឋក៍ដូចអាជីវករក្នុងផ្សារទំនើបសុីធីម៉ល ជាច្រើនកំពុងតែមានការព្រួយបារម្មណ៍ចំពោះទីតាំងល្បែងស៊ីសងហ្គេមបាញ់ត្រីមួយនេះ ពិព្រោះកាលណាមានល្បែងស៊ីសងនៅ ក្នុងមូលដ្ឋានពួកគាត់ហើយ ប្រាកដជាមានបទល្មើសផ្សេងៗកើតឡើង ជាបន្ត បន្ទាប់ ជាមិនខានឡើយ ព្រោះល្បែងស៊ីសង គឺជាដើមចម នៃការ បង្កើតនូវ បទល្មើសជាច្រើន ដូចជា ចោរលួច ចោរឆក់ ចោរប្លន់ សម្លាប់ គាស់ផ្ទះ ប្រើអំពើហិង្សានិងបទល្មើសផ្សេងៗទៀតគឺកើតចេញពីល្បែងសុីសងនេះ ឯង ។
ពាក់ព័ន្ធល្បែងស៊ីសង ខុសច្បាប់ “ហ្គេមបាញ់ត្រីខ្នាតយក្ស” ខាងលើនេះប្រជាពលរដ្ឋក៍ដូចអាជីវករ នៅ ក្នុងផ្សារទំនើបសុីធីម៉លរួមទាំងមូលដ្ឋានសូមអំពាវនាវដល់លោក លឹម សុភា អភិបាល”ខណ្ឌ៧មករា” ជាពិសេស លោក ឃួង ស្រេង អភិបាលរាជធានីភ្នំំពេញនិងលោក ស ថេត ស្នងការនគរបាលរាជធានីភ្នំំពេញ មេត្តាចាត់មន្ត្រីក្រោមឱវាទ ចុះបង្រ្កាបល្បែងហ្គេមបាញ់ត្រីច្រើនប្រភេទកំពុង បើកលេងគគ្រឹកគគ្រេងក្នុងផ្សារទំនើប សុីធីម៉ល អោយមានប្រសិទ្ធិភាពស្របតាមគោលនយោបាយ ភូមិ ឃុំ មានសុវត្ថិភាព ៧ ចំំណុចដែល រាជរដ្ឋាភិ បាលបានដាក់ចេញអោយអនុវត្តន៍និង ស្របតាមបទបញ្ជារ របស់ សម្តេចក្រឡាហោម ស ខេង ផងទាន ៕មានត
ល្បែងសុីសងហ្គេមបាញ់ត្រីនិងល្បែងច្រើនប្រភេទទៀតនៅក្នុងផ្សារទំនើបសុីធីម៉លជាន់ទី២ បើកលេងគគ្រឹកគគ្រេងដែលស្ថិតនៅសង្កាត់វាលវង់ ខណ្ឌ”៧មករា” រាជធានីភ្នំពេញ កណ្ដាលក្រុងអាជ្ញាធរមានសមត្ថកិច្ចមូលដ្ឋានមិនហ៊ានបង្រ្កាប សង្ស័យឆ្នាំងបាយ.!
Filed in: សង្គម