រតនគីរី ៖សង្វៀនជល់មាន់បៀអាប៉ោងនិងយូគី បើកលេងដុះស្លែយ៉ាងពេញ បន្ទុកស្ថិតនៅចំណុចអង់តែនក្នុងភូមិ ទុយ ឃុំ ទីង ចាក់ ស្រុកបរកែវ ខេត្ត រតនគិរី អាជ្ញាធរមានសមត្ថកិច្ចមូល ដ្ឋានមិនហ៊ានបង្ក្រាបនោះទេសង្ស័យឆ្នាំងបាយ។
ប្រភពពីពលរដ្ឋរស់នៅក្នុងមូលដ្ឋានបានបង្ហើបអោយដឹងថា សព្វថ្ងៃនេះមានគេបើកសង្វៀនជល់ មាន់ បៀ អាប៉ោងនិងយូគី យ៉ាងពេញបន្ទុកជាច្រើន ឆ្នាំមកហេីយ ដោយមានក្រុម ញៀនល្បែងប្រមូលផ្តុំគ្នាចូលលេងយ៉ាងពពាក់ពពូន ដោយគ្មានការទប់ ស្កាត់ពីមន្ត្រីអាជ្ញាធរ និង សមត្ថកិច្ចមូលដ្ឋានមិនមានវិធានទប់ស្កាត់បង្រ្កាបនោះទេ។
ពលរដ្ឋបានបន្តអោយដឹងទៀតថា ទីតាំងបើកល្បែង ស៊ីសងមួយកន្លែងនេះគេបានស្គាល់ឈ្មោះ ពិន តន (ហៅ តាតន) អាចបើកបន ល្បែងស៊ីសងខុសច្បាប់គ្រប់ប្រភេទតាមទំនើងចិត្ត ប្រហែលមានខ្នងអង្អែកលោកធំនៅពីក្រោយទើបមន្ត្រីពាក់ព័ន្ធ នៅទីនោះមិនហ៊ានបង្រាប គេសង្ស័យថាលោក ហេង ប៊ុន្នី អភិបាល ស្រុកបរកែវ និងលោក ថេង ចន្ទ័ធី អធិការនគរបាលស្រុកបរកែវ ប្រហែលជាបានប្រយោ ជន៍ពីមេបនល្បែងសុីសងឈ្មោះ ពិន តននេះហើយមើលទៅបានជាបណ្ដែតបណ្ដោយលោក ពិន តន មានសមត្ថ ភាព ធ្វើអ្វីបានតាមតែអំពើចិត្តបែបនេះ ។
ប្រភពដដែលបានអោយដឹងបន្ថែមទៀតថា សង្វៀនជល់មាន់ បៀ អា ប៉ោងនិង យូគី នៅភូមិទុយ ឃុំទីង ចាក់ ស្រុកបរកែវ ខេត្តរតនគិរី កំពុងបើកដំណើរការលេងយ៉ាងរលូនដោយគ្មានសមត្ថកិច្ចណាហ៊ានបង្ក្រាបឡើយ ។ មតិប្រជាពលរដ្ឋបានលើកឡើងថា បេីគ្មានការបើកដៃពីសំណាក់មន្ត្រី អាជ្ញាធរ និងសមត្ថកិច្ចពាក់ព័ន្ធគឺបុគ្គលឈ្មោះ ពិន តន មិនអាចបើកល្បែងស៊ីសងខុសច្បាប់បានឡើយ ហើយត្រូវប្រឈមនឹងការបង្ក្រាបទៀត ផង។
ចំណែកលោក យិន ចំណាន ស្នងការនគរបាលខេត្តរតនគិរី តើមានសមត្ថ ភាពក្នុងការចុះបង្ក្រាបទីតាំងក្រុមញៀ ន ល្បែងទាំងនោះដែលឬទេ? ព្រោះ ថាទីណាមានល្បែងសុីសងទីនោះនិងក្លាយជាតំបន់អសន្តិសុខនាពេលខាងមុខ គោលនយោបាយ ភូមិ ឃុំ មានសុវត្ថិភាពទាំង៧ ចំណុច របស់រាជរដ្ឋាភិបាលតើអាចយកមកអនុវត្ត និងប្រកបដោយប្រសិទ្ធភាពដែរឬទេ?។
ដែលបញ្ហានេះលោក ញ៉ែម សំអឿន អភិបាលខេត្តរតនគិរី លោកបានជ្រាប់ដែរទេ? តែបើលោកបានជ្រាប់ហើយ តើលោកមានវិធានការក្នុងការបង្រ្កាប ទប់ស្កាត់ល្បែងស៊ីសងខាងលើដែរទេ? ចៀសវាង មតិមហាជនរិះគន់ ដាក់ការសង្ស័យទៅ លើអាជ្ញាធរមូលដ្ឋានមាន ការឃុបឃិតនិងបើកភ្លើងខៀវជាប្រព័ ន្ធនិងបង្កើតបទល្មើសក្នុងមូលដ្ឋានគួរចាត់មន្ត្រីជំនាញក្រោមឱវាទចុះបង្ក្រាបទីតាំងខាង លើនេះផង៕មានត
